Luk 6
6
1Na ɣɔn ne kol toŋ de thabath, ke lɔ teek ne duum ke rap yic; go kɔcpiocke goki rap doony, ku dɔceke, ku cameke. 2Go kɔk ke Parithai jam, Yii yeŋo luɔika ke ce piath bi ya loi ne kol de thabath? 3Go Yecu dhuk yook ke, Ye kɛnka yekene ciir, ke e loi Dabid, ɣɔn yee na ye ci cɔk, yen, ku kɔc eke tɔ kene yen; 4ken bi lɔ luaŋ de Nhialic, ku loom monoi ci miaac, ku ciɛm ke, ku yin ke kɔc ye tɔ kene yen eya; ke ce piath bi ya loi ne kɔc, aye bany ke ka ke Nhialic kepɛc? 5Go ke yɔɔk, Ye Wen de raan ee bɛny de thabath.
6Na re ne kol dɛ de thabath, ke lɔ luaŋ de gueer le weet: ku tɔ raan thin, ci ciɛn cuenyde ruai. 7Go dugɛɛr ku Parithai goki daai ne yen; lan ben e cɔk dem ne kol de thabath, bik naŋ ke bik kek ye riɛth. 8Ku nyic tɛŋden; go ran ci ciin ruai yɔɔk, Ye jɔt rɔt ku kaace cilic. Go rɔt jɔt ku kɛɛc. 9Go Yecu ke yɔɔk, Ye we thiɛc keek, Ya piɛth te loiye kepiath ne kol de thabath, ka piɛth bi rɛɛc loi, piath luaŋ de wei, ka nak ke yene piath? 10Go ke guaar e ŋem kedhia, ku yook raan, Ye thiu yiciin. Go looi: go ciin guɔ dɛm. 11Goki piɔth naŋ miɔl, ku jamki ne roth ne ke bik luɔi Yecu.
12Ɣɔn ne keeakolka, ke lɔ ne kuur nom lee lɔŋ; ku dhiɛɛc ke lɛŋ Nhialic ne wɛɛric ebɛn. 13Ɣɔn aci piny run, ke cɔl kɔcpiocke: ku lɔc thiɛrkurou ne keyic, ku cɔɔl ke dutuuc; 14Ye Thimon, man ci cak ci cɔk ye Petero eya, ku Andereya manhe, ku Jakob kene Jɔn, ku Pilip ku Bartholomayo, 15ku Mathayo kene Tomath, ku Jakob wen de Alapayo, ku Thimon man e ye cɔɔl Dhelote, 16ku Judath wen de Jakob, ku Judath Yithkariɔt, man ci ben ya menyiin; 17go bɛn piny kene keek ku kɛɛcki te lɔ rairai, ku tɔ dun diit de kɔcpiocke, ku bɔ kɔc juec ne Judaya ku ne Jeruthalem, ku wɛryɔn de yi Turo kene Thidon, ne ke bɔ bik bi piŋ, ku bi ke bi cɔk dem ne benyden; 18go kɔc yeke yɔŋ ne jak rac go ke cɔk piɔl. 19Ku kɔɔr duut ebɛn bi jak guɔp: riɛr ee ye bɛn bei ne yeguɔp, ku cɔk ke dem kedhia.
20Go kɔckeek piocke liec, ku jiɛm, Ye we ci thiei, we aŋaaŋ: ne ke ye ceŋ de Nhialic keduɔn. 21We ci thiei, we kɔc cɔk emane: ne ke bene we cɔk kueth. We ci thiei, we kɔc dhiau emane: ne ke bii we dɔl. 22We ci thiei, te ye kɔc we maan, ku te ye kek we wɛɛk wei ne keyic, ku yiki we laat, ku yiki rinkuɔn nyai cit karac, ne ke de Wen de raan. 23Lak piɔth yum ne yekole, ku yɔtka ne miɛt de piɔu: ŋɛmka, riopduɔn adit pan nhial: ake ye wurken ke luɔi nebii ɣɔn yila. 24Ku dhieu atɔ kene week, we kɔc ci bany! ne ke cii we duɔtduɔn de piɔu loom. 25Dhieu atɔ kene week, we kɔc ye kuɛth emane! ne ke bii we cɔk. Dhieu atɔ kene week, we kɔc ye dɔl emane! ne ke bii we dhiau wuɔika. 26Dhieu abi tɔ kene week, te ye raan ebɛn jam apiath ne week! ne ke ye wurken ke luɔi nebii ke adhuɔm ɣɔn yila.
