ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

येशुड मुंदारकी आन्या, सुडना लांडगालला यल्ला मेंढऱ्यालनी आंपाला आल्ले निन मिमलान आंपतुनान, आंका मीर फाम लेका सावध इंगा कबुतर लेका गरीब उंडना.

यवाड मना जेम वाचाय मतताड वाड आदी गमायमती पण यवाड ना इचांग स्वताद जेम गमायमती वानकी सार्वकालिक जीवन शिक्की.

यवार शरीरनी मतेस्तार पण आत्मान मती शकायार वारकी यरस्कुनाकुंडा, तर दानपेक्षा आत्मान इंगा शरीरनी यवाड मती शकास्ताड इंगा नरकला येशी शकास्ताड आ परमेश्वरकी यरस्कोंडा.

यवार मना क्रुस तिस्केन ना यंका वच्चेद नकार शेस्ताड, वाड नाक योग्य लेड.

येशुड मुंदारकी आन्या, जर यवाडाना मंदी मुंदार नाद स्वीकार शेशी तर निन पण वान ना स्वर्गीय परमेश्वर आब्बान मुंदार स्वीकार शेशान. पण यवाडाना जर मंदी मुंदार नाद नकार शेशी तर वानदी निन पण ना स्वर्गीय परमेश्वर आब्बान मुंदार नकार शेशान.

रोग्यालनी शिंगार शेयना, सच्चीनोरनी जिवंत शेयना, कुष्ठरोग्यालनी शुद्ध शेयना इंगा दैयाल फारामतना. मिक फुकट शिक्कीनाद आंका फुकट इंडा.

दिनिचांग यरस्कुनाकुंडा. आन्नी गुवाल काना मीर शेंगेम मौल्यवान उंडार.

येशुड मुंदारकी आन्या, इल्ला समजायाकुंडा की निन पृथ्वी मिंदा शांतता फेटदेंक वच्चीनान. निन शांतता फेटदेंक दालेद तर तलवार यकोचीनान.