Yauhaas Lug Tawqha
Lug Tawqha
Phoo Yauhaas nuav qha has tas Yexus yog Vaajtswv txujlug kws nyob moog ibtxhis, kws tau “lug yug ua tuabneeg hab nrug peb nyob.” Lawvle Phoo Yauhaas has, phoo Txuj Moo Zoo nuav yog sau tseg kuas txhua tug kws nyeem ntseeg tas, Yexus yog Vaajtswv tug Tub, tug Cawmseej huv Vaajtswv txujlug cogtseg, hab lug ntawm puab txuj kev ntseeg Nwg, puab yuav tau txujsa (20:31).
Tomqaab cov lug tawqha kws qha has tas Vaajtswv txujlug yog Yexus tug kws nyob moog ibtxhis, thawj ntu ntawm Txuj Moo Zoo yog has txug ntau yaam txujci tseemceeb kws qha has tas Yexus yog Vaajtswv tug Tub, tug Cawmseej huv Vaajtswv txujlug cogtseg. Tej nuav yog tshwm lug ntawm tej txujci tseemceeb kws Nwg tau ua. Thawj ntu ntawm phoo ntawv nuav qha has tas muaj ibtxha tau lug ntseeg Yexus lecaag hab dlhau lug ua Nwg cov thwjtim, tabsis ho muaj ibtxha tawmtsaam Nwg hab tsi kaam lug ntseeg. Tshooj 13-17 has ntau kawg le txug Yexus hab Nwg cov thwjtim txuj kev sis raugzoo nyob rua mo kws luas nteg Yexus, hab Nwg tej lug kws qha cov thwjtim kuas npaaj hab txhawb puab lub zug uantej kws Nwg yuav raug ntsa rua sau ntoo khaublig. Ob-peb tshooj kws yuav kawg, yog has txug Yexus raug nteg hab coj moog txavtxim, has txug Nwg tau raug ntsa rua sau ntoo khaublig hab sawv huv qhovtuag rovqaab lug, hab Nwg txuj kev kws tau lug tshwm rua Nwg cov thwjtim pum tomqaab kws Nwg sawv huv qhovtuag rovqaab lug.
Zaaj kws has txug puab nteg tau tug quaspuj dleev hluasnraug (8:1-11) ntawd, nyob rua huv tug cim qheb hab cim kaw, ruaqhov ntau phoo kws xuas teg sau hab cov xub txhais lawm muab zaaj nuav tsotseg, tabsis lwm phoo ho muab zaaj nuav sau rua huv ib qhovtwg ca.
Yauhaas has txug txuj koobmoov kws yog txujsa ntev dlhawv moog ibtxhis lug ntawm Khetos, taamsim nuav txuj koobmoov ntawd tub pib lug rua txhua tug kws leeg yuav Yexus ua txujkev, ua qhov tseeb, hab ua txujsa lawm. Qhov luj hab tseemceeb huv phoo Yauhaas nuav yog Yauhaas muab dlej, ncuav, lub teeb, tug tub yug yaaj hab nwg paab yaaj, tsob maab hab cov txivmaab lug ua yaamntxwv qha txug qhov tseeb kws yog lub neej ntawm saab ntsujplig.
Txheejtxheem
Zaaj lug tawqha (1:1-18)
Yauhaas tug kws muab tuabneeg ua kevcai rausdlej hab cov kws xub lug ua Yexus cov thwjtim (1:19-51)
Yexus tawm moog qhuabqha (2:1—12:50)
Lub limtam kawg huv Yeluxalees hab nyob ze puagncig ntawm Yeluxalees (13:1—19:24)
Tug Tswv sawv huv qhovtuag rovqaab lug hab tshwm rua suavdlawg pum (20:1-31)
Xaus lug: rov tshwm dlua huv Kalilais (21:1-25)
Currently Selected:
Yauhaas Lug Tawqha: HNJ2022
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2022 United Bible Societies. All rights reserved.
