SAN LUCAS 20
20
Jantu lay tajunilhi yu jalhisakmilh an Jesús
(Mt. 21:23-27; Mr. 11:27-33)
1La'atam wilhchan akxni an Jesús ixjamasunit'ajun an lapanakni laka tajtan chi akxni ixjajunt'ajun an laj'oxi chiwinti, tala'cha'alh an xalaj'ajin sacerdotejnin chi an xamaestrojnin lhamap'a'sin, chi an laktatanincha, 2chi taxa'alalh tajuniy:
―Akilajuniwi t'uch'ini ch'unch'ach'a lhi'ilht'uy ani laktanlhun, u tichini yuchacha makawniyan li ch'unch'a k'a'ilht'u.
3An Jesús ja'alhtaylh, jajuniy:
―Kit'in wachu aklalhisakmiyaw la'atam lhasakminti. Akilajuniw: 4Tacha an ixjama'paxanan Juan, ¿Diosi ixlijuniy, u wa yucha an lapanaknicha?
5Pus yu'uncha tsukulhcha talhilakchiwiniy, talajuniy:
―Li kajunaw li Diosi ixmakmintachalh, akintajunan: “¿P'us ch'i li jant'ucha k'iklak'a'it'iti?” 6Chi li kajunaw li wa yu'uncha an lapanaknicha ixtalhijuniy, chux an lapanakni akintalakat'alhmayan, mu ixchuxk'ani takiklaka'iy li an Juan ixchiwinti Diosi ixlichiwiniy.
7Pus taja'alhtayanalh li jantu tak'ats'ayi tichini yuchacha ixmala'achatachalh an Juan li kajama'paxanalh. 8Wa chuncha an Jesús jajuniy:
―Kit'in wachu jantu aktilajuniwi tuchini laycha chuncha iklhi'ilhtuy ani tanlhun.
La'atam pulhamacha'xan yu wa ay ixtajunita lapanakni yu ixtalhist'ak'a lakaat'un
(Mt. 21:33-44; Mr. 12:1-11)
9Wa chuncha an Jesús tsukulhcha jajuniy la'atam pulhamacha'xani an lapanakni, jajuniy:
―Pumatam lapanak ch'anlhi ix'uva, chi jamach'ixta'nilhcha tichi yu'uncha lapanakni, chi yucha ma'ancha alh tanchun ma'at. 10Akxni ixpakucha walh an uva, mala'achachalhcha pumatam ixma'tsuku para li kataxta'nilhcha an yu ixjamalhistaknita yu ixnawincha, pero yu'uncha wa talakasamanilh, pus wachuncha cha'ancho'olh. 11Chi a'tam mala'achapalhchalh pumatam ixma'tsuku', pero wachu wa talakasamanipalh, xkayajcha tajunilh chi wa chuncha wachu tamala'achacho'opalh. 12Walh a'tam mala'achapalhchalh pumatam ixma'tsuku' pero wanajcha chun, tatamakxtupalh chi tamak'atsanilh.
13’Pus wa chuncha an jamanawin an tan ch'ankanta uva najun: “¿Tasucha aklhit'alaya'a? Akmala'achaya an kints'alh, masi wa pumatami kints'alh, ka sna katakiklaka'iyanta yucha.” 14Pero an yu ixjamalhistaknikanta uva, akxni tala'ts'ilh, talajuniy: “Yucha anicha yu kajama'lhtayanana an herencia, kama'niw, walh lani ki'anuchak'ani kajuna'.” 15Pus tatamakxtulhi an tan ixch'ankanta uva chi tama'nilhcha.
’¿Chaway uxitnan t'asuch'a lhiwilayat kaja'ilhtuya an jamanawin uva an yu ixjamalhistaknita ix'uvaja? 16Yucha ka'ana, chi kajama'ni'oya an yu ixtajalhistaknanta, ali'ini kajaxta'niya an tan ch'anta ix'uva.
Akxni chunchacha ta'alha'asmatlhi tanajun:
―¡Dioscha akintama'alhtaxtun!
17Pero an Jesús sa'cha jala'ts'in chi jajuniy:
―Pus, ¿tasipi nawputuncha an tan ts'o'muk'akanta? tan najun:
An chiwx an yu tala'amaj'alh an tayajuy cha'a,
apalij yucha yu palay lhitapalalh.
18Yu la ix'ukxni ani chiwx katamayanta, wanaj lakt'ikt'i kajun'oya', chi yu kaputamaya ani chiwx, wanaj po'xmi kajun'oya'.
