ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Ax icx xi tma'n cye cycyakil: —Ka at jun xjal tajbil tu'n toc lpe' wi'je, xc'ayinc tib teju tex tajbil, k'inx tcrus tcyakil k'ij, ex lpe'c wi'je.

Porque alcye jun xjal o'cx toc tc'u'j ti'j tu'n tten tchwinklal twitz tx'otx', mlay tcamba aju chwinklal in tzaj tk'o'n Dios; ex alcye jun xjal tk'on tib tu'n tnaj tchwinklal twitz tx'otx' nok tu'n nlaje, oc tcamba' aju chwinklal in tzaj tk'o'n Dios.

Pero xi tma'n Jesús te: —Alcye jun xjal ma tzyet tkan punt tu'n ex in aj tque'yin ti'jxi, mlay tz'ajben tu'n tak'nan tuj tcawbil Dios.

Porque ¿ti tajben te xjal ka ma tcamba tcyakilju at twitz tx'otx' ex ka ma naj tu'nx tib?

Porque alcye ma ch'ixwi wi'je ex ti'j nyole, ax icx weye chin jawil ch'ixwiye ti'j oc wule in chin koptz'aje tu'n t-spic'umal Nmane ex tu'n cyspic'umal ke anjel xjan, akine sc'o'maj kine tu'n Dios tu'n ntene cyuc'il xjal.

Atzunte Jesús xi tma'n te: —Ke wech at cyjul, ex ke chyu'j at cyk'u'; atzun weye, minti' jatum tu'n ncub tane, akine sc'o'maj kine tu'n Dios tu'n ntene cyuc'il xjal, chi Jesús te.

ex xi tma'n cye: —Alcye jun xjal ma c'monte ju c'wa'l lu tu'nju at tc'ujlalil xjal wi'je, akine in chin tc'mo'n; ex alcye jun xjal ma chin c'monjtze tu'n, ax icx in c'monjtz Nmane tu'n, aju tzaj samante weye; porque aju mas ch'in cyxole, atzunju mas ma' toclen.