ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

Taam i Jisus, “Ina', kua pantipagon kou Raki' raginio? Kalo poyo nasuku' orou Kuno.”

Indagu i Jisus ra kambo-kambo no, “Suangi' min sampa'-sampa' ti ra timug.” Suangi' nilo boo koonom-onom sampa' i ra timug saboi nototop. Indagu boo i Jisus, “Raino suuko' sanganu timug no am pakinami' ra ulun ondo' maatang ra bunsag ragitio.” Ibito' nilo boo timug i riso.

Taam i Jisus, “Amon ru lunsayon min Baloi Tuhan ti, motoojo Ku buoi kataluan.”

Ginio ra pamitol Io ra rondo' lalapos am paugaro' No ilo ngaangai' mabaya' ra domba am sapi' nilai intor ra Baloi Tuhan i. Tuntuaro' No mija' ru mangangalig ra ruit no am pinatabulias No ruit nilai. Indagu Io ra mantatalan ra susuit asang no, “Paingkualo' noyo ngaangai' kuliamos min ti. Pai' min sauko' Baloi ru Ama' Kutu ra pasar!”