ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

येशुड उत्तर इच्या, “पहिला आज्ञा इदी, ‘हे इस्राएला, इन, प्रभुड मना परमेश्वर वक्काडे परमेश्वर उंडाड. नु नी पुर्ण अंतकरणता, पुर्ण जेमता, पुर्ण मनता इंगा पुर्ण शक्तीता नी प्रभु परमेश्वर मिंदा प्रेम शेय.’ दुसरा आज्ञा इदी उंडाद, ‘यल्ला स्वता मिंदा प्रेम शेस्ताव आल्ले नी शेजाऱ्यान मिंदा प्रेम शेय.’ इटलाकाना फेद्दाद यादुच आज्ञा लेद.”

येशुड मना शिष्यलान फिलच्या इंगा आन्या, “निन मिक खरेम शपतान की, आंदार यवार आ पेटीला दान येशीर वार आंदार काना इ विधवाद जास्त येशीनाद. निन इल्ला आंटान येनटीक की वार देगार याद शेंगेम उंड्या दांटल्योन्केल वार काहीक दान इच्चीर, पण आदी गरीब उंडी पण दान देगार येम उंड्या आदी आंताच इचकाड्या. आदी आंताच दानदी जीवन जगाशेद सहारा उंड्या.”

येशुड परमेश्वर भवनला दानपेटी मुंदार कुसनी मंदी पेटीला दुडलु येयदुर इदी सुदु इंगा शेंगेम धनवान मंदी शेंगेम दुडलु येयदुर. मंग वगा गरीब विधवाद वच्या इंगा आदी रोंड राग्याय कलदारलु आंटे वगा दमडी येशा.

वान मिंदा पुर्ण अंतकरणता, पुर्ण बुद्धीता, पुर्ण शक्तीता इंगा यल्ला स्वता मिंदा प्रेम शेस्ताव आल्ले नी शेजाऱ्यान मिंदा प्रेम शेय इ आन्नी यज्ञल इंगा अर्पणलु, याय मनाक शेशेद आज्ञा इच्चीनेय उंडाय, दान काना जास्त फेद्दाद उंडाद.”

यंकसार येशुड वारनी आन्या, “येम कैसरदी उंडाद आदी कैसरकी इंडा इंगा याद परमेश्वरदी उंडाद आदी परमेश्वरकी इंडा.” आप्पुड वार शेंगेम आश्चर्य चकीत आय्यीर.