Yauhaas 9
9
Yexus Khu Tug Txivneej Kws Dligmuag Thaus Nruabthab
1Thaus Yexus taabtom taug kev moog, Nwg pum ib tug txivneej kws dligmuag thaus nruabthab lug lawm. 2Nwg cov thwjtim txawm nug Nwg has tas, “Xwbfwb, leejtwg ua txhum txhaj ua rua tug txivneej nuav dligmuag thaus nruabthab lug? Yog nwg ua txhum los yog nwg nam nwg txiv ua txhum?”
3Yexus teb tas, “Qhov kws nwg dligmuag le nuav tsi yog vim nwg tej kev txhum lossis vim nwg nam nwg txiv tej kev txhum. Nwg dligmuag sub Vaajtswv lub fwjchim txhaj yuav tshwm nyob rua huv nwg lub neej. 4Thaus kws tseem yog nruabnub, peb yuavtsum ua Vaajtswv tug kws khaiv Kuv lug tej num; montuj tub lug yuav txug, thaus ntawd tuabneeg yuav tsi pumkev ua num lawm. 5Thaus Kuv tseem nyob huv nplajteb nuav, Kuv yog qhov pumkev rua lub nplajteb.” #Math 5:14; Yauh 8:12
6Thaus Yexus has le nuav taag, Nwg txawm ntu quavncaug rua huv moov aav, hab ua ib cov kuadlis aav; Nwg muab cov kuadlis aav ntawd lug pleev tug txivneej ntawd ob lub qhovmuag, 7hab has rua nwg tas, “Koj cale moog ntxuav muag tom lub paag dlej Xilau-aas.” (Lub npe nuav txhais has tas, “Khaiv moog.”) Yogle, tug txivneej ntawd txhaj moog ntxuav muag hab rovqaab lug, tes nwg txawm pumkev lawm.
8Tej tuabneeg zejzog hab cov kws txeev pum nwg thovkhawv yaav taag lug, puab txawm sisnug has tas, “Tug txivneej nuav tsi yog tug kws txeev nyob ntawm nuav thovkhawv lov?”
9Muaj qeeleej has tas, “Yog tug ntawd ntaag los mas,” tabsis qeeleej has tas, “Tsi yog, nwg tsuas zoole tug ntawd xwb.”
Nwg txhaj has tas, “Kuv tub yog tug txivneej ntawd ntaag los mas.”
10Puab nug nwg has tas, “Ua lecaag nwgnuav koj ho pumkev lawm?”
11Nwg teb tas, “Tug txivneej kws npe hu ua Yexus ua ib co kuadlis aav pleev kuv ob lub qhovmuag, hab has kuas kuv moog ntxuav muag tom lub paag dlej Xilau-aas. Yogle ntawd, kuv txhaj moog. Thaus kuv ntxuav muag taagnrho xwb tes kuv txawm pumkev lawm.”
12Puab nug has tas, “Nwg nyob qhovtwg?”
Tug txivneej ntawd teb tas, “Kuv tsi paub.”
Cov Falixais Sojntsuam Seb Ua Lecaag Tug Dligmuag Ho Pumkev
13Puab txawm coj tug txivneej kws thaus u dligmuag ntawd moog cuag cov Falixais. 14Nub kws Yexus ua kuadlis aav pleev tug dligmuag ntawd ob lub qhovmuag yog nub Xanpataus. 15Cov Falixais rov nug tug txivneej ntawd has tas uacaag nwg ho pumkev tau. Nwg qha rua puab has tas, “Nwg muab mivntsiv kuadlis aav pleev kuv ob lub qhovmuag, kuv moog ntxuav muag taag tes kuv txawm pumkev lawm.”
16Cov Falixais muaj qeeleej has tas, “Tug txivneej kws ua le nuav yeej tsi yog lug ntawm Vaajtswv lug, ruaqhov Nwg tsi fwm nub Xanpataus txuj kevcai.”
Tabsis muaj qeeleej has tas, “Tug tuabneeg txhum yuav uacaag ua tau tej txujci tseemceeb le nuav?” Tes puab txawm sisfaib hab tsi sishum lawm.