Yauhaas Lug Tawqha
Lug Tawqha
Phoo Yauhaas nuav qha has tas Yexus yog Vaajtswv txujlug kws nyob moog ibtxhis, kws tau “lug yug ua tuabneeg hab nrug peb nyob.” Lawvle Phoo Yauhaas has, phoo Txuj Moo Zoo nuav yog sau tseg kuas txhua tug kws nyeem ntseeg tas, Yexus yog Vaajtswv tug Tub, tug Cawmseej huv Vaajtswv txujlug cogtseg, hab lug ntawm puab txuj kev ntseeg Nwg, puab yuav tau txujsa (20:31).
Tomqaab cov lug tawqha kws qha has tas Vaajtswv txujlug yog Yexus tug kws nyob moog ibtxhis, thawj ntu ntawm Txuj Moo Zoo yog has txug ntau yaam txujci tseemceeb kws qha has tas Yexus yog Vaajtswv tug Tub, tug Cawmseej huv Vaajtswv txujlug cogtseg. Tej nuav yog tshwm lug ntawm tej txujci tseemceeb kws Nwg tau ua. Thawj ntu ntawm phoo ntawv nuav qha has tas muaj ibtxha tau lug ntseeg Yexus lecaag hab dlhau lug ua Nwg cov thwjtim, tabsis ho muaj ibtxha tawmtsaam Nwg hab tsi kaam lug ntseeg. Tshooj 13-17 has ntau kawg le txug Yexus hab Nwg cov thwjtim txuj kev sis raugzoo nyob rua mo kws luas nteg Yexus, hab Nwg tej lug kws qha cov thwjtim kuas npaaj hab txhawb puab lub zug uantej kws Nwg yuav raug ntsa rua sau ntoo khaublig. Ob-peb tshooj kws yuav kawg, yog has txug Yexus raug nteg hab coj moog txavtxim, has txug Nwg tau raug ntsa rua sau ntoo khaublig hab sawv huv qhovtuag rovqaab lug, hab Nwg txuj kev kws tau lug tshwm rua Nwg cov thwjtim pum tomqaab kws Nwg sawv huv qhovtuag rovqaab lug.
Zaaj kws has txug puab nteg tau tug quaspuj dleev hluasnraug (8:1-11) ntawd, nyob rua huv tug cim qheb hab cim kaw, ruaqhov ntau phoo kws xuas teg sau hab cov xub txhais lawm muab zaaj nuav tsotseg, tabsis lwm phoo ho muab zaaj nuav sau rua huv ib qhovtwg ca.
Yauhaas has txug txuj koobmoov kws yog txujsa ntev dlhawv moog ibtxhis lug ntawm Khetos, taamsim nuav txuj koobmoov ntawd tub pib lug rua txhua tug kws leeg yuav Yexus ua txujkev, ua qhov tseeb, hab ua txujsa lawm. Qhov luj hab tseemceeb huv phoo Yauhaas nuav yog Yauhaas muab dlej, ncuav, lub teeb, tug tub yug yaaj hab nwg paab yaaj, tsob maab hab cov txivmaab lug ua yaamntxwv qha txug qhov tseeb kws yog lub neej ntawm saab ntsujplig.
Txheejtxheem
Zaaj lug tawqha (1:1-18)
Yauhaas tug kws muab tuabneeg ua kevcai rausdlej hab cov kws xub lug ua Yexus cov thwjtim (1:19-51)
Yexus tawm moog qhuabqha (2:1—12:50)
Lub limtam kawg huv Yeluxalees hab nyob ze puagncig ntawm Yeluxalees (13:1—19:24)
Tug Tswv sawv huv qhovtuag rovqaab lug hab tshwm rua suavdlawg pum (20:1-31)
Xaus lug: rov tshwm dlua huv Kalilais (21:1-25)
© 2022 United Bible Societies. All rights reserved.