ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Mpohwo, kɨko huno ole kiyoso'manji olo tango u'masoso ngko wae umo'mo. Huno ose kiyoso'manji olo tango nɨ'masoso wae feenɨmofo. I, huno ose makiyo'manji wae yanɨmofohotoho. Jɨje hunomnohini finɨngkayo. Nje hunomo inɨngkahutoho.

Seten ose ko yontanɨngki ngko jɨje sɨmeho hi'ntnnono ntopantokunoso poyo mape'nyo'njo yone'enji Mpohumo kikine'no jomo nto ulɨmaleno. Oseso kɨko apa'no ngkimo nnɨngkapohoji kɨko jɨje nɨngkwahwosamo nɨfo'mahoji yokumpohn'nyo usosofitofo.

Jisas ose ulonto kako wopayo nomanto Anɨtumo isamoyoka ulonto kutɨkujo lohofonto kakoe inomokomoyo sohwamo hu'muyonto ulɨmento, Olo wosopayo loso nje a'apahofoho. [Sekumo sefo'mayo'ne mtɨhupenji sejapohono. Tɨfi no'mo sekwo ole mjanɨmɨkuji ngkine'no fisyanɨfɨsyɨkuno.

Wosopayo moi'wo nɨngkahonɨngkofi kako wosopayo uyɨmentiso hopaso kako mijo homo ose'nohini uyɨmentisofoho. Kako mijo uyonto ulɨmento, Olo ipisayo mijo noswanyo lo'mjo loso nje honɨyofoho. Sekwo Anɨtu'nji mokotɨku'nyo'ne yahino songo lomne'no sekwoe wonyomne'no mpe iyo'ne usɨhumahefoho.]

Jisas kako tango mɨkunɨmposo engo uyahonɨngki kako Mpohumo jomo yokumpohn'nyo ne'nohini ulontanɨngki kakoe a'apaho mta'ni wokino honɨyo pa'nɨngo hwahopo lo'nɨmentisofoho.

I oso'no sekwo oso hopa ikutoho. O'o, a'amu ngko yofe engo woma'mo loso sohwo kako nom'ne a'amumo enjwa'mnohini wohumano. I kako nom'ne hwamo womokosyohumamo loso sohwo kako oso huhwo sohwafe syoho ulohofiyo hopaso umo'nono.

Ose ulahonɨngki Jisas ulɨmento, Pita, ngko olo hungkuno wakilɨmonne'no yohono. Olo sɨkwo'miyo lomo tosɨka yoka moho'nyo kuntoliyopo kɨko ngkine'no mango hufa'u sɨhune ole ulɨmonnoho. Ngko Jisasɨmne'no huno maniyohoyohoho.