17Yogle ntawd, cov Falixais rov nug tug txivneej ntawd has tas, “Koj has tas Nwg khu tau koj ob lub qhovmuag pumkev, koj sim qha seb Nwg yog leejtwg?”
Tug txivneej ntawd teb tas, “Nwg yog ib tug xwbfwb cev Vaajtswv lug.”
18Cov Yudais tej numtswv yeej tseem tsi ntseeg tas tug txivneej ntawd yeej ibtxwm dligmuag hab nwgnuav nwg pumkev lawm, moog txug thaus kws puab hu nwg nam nwg txiv tuaj, 19hab nug obtug has tas, “Tug nuav puas yog meb tug tub? Meb has tas nwg yeej ibtxwm dligmuag thaus nruabthab lug, uacaag nwgnuav nwg ho pumkev tau?”
20Nwg nam nwg txiv teb tas, “Wb paub tas nwg yog wb tug tub hab paub tas nwg yeej ibtxwm dligmuag thaus nruabthab lug tag. 21Tabsis wb tsi paub sov ua lecaag nwgnuav nwg ho pumkev, hab wb tsi paub tas sov leejtwg khu nwg ob lub qhovmuag zoo lawm. Mej kuj nug nwg; nwg tub luj txaus lawm, nwg yeej yuav qha tau rua mej!” 22Nwg nam nwg txiv has le nuav vim obtug ntshai cov Yudais tej numtswv, ruaqhov cov Yudais tej numtswv tau saablaaj has tas, yog leejtwg leeg has tas Yexus yog tug Mexiyas, puab yuav muab tug ntawd ntab tawm huv lub tsev saablaaj moog. 23Vimle ntawd, nwg nam nwg txiv txhaj has tas, “Nwg tub luj txaus lawm; mej kuj nug nwg xwb!”
24Puab txawm rov hu tug txivneej kws ibtxwm dligmuag ntawd lug cuag puab dlua zag thib ob, puab has rua nwg tas, “Koj cale coglug taabmeeg Vaajtswv has tas koj yuav qha qhov tseeb xwb! Peb paub tas tug txivneej ntawd yog ib tug tuabneeg txhum.”
25Tug txivneej ntawd teb tas, “Kuv tsi paub sov Nwg yog ib tug tuabneeg txhum los tsi yog. Kuv tsuas paub tas kuv ibtxwm dligmuag, tabsis nwgnuav kuv pumkev lawm xwb.”
26Puab nug has tas, “Nwg ua lecaag rua koj? Nwg khu koj ob lub qhovmuag lecaag, koj txhaj pumkev lawm?”
27Tug txivneej ntawd teb tas, “Kuv tub qha taag rua mej lawm, tabsis mej tub tsi noog kuv tej lug le ne. Uacaag mej tseem xaav rovqaab kuas kuv pav dlua hab? Puas yog mej xaav ua Nwg le thwjtim hab?”
28Puab txawm txobthuam nwg has tas, “Koj ntaag lau, txhaj yog Nwg tug thwjtim; tabsis peb yog Mauxes cov thwjtim. 29Peb paub tas Vaajtswv txhaj nrug Mauxes thaam xwb; tug tuabneeg ntawd sov Nwg tuaj qhovtwg tuaj peb tsi paub!”
30Tug txivneej ntawd teb puab has tas, “Uacaag yuav txawv ualuaj le! Mej tsi paub tas sov Nwg tuaj qhovtwg tuaj, tabsis Nwg ho khu tau kuv ob lub qhovmuag pumkev lawm! 31Peb paub tas Vaajtswv yeej tsi noog cov tuabneeg txhum tej lug; Nwg tsuas noog cov tuabneeg kws fwm Nwg hab cov kws ua lawvle tej lug kws Nwg qha kuas puab ua xwb. 32Txij thaus chivkeeb kws muaj lub nplajteb nuav lug, tsi tau muaj leejtwg nov dlua tas muaj tug khu tau tuabneeg dligmuag thaus nruabthab lug kuas pumkev. 33Yog tug tuabneeg nuav tsi yog lug ntawm Vaajtswv lug, Nwg yeej ua tsi tau ib yaam dlaabtsi le.”
