መዝሙር 15

የዳዊት መዝሙር።

1 እግዚአብሔር ሆይ፤ በድንኳንህ ውስጥ ማን ያድራል?

በተቀደሰው ኰረብታህስ ማን መኖር ይችላል?

2አካሄዱ የቀና፣

ጽድቅን የሚያደርግ፤

ከልቡ እውነትን የሚናገር፤

3በምላሱ የማይሸነግል፤

በባልንጀራው ላይ ክፉ የማይሠራ፤

ወዳጁን የማያማ፤

4ነውረኛ በፊቱ የተናቀ፤

እግዚአብሔርን የሚፈሩትን ግን የሚያከብር፤

ዋጋ የሚያስከፍለውም ቢሆን፣

ቃለ መሐላውን የሚጠብቅ፤

5ገንዘቡን በዐራጣ የማያበድር፣

በንጹሓን ላይ ጕቦ የማይቀበል።

እነዚህን የሚያደርግ፣

ከቶ አይናወጥም።

Currently Selected:

መዝሙር 15: NASV

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

መጽሐፍ ቅዱስ፣ አዲሱ መደበኛ ትርጕም™

በፈቃድ የሚወሰድ። በዓለም ዐቀፍ ባለቤትነቱ።

The Holy Bible, New Amharic Standard Version™

ስለ አዲሱ መደበኛ ትርጒም ተጨማሪ ይወቁ