27Ku we yɔɔkke, we kɔc ye piiŋ, Ya yaka kɔc nɔŋ ater kene we nhiar, ku yaka kɔc ye we maan luɔi piath, 28yaka ke thiei kek kɔc ye we cien, ku yaka lɔŋ ne keek kek kɔc ye we yɔŋ arac. 29Ran ye yi maŋ gem, ke ye bɛɛr wɛl kene eya; ku ran jɔt alanhdun de yikɔu, ke duk pen alanhdiitdun de yikɔu eya. 30Ye kɔc miɔc kek kɔc ye yi ŋal; ku duɔne ran ci kaku loom bɛɛr kɔɔny. 31Ku ke karka bi ya luɔi we ne kɔc, ke yaka luɔi ke eya. 32Ku na yaka kɔc ye we nhiar nhiar, ke we ye naŋ lɛc ŋo? kɔc rac aye kɔc ye ke nhiar nhiar eya. 33Ku na yaka kɔc ye we loi apiath luɔi piath, ke we ye naŋ lɛc ŋo? ayee kɔc rac loi yiya. 34Ku na yaka kɔc yuɛt kɔc ŋatheke e ke bi we cuɔt, ke we ye naŋ lɛc ŋo? kɔc rac aye kɔc rɛc kɔk yuɛt, ku bik kajuec bɛɛr loom. 35Yaka kɔc nɔŋ ater kene week nhiar, ku yaka ke loi apiath, ku yaka kɔc yuɛt, ku duɔka dhukden ber ya ŋɔɔth; ku riopduɔn abi dit, ku we bi ya mith ke Nhialinydit: ne ke yen piɔu kac enɔŋ kɔc cie leec ku yiki kɔc rac. 36Yaka naŋ kac de piɔu, ci man tɔne kac de piɔu kene wuɔrduɔn. 37Ku duɔka ye luk, ku we ci bi ya luk: duɔka kɔc ye luɔkwei, ku we ci bi ya luɔkwei: yaka kɔc lony, ku we bi ya lony: 38yaka miooc, ku kabi bɛɛr ya miɔc we: ke ci them apiath, ku ke ci ciik, ku ke ci thit, ku ke nɔŋ atheu, yeneka bi buɔm ne weyoth. Ke yaka them yeneka bi bɛɛr ya them we.
39Ku jiɛm ke eya ne parabol, Ye leu cɔr dɛ cɔr dɛ ne ɣom? e ke ci lony adhum keerou? 40Ranpioce ace dit ne dupionyde: ku na ci raan nyic ebɛn thol, e kabi jal ciɛt dupionyde. 41Yeŋo ŋɛɛme riɔɔr ne wanmuuth nyin, ku bai timdiit tɔ ne yinyin? 42Ka ba wanmuuth leu ne yook, Wu wanmaath, cɔk ɣa kueny riɔɔr bei ne yinyin wude, ke yin ken timdiit tɔ ne yinyin bɛɛ ŋem? Yin ye medhum, kɔn timdiit tɔ ne yinyin nyaai, yeneka bin yin egɔk a go riɔɔr tɔ ne wanmuuth nyin leu ne kueny bei. 43Acin tim piɛth ye luɔk ne luɔk rac, ku yene ye cɔɔk de tim rac aci luɔk piath ye leu. 44Time aye nyic ne luɔkde. Kɔc aaci ŋaap ye lɔ nyueth ne kuɔth yic, ka ye luta lɔ nyueth ne burɔthic. 45Ran piath ee kapiath bɛi bei ne kapiɛth ke yepiɔu; ku ran rac ee karac bɛi bei ne kakeek rɛc ke yepiɔu: thok ee jam ne ke ci raan thiɔŋ piɔu.
46Yeŋo ye we ɣa cɔɔl, Wuɔ Bɛnydit, Bɛnydit, ku cak ka cake luel ye loi? 47Raan ebɛn ye bɛn enɔŋ ɣa, ku ye welcie piŋ, ku ye ke loi, we ba lɛk ran na re ke cit en: 48abi ciɛt ran loi ɣonde, wec cok yic e ke thuth, agut te bik kek kuur lɔ yok: ku bɔ aboor, ku ye piau rɔt jap ne yeɣone, ku cii kɔn leu ne luek, ne ke cene ye nyiɛc wɛc piny. 49Ku ran ye ke piŋ, ku cii ke ye loi, acit ran e loi ɣot ne liɛt nom te cin te riir muk e, ku bɔ aboor, go lɔ riap piny elantoŋtɛi; ku jɔl riak de yeɣone dit.
Currently Selected:
Luk 6: LEKJOT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© British and Foreign Bible Society 1940, 2017
ስለ Lek Jot de Jecu Kritho 1940 ተጨማሪ ይወቁLuk 6
6
1Na ɣɔn ne kol toŋ de thabath, ke lɔ teek ne duum ke rap yic; go kɔcpiocke goki rap doony, ku dɔceke, ku cameke. 2Go kɔk ke Parithai jam, Yii yeŋo luɔika ke ce piath bi ya loi ne kol de thabath? 3Go Yecu dhuk yook ke, Ye kɛnka yekene ciir, ke e loi Dabid, ɣɔn yee na ye ci cɔk, yen, ku kɔc eke tɔ kene yen; 4ken bi lɔ luaŋ de Nhialic, ku loom monoi ci miaac, ku ciɛm ke, ku yin ke kɔc ye tɔ kene yen eya; ke ce piath bi ya loi ne kɔc, aye bany ke ka ke Nhialic kepɛc? 5Go ke yɔɔk, Ye Wen de raan ee bɛny de thabath.
