ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nu n‑xatakaa dika‑s Jesús, te xiaꞌan‑ia nuu Ianyuux: —Taa‑ro Ianyuux, taxkanu ini‑n‑sɨ chi ñayo‑s ka xini xa kuechi kuu xa n‑ka kida‑s. Te n‑ka dadɨkɨ soldado jan suerte‑s nuu ndedaa‑s kendoo xiꞌin daꞌma‑ia.

Xiaꞌan Jesús nuu‑s: —Xandaa xakuiti kutuu‑ro nuu kuu jardín paraíso andɨu vitna.

Te xiaꞌan‑s nuu Jesús: —Dito, najaꞌan ñaꞌa‑n hora na xee‑n nuu taxnuni‑n.

Te xee xa xee n‑kana Jesús. N‑jaꞌan‑ia: —Taa‑ro Ianyuux, nakueka‑n anu‑da. Ijan dada n‑najuen tachi‑ia ɨɨn nga vuelta, te n‑xiꞌí‑ia.

Nu n‑xee‑ia ɨɨn nuu nani Yɨkɨ Dɨkɨ Ndɨyɨ, te ijan n‑ka xatakaa dika‑s‑ia xiꞌin se xndido tau kuechi‑s. Ɨɨn‑s n‑ka xatakaa dika‑s diñi kuaꞌa‑ia, ɨnka‑s n‑ka xatakaa dika‑s diñi datni‑ia.

Xaku nga xa kuu kaa x‑uu n‑kunee nituꞌu ñuñayiu xa nde kaa uni xa ñini chi n‑kida Ianyuux xa ña ndii ka. Te n‑ndata dava cortina ndiꞌu dava xiti veñuꞌu Jerusalén.

N‑xini centurión nujuiin yatni xeꞌe curuxi xa n‑yaꞌa, te n‑najuen tnuꞌu‑s Ianyuux. N‑jaꞌan‑s: —Xandaa xakuiti ña tuu na kuechi se yaꞌa io.