ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Jun ciento riqꞌuin mero ciento cutan quicuan li butꞌ saꞌ xbe̱n li ruchichꞌochꞌ.

Saꞌ eb li cutan aꞌan yalak bar quilajeꞌel chak li haꞌ saꞌ chꞌochꞌ. Ut nak quitehon li choxa, quichal li hab chi kꞌaxal cau. Aꞌin quicꞌulman saꞌ li cuuklaju xbe li xcab po re li chihab aꞌan. Cuakib ciento (600) chihab cuan re laj Noé nak quicꞌulman aꞌin.

Joꞌcaꞌin nak li Dios quixsach ruheb chixjunileb li cuanqueb saꞌ ruchichꞌochꞌ. Queꞌosoꞌ li cristian joꞌ ajcuiꞌ chixjunileb li xul li nequeꞌbe̱c. Joꞌ ajcuiꞌ li nequeꞌxjucuqui rib ut li nequeꞌrupupic chiru choxa. Caꞌaj chic laj Noé quicoleꞌ rochbeneb chixjunileb li cuanqueb saꞌ li jucub cab.

Ut quixqꞌue li hab chiru caꞌcꞌa̱l cutan ut caꞌcꞌa̱l kꞌojyi̱n.