34Puab teb tas, “Koj yog tuabneeg txhum thaus nruabthab lug lawm, uacaag koj tseem yuav ntuag peb hab?” Tes puab txawm muab nwg ntab tawm huv lub tsev saablaaj moog.
Dligmuag Saab Ntsujplig
35Thaus Yexus nov tas puab muab tug txivneej ntawd ntab tawm huv lub tsev saablaaj moog lawm, Yexus txawm moog ntsib nwg hab nug nwg has tas, “Koj puas ntseeg Tuabneeg Leejtub?”
36Tug txivneej ntawd teb tas, “Xwbfwb, thov koj qha kuv seb Nwg yog leejtwg, kuv txhaj paub ntseeg Nwg.”
37Yexus has rua nwg tas, “Koj tub pum Nwg lawm, Nwg yog tug kws taabtom nrug koj thaam nuav ntaag.”
38Tug txivneej ntawd has tas, “Tug Tswv, kuv ntseeg lawm!” Hab nwg txawm txhuscaug ndlua pehawm Yexus.
39Yexus has tas, “Kuv lug huv lub nplajteb nuav yog lug txavtxim, sub cov kws dligmuag txhaj yuav pumkev, hab cov kws pumkev txhaj yuav dligmuag.”
40Cov Falixais kws nyob ntawd, muaj qeeleej nov Yexus has le nuav, puab txawm nug Yexus has tas, “Tsi yog koj has tas peb dligmuag huv tuabsi nua lov?”
41Yexus teb tas, “Yog mej dligmuag, tes mej yeej tsi muaj txim; tabsis vim mej khaav has tas mej pumkev, yogle ntawd, mej tseem yog tuabneeg muaj txim.”
Currently Selected:
Yauhaas 9: HNJ2022
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2022 United Bible Societies. All rights reserved.
Yauhaas 9
9
Yexus Khu Tug Txivneej Kws Dligmuag Thaus Nruabthab
1Thaus Yexus taabtom taug kev moog, Nwg pum ib tug txivneej kws dligmuag thaus nruabthab lug lawm. 2Nwg cov thwjtim txawm nug Nwg has tas, “Xwbfwb, leejtwg ua txhum txhaj ua rua tug txivneej nuav dligmuag thaus nruabthab lug? Yog nwg ua txhum los yog nwg nam nwg txiv ua txhum?”
3Yexus teb tas, “Qhov kws nwg dligmuag le nuav tsi yog vim nwg tej kev txhum lossis vim nwg nam nwg txiv tej kev txhum. Nwg dligmuag sub Vaajtswv lub fwjchim txhaj yuav tshwm nyob rua huv nwg lub neej. 4Thaus kws tseem yog nruabnub, peb yuavtsum ua Vaajtswv tug kws khaiv Kuv lug tej num; montuj tub lug yuav txug, thaus ntawd tuabneeg yuav tsi pumkev ua num lawm. 5Thaus Kuv tseem nyob huv nplajteb nuav, Kuv yog qhov pumkev rua lub nplajteb.” #Math 5:14; Yauh 8:12
6Thaus Yexus has le nuav taag, Nwg txawm ntu quavncaug rua huv moov aav, hab ua ib cov kuadlis aav; Nwg muab cov kuadlis aav ntawd lug pleev tug txivneej ntawd ob lub qhovmuag, 7hab has rua nwg tas, “Koj cale moog ntxuav muag tom lub paag dlej Xilau-aas.” (Lub npe nuav txhais has tas, “Khaiv moog.”) Yogle, tug txivneej ntawd txhaj moog ntxuav muag hab rovqaab lug, tes nwg txawm pumkev lawm.
8Tej tuabneeg zejzog hab cov kws txeev pum nwg thovkhawv yaav taag lug, puab txawm sisnug has tas, “Tug txivneej nuav tsi yog tug kws txeev nyob ntawm nuav thovkhawv lov?”