Ixlakata yu lhimapalhlhi'at
(Mt. 21:45-46; 22:15-22; Mr. 12:12-17)
19Wa akxni an xalaj'ajin sacerdotejnin chi an xamaestrojnin lhamap'a'sin ixtach'apayawputuncha an Jesús, mu talhimacha'xalhi li yu'uncha jajunilh an tacha nawlh. Pero jantu tach'apayawlhi mu ixtatalhamniya an lapanakni. 20Ixli'astan tamala'achalhcha yu kata'alh jalakawanin an tan ixt'ajun an Jesús, ma wa oxicha lapanakni katalalh, para li kata'alh'a'taymalhcha tu'u chi chuncha laycha katama'axta'nilh an xajamach'alhkat Roma. 21An yu ixta'anta jalakawanin tajuniy an Jesús:
―Maestro, ijk'atsayawi li an yu na'un ch'i an masuy chuncha sawalh, chi para lhichuxi an yu na'un, uxint'i ts'awj sawalhi masuy an ixtij Dios. 22¿Oxi li akmapalhlhi'aniw an xajamach'alhkat Roma, u jantu?
23Pero an Jesús ja'uksak'atsalhi li jantu oxi an yu ixtala'anta, pus jajuniy:
―¿Tasu li kilalhila'ts'intanuyawcha? 24Akilamasuniw a'xtami an tumin. ¿Tisapiyuchacha an puwilh chi an ixta'a'ut?
Yu'uncha ta'alhtaylh, tajuniy:
―Yucha an ay xajamach'alhkat Roma.
25An Jesús jajuniy:
―P'us k'axt'a'nitcha yu ix'anu an xajamach'alhkat Roma chi yu ix'anu an Dios wach'uch'a k'axt'a'nit'it.
26Wa chuncha jantu layi tu'u ta'alh'a'taymalh yu ixjajuniy an lapanakni, para li katach'apayawlhcha, apalijcha sa' talajkilhulh, mu ixtalhi'a'niycha tacha an ja'alhtaylh.
Lhasakmin li sna kala'awcho'okana'
(Mt. 22:23-33; Mr. 12:18-27)
27Ixli'astan an Jesús tala'cha'alh ali'in lapanakni yu ixjajunkan saduceojnin, yu an tanajun li tucha lay katila'awcho'okalh, talhisakmilh. 28Tajuniy:
―Maestro, an Moisés kintats'o'nin tan najun: Li xamati tam t'aku li nimakawtijlakalh chi li jantu t'ajamas'at'analhi ixt'apapa pero li an yu nilh lhit'ajuni ixt'ala'ajun, yuchacha kat'atsukucho'oya an t'aku para li katajamas'at'analhi tacha kaxt'ajamas'at'analh an ixt'ala'ajun. 29Pus ixtat'ajun ixpumatujunk'an wa lhit'ala'awnin, an xa'aycha t'atsukukalhcha, walh nilh, chi jantu tu'u jamakawlh ixjas'at'an. 30Pus wa chuncha an t'aku t'atsukupalhi an ixt'ala'ajun an yu nilhcha, walh wachu nipalh, chi jantu tu'u jamakawpalh ixjas'at'an. 31Chi a'tam t'atsukupalhi yu ixlipumat'utucha, chi sta jat'atsuku'olhi an ixpumatujunk'an, walh talakni'olh, jantu tu'u tamakawlh ixjas'at'ank'an. 32Ixli'astan, wachucha nilhi an t'aku'. 33Pus akxni kala'awcho'okana, ¿an ixpumatujunk'an wa lhit'ala'awnin tisiyuchacha ixt'iwi kajuna an t'aku, mu an ixpumatujunk'an tat'atsuku'olhi?
34An Jesús ja'alhtaylh, jajuniy:
―Yu chaway ani t'awkan an lapanakni chi an t'akunin jat'atsukukan. 35Pero li yu an Dioscha kanawna li katala'a'iya an sast'i jatsukunti yu wa ka'alinaka, chi katala'awcho'oya, akxni jantucha katitalat'atsukulh. 36Mu akxni tucha lay katitanilh, akxni tacha an angelhnincha katajuna', chi ixjas'at'ancha an Dios, mu xliyu li katala'awcho'oya'. 37Pero an Moisés wachu najuni li kala'awcho'okana', tan an lhits'o'muk'alh an jach'itin yu junkan zarza yu ixma'tajita, akxni nawlh an Moisés li an Dios, ixDios Abraham, chi ixDios Isaac chi ixDios Jacob, 38mu an Dios jantu ixDiosk'an janinin, yucha ixDiosk'an yu tala'ajunta, mu para yucha, tala'aw'ojota.
39Ali'in an xamaestrojnin lhamap'a'sin ta'alhtaylh, tajuniy:
―Oxi t'ach'a an na'uni Maestro.
40Pus jantucha tu'u tatapujulh ali katalhisakmilh.
¿Tisiyuchacha isTs'alh an Cristo?
(Mt. 22:41-46; Mr. 12:35-37)
41Wa chuncha an Jesús jajuniy:
―¿Tasu li tanajuncha li an Cristo ists'alh Daviti? 42Pero mu yucha an Daviti nawpalay an laka libro tan junkan Salmos, najun:
An Jamach'alhkat Dios juniy an kiJamach'alhkat Cristo:
“K'at'a'ulhcha tan oxi la kimpa'xti',
43sta kachajcha aktijamama'oya la mijach'aja an yu wa taxkayan.”
44’Pus an David ixJamach'alhkati juniy an Cristo, ¿tasucha li ists'alh a'tami?
An Jesús ja'alhtasuy an xamaestrojnin lhamap'a'sin
(Mt. 23:1-36; Mr. 12:38-40; Lc. 11:37-54)
45Ixchuxk'an an lapanakni ixta'alha'asmat'acha an Jesús chi jajuniy an ixt'alhtanan:
46―Walh kata'o'xcho'oni an xamaestrojnin lhamap'a'sin, mu yu'uncha ta'achaniy tala'la'ch'iy la'lhman ixla'ch'itk'an, chi talakask'in li sawalhcha kajalhiwilakalhi kajala'axa'alakalh an laka laktij. Chi tapuxkajuy tan lhitapalay putawlani an laka lakcha'a tan pulakta'ayxto'kan chi tan p'ulhnaja talaktawlhputun an tan lakwaykan. 47Tamaxtuniya ixcha'ak'an an yu jantucha tu'u ixt'apapak'an t'akunin, chi para wa jantucha kajak'atsanikalh wa panijniycha tatapayniy. Yu'uncha palay katala'a'iya lhima'alh'ajna.
Currently Selected:
SAN LUCAS 20: tpp
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2015, Wycliffe Bible Translators, Inc. All rights reserved.
SAN LUCAS 20
20
Jantu lay tajunilhi yu jalhisakmilh an Jesús
(Mt. 21:23-27; Mr. 11:27-33)
1La'atam wilhchan akxni an Jesús ixjamasunit'ajun an lapanakni laka tajtan chi akxni ixjajunt'ajun an laj'oxi chiwinti, tala'cha'alh an xalaj'ajin sacerdotejnin chi an xamaestrojnin lhamap'a'sin, chi an laktatanincha, 2chi taxa'alalh tajuniy:
―Akilajuniwi t'uch'ini ch'unch'ach'a lhi'ilht'uy ani laktanlhun, u tichini yuchacha makawniyan li ch'unch'a k'a'ilht'u.
3An Jesús ja'alhtaylh, jajuniy:
―Kit'in wachu aklalhisakmiyaw la'atam lhasakminti. Akilajuniw: 4Tacha an ixjama'paxanan Juan, ¿Diosi ixlijuniy, u wa yucha an lapanaknicha?
5Pus yu'uncha tsukulhcha talhilakchiwiniy, talajuniy:
―Li kajunaw li Diosi ixmakmintachalh, akintajunan: “¿P'us ch'i li jant'ucha k'iklak'a'it'iti?” 6Chi li kajunaw li wa yu'uncha an lapanaknicha ixtalhijuniy, chux an lapanakni akintalakat'alhmayan, mu ixchuxk'ani takiklaka'iy li an Juan ixchiwinti Diosi ixlichiwiniy.
7Pus taja'alhtayanalh li jantu tak'ats'ayi tichini yuchacha ixmala'achatachalh an Juan li kajama'paxanalh. 8Wa chuncha an Jesús jajuniy:
―Kit'in wachu jantu aktilajuniwi tuchini laycha chuncha iklhi'ilhtuy ani tanlhun.
