ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.

Pana nchcui' xca̱ bi' lo'o ngu': ―Ná cutsi̱i̱ ma̱ tsiya' ti ―nacui̱―. Cua lijya̱ na' re cha' ta na' sca cha' tso'o lo'o ma̱ ―nacui̱―. Tso'o tsa caca tyiquee lcaa ñati̱ xqui'ya cha' nu ta na' lo'o ma̱ juani ―nacui̱ xca̱ ji'i̱ ngu' bi'―.

Cua'ni tlyu na ji'i̱ ycui' Ndyosi, masi ca bi' ca su tlyu su ntucua Ni, masi nde lo yuu chalyuu, cha' tlyu tsa laca ycui' Ni, nacui̱ ngu' xca̱ bi' li'. Cua'ni Ni cha' ti̱ ti tyi'i̱ tyiquee ñati̱ chalyuu lo'o ca cuayá' ti' ngu' cha' ntsu'u tsa tyiquee Ni ña'a̱ Ni ji'i̱ ngu', nacui̱ ngu' xca̱ li'.

Ñi'ya̱ nu lijya̱ ndyaluu Jesús, jua'a̱ lijya̱ ndyaca cuayá' la ti' yu. Tso'o tsa nti' ycui' Ndyosi ña'a̱ Ni ji'i̱ yu; lo'o jua'a̱ ñati̱ chalyuu, tso'o nchcui' ngu' lo'o ña'a̱ ngu' ji'i̱ yu.

Si quije ji'i̱ ma̱ su ntsiya sca cubi' nu tso'o tsa ngüixi̱i̱ late' chu̱', nu ntsiya ne' canoa su ndacu cuayu, li' caca cuayá' ti' ma̱ cha' bi' laca nu naa Cristo.

Cacua ti to' quichi̱ bi' ndya'a̱ ngu' nu ña'a̱si̱i̱ ji'i̱ xlya' ji'i̱ ngu'. Talya bi' ntsu'u ngu' cua̱ ji'i̱ taju xlya' bi'. Tsiya' ca ndu'u tucua sca xca̱ ji'i̱ ycui' Ndyosi su ndi'i̱ ngu' ca bi'; jua'a̱ ngujui'i̱ sca xee tlyu su ndi'i̱ ngu' bi', xee ji'i̱ ycui' Ndyosi laca bi'. Ndyutsi̱i̱ tsa ngu' li'.