6Na re ne kol dɛ de thabath, ke lɔ luaŋ de gueer le weet: ku tɔ raan thin, ci ciɛn cuenyde ruai. 7Go dugɛɛr ku Parithai goki daai ne yen; lan ben e cɔk dem ne kol de thabath, bik naŋ ke bik kek ye riɛth. 8Ku nyic tɛŋden; go ran ci ciin ruai yɔɔk, Ye jɔt rɔt ku kaace cilic. Go rɔt jɔt ku kɛɛc. 9Go Yecu ke yɔɔk, Ye we thiɛc keek, Ya piɛth te loiye kepiath ne kol de thabath, ka piɛth bi rɛɛc loi, piath luaŋ de wei, ka nak ke yene piath? 10Go ke guaar e ŋem kedhia, ku yook raan, Ye thiu yiciin. Go looi: go ciin guɔ dɛm. 11Goki piɔth naŋ miɔl, ku jamki ne roth ne ke bik luɔi Yecu.
12Ɣɔn ne keeakolka, ke lɔ ne kuur nom lee lɔŋ; ku dhiɛɛc ke lɛŋ Nhialic ne wɛɛric ebɛn. 13Ɣɔn aci piny run, ke cɔl kɔcpiocke: ku lɔc thiɛrkurou ne keyic, ku cɔɔl ke dutuuc; 14Ye Thimon, man ci cak ci cɔk ye Petero eya, ku Andereya manhe, ku Jakob kene Jɔn, ku Pilip ku Bartholomayo, 15ku Mathayo kene Tomath, ku Jakob wen de Alapayo, ku Thimon man e ye cɔɔl Dhelote, 16ku Judath wen de Jakob, ku Judath Yithkariɔt, man ci ben ya menyiin; 17go bɛn piny kene keek ku kɛɛcki te lɔ rairai, ku tɔ dun diit de kɔcpiocke, ku bɔ kɔc juec ne Judaya ku ne Jeruthalem, ku wɛryɔn de yi Turo kene Thidon, ne ke bɔ bik bi piŋ, ku bi ke bi cɔk dem ne benyden; 18go kɔc yeke yɔŋ ne jak rac go ke cɔk piɔl. 19Ku kɔɔr duut ebɛn bi jak guɔp: riɛr ee ye bɛn bei ne yeguɔp, ku cɔk ke dem kedhia.
20Go kɔckeek piocke liec, ku jiɛm, Ye we ci thiei, we aŋaaŋ: ne ke ye ceŋ de Nhialic keduɔn. 21We ci thiei, we kɔc cɔk emane: ne ke bene we cɔk kueth. We ci thiei, we kɔc dhiau emane: ne ke bii we dɔl. 22We ci thiei, te ye kɔc we maan, ku te ye kek we wɛɛk wei ne keyic, ku yiki we laat, ku yiki rinkuɔn nyai cit karac, ne ke de Wen de raan. 23Lak piɔth yum ne yekole, ku yɔtka ne miɛt de piɔu: ŋɛmka, riopduɔn adit pan nhial: ake ye wurken ke luɔi nebii ɣɔn yila. 24Ku dhieu atɔ kene week, we kɔc ci bany! ne ke cii we duɔtduɔn de piɔu loom. 25Dhieu atɔ kene week, we kɔc ye kuɛth emane! ne ke bii we cɔk. Dhieu atɔ kene week, we kɔc ye dɔl emane! ne ke bii we dhiau wuɔika. 26Dhieu abi tɔ kene week, te ye raan ebɛn jam apiath ne week! ne ke ye wurken ke luɔi nebii ke adhuɔm ɣɔn yila.
27Ku we yɔɔkke, we kɔc ye piiŋ, Ya yaka kɔc nɔŋ ater kene we nhiar, ku yaka kɔc ye we maan luɔi piath, 28yaka ke thiei kek kɔc ye we cien, ku yaka lɔŋ ne keek kek kɔc ye we yɔŋ arac. 29Ran ye yi maŋ gem, ke ye bɛɛr wɛl kene eya; ku ran jɔt alanhdun de yikɔu, ke duk pen alanhdiitdun de yikɔu eya. 30Ye kɔc miɔc kek kɔc ye yi ŋal; ku duɔne ran ci kaku loom bɛɛr kɔɔny. 31Ku ke karka bi ya luɔi we ne kɔc, ke yaka luɔi ke eya. 32Ku na yaka kɔc ye we nhiar nhiar, ke we ye naŋ lɛc ŋo? kɔc rac aye kɔc ye ke nhiar nhiar eya. 33Ku na yaka kɔc ye we loi apiath luