ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

De HAR, dee aules rejieet, sajcht soo to dit: Paust goot opp, woo junt daut werkjlich jeit. Jie haben väl jeseit, oba weinich enjekjräajen. Jie haben to äten oba nich saut to äten. Jie drinkjen, oba nich daut jie emol voll woaren. Jie trakjen junt waut aun, oba jie haben nich toom junt jescheit woam auntrakjen. Dee waut sikj waut vedeent, dee mott daut en eene Tausch lajen, dee Lajcha haft.

Got emol enne Boaj un holt Holt, un but daut Hus, daut ekj doa kaun een Jefaulen aun haben, un daut ekj doa jeieet woa, sajcht de HAR. Horcht emol, jie hopten opp een Deel un kjrieejen weinich. Un aus jie daut no Hus brochten, pust ekj daut wajch. Wuarom deed ekj daut? frajcht de HAR, dee aules rejieet. Ekj deed daut wiels mien Hus gaunz enne Grunt licht, un een jiedra soo bemieecht es, sien ieejnet Hus väatostonen.