Genesis 20
20
Abraham-aankuk Abimelech-aaq-llu
1Mamre-mek Abraham-aaq ayagtuq Canaan-aam ungalalirneranun uitaluni-llu akuliigni Kadesh-aankuk Shur-aq-llu. Tamatum kinguakun, Gerar-aami uitaqallermini, 2qanellruluni nuliani Sarah nayagaqniluku. Taumek angayuqam Abimelech-aam, atanirturilriim Gerar-ami aqvavkallrukii Sarah, taitelluku ellminun. 3Tau͡gaam Agayutem ullagaa Abimelech-aaq unugmi qavangurturtelluku, qanrulluku-llu, “Tuquarkauguten, tauna arnaq tegullren uingqerran.”
4Tau͡gaam Abimelech-aam agtuqsailamiu qanertuq, “Ataneq, tuquciciquten-qaa yugnek camek pinarqutkailengraata? 5Abraham-aaq-llu tungaunani qanellrulria nayagaqniluku. Sarah-llu qanerluni anngaqniluku. Assiilngurmek umyuarteqevkenii nalluamku uingqerrucia tuaten pillrulrianga.”
6Agayutem qanrutaa qavanguakun, “Aa-ang, wiinga nallunritaqa assiilngurmek umyuarteqevkenak tuaten pillrucin, wiinga-llu assiilngircetenritamken wangnun; agturcetevkenaku tauna arnaq. 7Kitaki arnaq uinganun utercessgu; prophet-aaruuq piicauciiqaaten unguvasqelluten. Tau͡gaam utercetenrilkuvgu pinritevkenak tuquciquten ilaten-llu tamarmeng.”
8Abimelech-aaq unuakuarmi makcara'arluni qayagaurai pisten̄i, qanrulluki-llu makunek. Pistai-llu alingeqapiggluteng. 9Abimelech-aam-llu Abraham-aaq taisqaa qanrulluku-llu, “Ciin waten pisikut? Camek elpenun assiilngillruama tuc'eciu man'a assiilnguq wangkutnun? Yuum piarkaqenrilkiinek wangnun piuten. 10Qaillun umyuarteqluten waten pisit?”
11Abraham-aam kiugaa, “Waten pillruunga umyuarteqngama, ‘Ukut yuut qigcikenritaat Agayun. Tuqutarkaugaatnga nuliaqa tegunaluku.’ 12Ilumun-wa nayagaqkeka, atama panikngaku, allamek tau͡gaam aanaluni, wiinga-llu nuliqsagulluku. 13Agayutem-llu ayagcecanga atama eniinek qanrutellruaqa, ‘Wangnun piciucin nasvaggu. Nunanun tekitaqamta qanlaqina wangnun nayagaqniluten.’”
14Tua-i Abimelech-aam utercetaa Sarah Abraham-aamun, cali-llu taum nalliini cikirluku Abraham-aaq qusnginek, kuluvagnek angucalunek, pisten̄ek-llu angutnek arnanek-llu. 15Abimelech-aaq-llu qanertuq, “Tangerrluku nunauteka ciuqerpeni tangrran. Nani piyullerpeni uitakina.” 16Sarah-mun-llu qanertuq, “Anngaan cikiraqa tiissitsaanek qerrirlinek akinek, pinarqutailucin nallunritesqelluku ilavnun; camek pinarqutaitellren tuaggun asguranairumauq.”
17-18Abraham-aam nulirran Sarah-m tuaten pimallra pitekluku Atanrem arnat Abimelech-aam atanruviani qingarciigatevkallrui. Taumek Abraham-aam piicautellrukii Abimelech-aaq canrirtelluku-llu. Nulirra-llu arnat-llu cali pistai ataam qingaryugngarivkarluki.
Currently Selected:
Genesis 20: YPK
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Yupik Bible © 2012 American Bible Society. All rights reserved.
Genesis 20
20
Abraham-aankuk Abimelech-aaq-llu
1Mamre-mek Abraham-aaq ayagtuq Canaan-aam ungalalirneranun uitaluni-llu akuliigni Kadesh-aankuk Shur-aq-llu. Tamatum kinguakun, Gerar-aami uitaqallermini, 2qanellruluni nuliani Sarah nayagaqniluku. Taumek angayuqam Abimelech-aam, atanirturilriim Gerar-ami aqvavkallrukii Sarah, taitelluku ellminun. 3Tau͡gaam Agayutem ullagaa Abimelech-aaq unugmi qavangurturtelluku, qanrulluku-llu, “Tuquarkauguten, tauna arnaq tegullren uingqerran.”
4Tau͡gaam Abimelech-aam agtuqsailamiu qanertuq, “Ataneq, tuquciciquten-qaa yugnek camek pinarqutkailengraata? 5Abraham-aaq-llu tungaunani qanellrulria nayagaqniluku. Sarah-llu qanerluni anngaqniluku. Assiilngurmek umyuarteqevkenii nalluamku uingqerrucia tuaten pillrulrianga.”
6Agayutem qanrutaa qavanguakun, “Aa-ang, wiinga nallunritaqa assiilngurmek umyuarteqevkenak tuaten pillrucin, wiinga-llu assiilngircetenritamken wangnun; agturcetevkenaku tauna arnaq. 7Kitaki arnaq uinganun utercessgu; prophet-aaruuq piicauciiqaaten unguvasqelluten. Tau͡gaam utercetenrilkuvgu pinritevkenak tuquciquten ilaten-llu tamarmeng.”
8Abimelech-aaq unuakuarmi makcara'arluni qayagaurai pisten̄i, qanrulluki-llu makunek. Pistai-llu alingeqapiggluteng. 9Abimelech-aam-llu Abraham-aaq taisqaa qanrulluku-llu, “Ciin waten pisikut? Camek elpenun assiilngillruama tuc'eciu man'a assiilnguq wangkutnun? Yuum piarkaqenrilkiinek wangnun piuten. 10Qaillun umyuarteqluten waten pisit?”
11Abraham-aam kiugaa, “Waten pillruunga umyuarteqngama, ‘Ukut yuut qigcikenritaat Agayun. Tuqutarkaugaatnga nuliaqa tegunaluku.’ 12Ilumun-wa nayagaqkeka, atama panikngaku, allamek tau͡gaam aanaluni, wiinga-llu nuliqsagulluku. 13Agayutem-llu ayagcecanga atama eniinek qanrutellruaqa, ‘Wangnun piciucin nasvaggu. Nunanun tekitaqamta qanlaqina wangnun nayagaqniluten.’”
14Tua-i Abimelech-aam utercetaa Sarah Abraham-aamun, cali-llu taum nalliini cikirluku Abraham-aaq qusnginek, kuluvagnek angucalunek, pisten̄ek-llu angutnek arnanek-llu. 15Abimelech-aaq-llu qanertuq, “Tangerrluku nunauteka ciuqerpeni tangrran. Nani piyullerpeni uitakina.” 16Sarah-mun-llu qanertuq, “Anngaan cikiraqa tiissitsaanek qerrirlinek akinek, pinarqutailucin nallunritesqelluku ilavnun; camek pinarqutaitellren tuaggun asguranairumauq.”
17-18Abraham-aam nulirran Sarah-m tuaten pimallra pitekluku Atanrem arnat Abimelech-aam atanruviani qingarciigatevkallrui. Taumek Abraham-aam piicautellrukii Abimelech-aaq canrirtelluku-llu. Nulirra-llu arnat-llu cali pistai ataam qingaryugngarivkarluki.
Yupik Bible © 2012 American Bible Society. All rights reserved.