La'atam pulhamacha'xan yu wa ay ixtajunita lapanakni yu ixtalhist'ak'a lakaat'un
(Mt. 21:33-44; Mr. 12:1-11)
9Wa chuncha an Jesús tsukulhcha jajuniy la'atam pulhamacha'xani an lapanakni, jajuniy:
―Pumatam lapanak ch'anlhi ix'uva, chi jamach'ixta'nilhcha tichi yu'uncha lapanakni, chi yucha ma'ancha alh tanchun ma'at. 10Akxni ixpakucha walh an uva, mala'achachalhcha pumatam ixma'tsuku para li kataxta'nilhcha an yu ixjamalhistaknita yu ixnawincha, pero yu'uncha wa talakasamanilh, pus wachuncha cha'ancho'olh. 11Chi a'tam mala'achapalhchalh pumatam ixma'tsuku', pero wachu wa talakasamanipalh, xkayajcha tajunilh chi wa chuncha wachu tamala'achacho'opalh. 12Walh a'tam mala'achapalhchalh pumatam ixma'tsuku' pero wanajcha chun, tatamakxtupalh chi tamak'atsanilh.
13’Pus wa chuncha an jamanawin an tan ch'ankanta uva najun: “¿Tasucha aklhit'alaya'a? Akmala'achaya an kints'alh, masi wa pumatami kints'alh, ka sna katakiklaka'iyanta yucha.” 14Pero an yu ixjamalhistaknikanta uva, akxni tala'ts'ilh, talajuniy: “Yucha anicha yu kajama'lhtayanana an herencia, kama'niw, walh lani ki'anuchak'ani kajuna'.” 15Pus tatamakxtulhi an tan ixch'ankanta uva chi tama'nilhcha.
’¿Chaway uxitnan t'asuch'a lhiwilayat kaja'ilhtuya an jamanawin uva an yu ixjamalhistaknita ix'uvaja? 16Yucha ka'ana, chi kajama'ni'oya an yu ixtajalhistaknanta, ali'ini kajaxta'niya an tan ch'anta ix'uva.
Akxni chunchacha ta'alha'asmatlhi tanajun:
―¡Dioscha akintama'alhtaxtun!
17Pero an Jesús sa'cha jala'ts'in chi jajuniy:
―Pus, ¿tasipi nawputuncha an tan ts'o'muk'akanta? tan najun:
An chiwx an yu tala'amaj'alh an tayajuy cha'a,
apalij yucha yu palay lhitapalalh.
18Yu la ix'ukxni ani chiwx katamayanta, wanaj lakt'ikt'i kajun'oya', chi yu kaputamaya ani chiwx, wanaj po'xmi kajun'oya'.
Ixlakata yu lhimapalhlhi'at
(Mt. 21:45-46; 22:15-22; Mr. 12:12-17)
19Wa akxni an xalaj'ajin sacerdotejnin chi an xamaestrojnin lhamap'a'sin ixtach'apayawputuncha an Jesús, mu talhimacha'xalhi li yu'uncha jajunilh an tacha nawlh. Pero jantu tach'apayawlhi mu ixtatalhamniya an lapanakni. 20Ixli'astan tamala'achalhcha yu kata'alh jalakawanin an tan ixt'ajun an Jesús, ma wa oxicha lapanakni katalalh, para li kata'alh'a'taymalhcha tu'u chi chuncha laycha katama'axta'nilh an xajamach'alhkat Roma. 21An yu ixta'anta jalakawanin tajuniy an Jesús:
―Maestro, ijk'atsayawi li an yu na'un ch'i an masuy chuncha sawalh, chi para lhichuxi an yu na'un, uxint'i ts'awj sawalhi masuy an ixtij Dios. 22¿Oxi li akmapalhlhi'aniw an xajamach'alhkat Roma, u jantu?
23Pero an Jesús ja'uksak'atsalhi li jantu oxi an yu ixtala'anta, pus jajuniy:
―¿Tasu li kilalhila'ts'intanuyawcha? 24Akilamasuniw a'xtami an tumin. ¿Tisapiyuchacha an puwilh chi an ixta'a'ut?
Yu'uncha ta'alhtaylh, tajuniy:
―Yucha an ay xajamach'alhkat Roma.
25An Jesús jajuniy:
―P'us k'axt'a'nitcha yu ix'anu an xajamach'alhkat Roma chi yu ix'anu an Dios wach'uch'a k'axt'a'nit'it.
26Wa chuncha jantu layi tu'u ta'alh'a'taymalh yu ixjajuniy an lapanakni, para li katach'apayawlhcha, apalijcha sa' talajkilhulh, mu ixtalhi'a'niycha tacha an ja'alhtaylh.