9Muaj qeeleej has tas, “Yog tug ntawd ntaag los mas,” tabsis qeeleej has tas, “Tsi yog, nwg tsuas zoole tug ntawd xwb.”
Nwg txhaj has tas, “Kuv tub yog tug txivneej ntawd ntaag los mas.”
10Puab nug nwg has tas, “Ua lecaag nwgnuav koj ho pumkev lawm?”
11Nwg teb tas, “Tug txivneej kws npe hu ua Yexus ua ib co kuadlis aav pleev kuv ob lub qhovmuag, hab has kuas kuv moog ntxuav muag tom lub paag dlej Xilau-aas. Yogle ntawd, kuv txhaj moog. Thaus kuv ntxuav muag taagnrho xwb tes kuv txawm pumkev lawm.”
12Puab nug has tas, “Nwg nyob qhovtwg?”
Tug txivneej ntawd teb tas, “Kuv tsi paub.”
Cov Falixais Sojntsuam Seb Ua Lecaag Tug Dligmuag Ho Pumkev
13Puab txawm coj tug txivneej kws thaus u dligmuag ntawd moog cuag cov Falixais. 14Nub kws Yexus ua kuadlis aav pleev tug dligmuag ntawd ob lub qhovmuag yog nub Xanpataus. 15Cov Falixais rov nug tug txivneej ntawd has tas uacaag nwg ho pumkev tau. Nwg qha rua puab has tas, “Nwg muab mivntsiv kuadlis aav pleev kuv ob lub qhovmuag, kuv moog ntxuav muag taag tes kuv txawm pumkev lawm.”
16Cov Falixais muaj qeeleej has tas, “Tug txivneej kws ua le nuav yeej tsi yog lug ntawm Vaajtswv lug, ruaqhov Nwg tsi fwm nub Xanpataus txuj kevcai.”
Tabsis muaj qeeleej has tas, “Tug tuabneeg txhum yuav uacaag ua tau tej txujci tseemceeb le nuav?” Tes puab txawm sisfaib hab tsi sishum lawm.
17Yogle ntawd, cov Falixais rov nug tug txivneej ntawd has tas, “Koj has tas Nwg khu tau koj ob lub qhovmuag pumkev, koj sim qha seb Nwg yog leejtwg?”
Tug txivneej ntawd teb tas, “Nwg yog ib tug xwbfwb cev Vaajtswv lug.”
18Cov Yudais tej numtswv yeej tseem tsi ntseeg tas tug txivneej ntawd yeej ibtxwm dligmuag hab nwgnuav nwg pumkev lawm, moog txug thaus kws puab hu nwg nam nwg txiv tuaj, 19hab nug obtug has tas, “Tug nuav puas yog meb tug tub? Meb has tas nwg yeej ibtxwm dligmuag thaus nruabthab lug, uacaag nwgnuav nwg ho pumkev tau?”
20Nwg nam nwg txiv teb tas, “Wb paub tas nwg yog wb tug tub hab paub tas nwg yeej ibtxwm dligmuag thaus nruabthab lug tag. 21Tabsis wb tsi paub sov ua lecaag nwgnuav nwg ho pumkev, hab wb tsi paub tas sov leejtwg khu nwg ob lub qhovmuag zoo lawm. Mej kuj nug nwg; nwg tub luj txaus lawm, nwg yeej yuav qha tau rua mej!” 22Nwg nam nwg txiv has le nuav vim obtug ntshai cov Yudais tej numtswv, ruaqhov cov Yudais tej numtswv tau saablaaj has tas, yog leejtwg leeg has tas Yexus yog tug Mexiyas, puab yuav muab tug ntawd ntab tawm huv lub tsev saablaaj moog. 23Vimle ntawd, nwg nam nwg txiv txhaj has tas, “Nwg tub luj txaus lawm; mej kuj nug nwg xwb!”
