ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Deḛ d’ula na̰ ta mbuna na̰’d pana: Tɔgərɔ ya, ta wa dɔ sí mbata lə ŋgoko̰ sí lé. Mbata jeḛ j’oo mée gə́ tɔsee mbigi-mbigi loo gə́ yeḛ ra ndòo rɔ sí’g lé nɛ jeḛ j’un mbi sí dɔ’g rəw! Togə́bè ɓa némeeko̰ neelé teḛ ne dɔ síjeḛ’g gə mbəa.

Jisəb ɓa to njeguburu ɓee gə́ dɔ naŋg’d neelé. Yeḛ nja ɓa dəwje lai mee ɓeeko̰’g ndogo kó rəa’g. Ŋgako̰ Jisepje ree d’unda barmba nea̰’g dəb kəm dee naŋg nea̰’g tɔ.

Jisəb oo ŋgakea̰je lé ndá yeḛ gər dee. Nɛ yeḛ tel rəa to gə́ dəw-dɔ-ɓee bèe kəm dee’g. Yeḛ pa sə dee ta gə́ kədərə dəji dee pana: Seḭ lé see ḭje ra wa. Deḛ d’ilá keneŋ pana: J’ḭ dɔ naŋg gə́ Kana̰ ɓa jeḛ n’ree gə mba ndogo nésɔ.