Lhasakmin li sna kala'awcho'okana'
(Mt. 22:23-33; Mr. 12:18-27)
27Ixli'astan an Jesús tala'cha'alh ali'in lapanakni yu ixjajunkan saduceojnin, yu an tanajun li tucha lay katila'awcho'okalh, talhisakmilh. 28Tajuniy:
―Maestro, an Moisés kintats'o'nin tan najun: Li xamati tam t'aku li nimakawtijlakalh chi li jantu t'ajamas'at'analhi ixt'apapa pero li an yu nilh lhit'ajuni ixt'ala'ajun, yuchacha kat'atsukucho'oya an t'aku para li katajamas'at'analhi tacha kaxt'ajamas'at'analh an ixt'ala'ajun. 29Pus ixtat'ajun ixpumatujunk'an wa lhit'ala'awnin, an xa'aycha t'atsukukalhcha, walh nilh, chi jantu tu'u jamakawlh ixjas'at'an. 30Pus wa chuncha an t'aku t'atsukupalhi an ixt'ala'ajun an yu nilhcha, walh wachu nipalh, chi jantu tu'u jamakawpalh ixjas'at'an. 31Chi a'tam t'atsukupalhi yu ixlipumat'utucha, chi sta jat'atsuku'olhi an ixpumatujunk'an, walh talakni'olh, jantu tu'u tamakawlh ixjas'at'ank'an. 32Ixli'astan, wachucha nilhi an t'aku'. 33Pus akxni kala'awcho'okana, ¿an ixpumatujunk'an wa lhit'ala'awnin tisiyuchacha ixt'iwi kajuna an t'aku, mu an ixpumatujunk'an tat'atsuku'olhi?
34An Jesús ja'alhtaylh, jajuniy:
―Yu chaway ani t'awkan an lapanakni chi an t'akunin jat'atsukukan. 35Pero li yu an Dioscha kanawna li katala'a'iya an sast'i jatsukunti yu wa ka'alinaka, chi katala'awcho'oya, akxni jantucha katitalat'atsukulh. 36Mu akxni tucha lay katitanilh, akxni tacha an angelhnincha katajuna', chi ixjas'at'ancha an Dios, mu xliyu li katala'awcho'oya'. 37Pero an Moisés wachu najuni li kala'awcho'okana', tan an lhits'o'muk'alh an jach'itin yu junkan zarza yu ixma'tajita, akxni nawlh an Moisés li an Dios, ixDios Abraham, chi ixDios Isaac chi ixDios Jacob, 38mu an Dios jantu ixDiosk'an janinin, yucha ixDiosk'an yu tala'ajunta, mu para yucha, tala'aw'ojota.
39Ali'in an xamaestrojnin lhamap'a'sin ta'alhtaylh, tajuniy:
―Oxi t'ach'a an na'uni Maestro.
40Pus jantucha tu'u tatapujulh ali katalhisakmilh.
¿Tisiyuchacha isTs'alh an Cristo?
(Mt. 22:41-46; Mr. 12:35-37)
41Wa chuncha an Jesús jajuniy:
―¿Tasu li tanajuncha li an Cristo ists'alh Daviti? 42Pero mu yucha an Daviti nawpalay an laka libro tan junkan Salmos, najun:
An Jamach'alhkat Dios juniy an kiJamach'alhkat Cristo:
“K'at'a'ulhcha tan oxi la kimpa'xti',
43sta kachajcha aktijamama'oya la mijach'aja an yu wa taxkayan.”
44’Pus an David ixJamach'alhkati juniy an Cristo, ¿tasucha li ists'alh a'tami?
An Jesús ja'alhtasuy an xamaestrojnin lhamap'a'sin
(Mt. 23:1-36; Mr. 12:38-40; Lc. 11:37-54)
45Ixchuxk'an an lapanakni ixta'alha'asmat'acha an Jesús chi jajuniy an ixt'alhtanan:
46―Walh kata'o'xcho'oni an xamaestrojnin lhamap'a'sin, mu yu'uncha ta'achaniy tala'la'ch'iy la'lhman ixla'ch'itk'an, chi talakask'in li sawalhcha kajalhiwilakalhi kajala'axa'alakalh an laka laktij. Chi tapuxkajuy tan lhitapalay putawlani an laka lakcha'a tan pulakta'ayxto'kan chi tan p'ulhnaja talaktawlhputun an tan lakwaykan. 47Tamaxtuniya ixcha'ak'an an yu jantucha tu'u ixt'apapak'an t'akunin, chi para wa jantucha kajak'atsanikalh wa panijniycha tatapayniy. Yu'uncha palay katala'a'iya lhima'alh'ajna.
© 2015, Wycliffe Bible Translators, Inc. All rights reserved.