ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Olunyumakhwo Musa nende Haruni batsia nibamusunjila Farao bari Kano niko aka OMWAMI Nyasaye waIsiraeli aboola; mbu Lekhuula abandu banje batsie, mbu bangasilie lisabo mushitsiimi.

Okhuba okhurula olwa ndatsiile ewaFarao okhuboola muliiralio, abakhoielanga abandu bano obubii; kata iwe shiobahabiine abandubo nahatuutu ta.

Mana Musa nakalushila OMWAMI, nasunga ari Omwami, mbushiina nokholeele abandu bano obubii? Nishiina eshichilile niuruma?

Farao nasunga mbu OMWAMI naye niye wina, mbu embulile okhuboolakhwe mbu endekhuule Isiraeli? Isie shimumanyile OMWAMI oyo, kata shindalalekhuula Isiraeli mbu batsie tawe.

Ne obukhumi bwamatofali aka bakholanga okhuula olwa leelo, mubarekhwo murio; murabatiitiyiliekhwo tawe; shichila nabakara; niko akachila nibahaaba, bari Khutsie khumalile Nyasaye weefwe omusango. Mubaheelesie abandu abo emilimo emitinyu okhushila echiabeelenje, banyakhane ninachio; baleshe okhulonda amakhuwa kabutswa tawe.