24Puab txawm rov hu tug txivneej kws ibtxwm dligmuag ntawd lug cuag puab dlua zag thib ob, puab has rua nwg tas, “Koj cale coglug taabmeeg Vaajtswv has tas koj yuav qha qhov tseeb xwb! Peb paub tas tug txivneej ntawd yog ib tug tuabneeg txhum.”
25Tug txivneej ntawd teb tas, “Kuv tsi paub sov Nwg yog ib tug tuabneeg txhum los tsi yog. Kuv tsuas paub tas kuv ibtxwm dligmuag, tabsis nwgnuav kuv pumkev lawm xwb.”
26Puab nug has tas, “Nwg ua lecaag rua koj? Nwg khu koj ob lub qhovmuag lecaag, koj txhaj pumkev lawm?”
27Tug txivneej ntawd teb tas, “Kuv tub qha taag rua mej lawm, tabsis mej tub tsi noog kuv tej lug le ne. Uacaag mej tseem xaav rovqaab kuas kuv pav dlua hab? Puas yog mej xaav ua Nwg le thwjtim hab?”
28Puab txawm txobthuam nwg has tas, “Koj ntaag lau, txhaj yog Nwg tug thwjtim; tabsis peb yog Mauxes cov thwjtim. 29Peb paub tas Vaajtswv txhaj nrug Mauxes thaam xwb; tug tuabneeg ntawd sov Nwg tuaj qhovtwg tuaj peb tsi paub!”
30Tug txivneej ntawd teb puab has tas, “Uacaag yuav txawv ualuaj le! Mej tsi paub tas sov Nwg tuaj qhovtwg tuaj, tabsis Nwg ho khu tau kuv ob lub qhovmuag pumkev lawm! 31Peb paub tas Vaajtswv yeej tsi noog cov tuabneeg txhum tej lug; Nwg tsuas noog cov tuabneeg kws fwm Nwg hab cov kws ua lawvle tej lug kws Nwg qha kuas puab ua xwb. 32Txij thaus chivkeeb kws muaj lub nplajteb nuav lug, tsi tau muaj leejtwg nov dlua tas muaj tug khu tau tuabneeg dligmuag thaus nruabthab lug kuas pumkev. 33Yog tug tuabneeg nuav tsi yog lug ntawm Vaajtswv lug, Nwg yeej ua tsi tau ib yaam dlaabtsi le.”
34Puab teb tas, “Koj yog tuabneeg txhum thaus nruabthab lug lawm, uacaag koj tseem yuav ntuag peb hab?” Tes puab txawm muab nwg ntab tawm huv lub tsev saablaaj moog.
Dligmuag Saab Ntsujplig
35Thaus Yexus nov tas puab muab tug txivneej ntawd ntab tawm huv lub tsev saablaaj moog lawm, Yexus txawm moog ntsib nwg hab nug nwg has tas, “Koj puas ntseeg Tuabneeg Leejtub?”
36Tug txivneej ntawd teb tas, “Xwbfwb, thov koj qha kuv seb Nwg yog leejtwg, kuv txhaj paub ntseeg Nwg.”
37Yexus has rua nwg tas, “Koj tub pum Nwg lawm, Nwg yog tug kws taabtom nrug koj thaam nuav ntaag.”
38Tug txivneej ntawd has tas, “Tug Tswv, kuv ntseeg lawm!” Hab nwg txawm txhuscaug ndlua pehawm Yexus.
39Yexus has tas, “Kuv lug huv lub nplajteb nuav yog lug txavtxim, sub cov kws dligmuag txhaj yuav pumkev, hab cov kws pumkev txhaj yuav dligmuag.”
40Cov Falixais kws nyob ntawd, muaj qeeleej nov Yexus has le nuav, puab txawm nug Yexus has tas, “Tsi yog koj has tas peb dligmuag huv tuabsi nua lov?”
41Yexus teb tas, “Yog mej dligmuag, tes mej yeej tsi muaj txim; tabsis vim mej khaav has tas mej pumkev, yogle ntawd, mej tseem yog tuabneeg muaj txim.”
© 2022 United Bible Societies. All rights reserved.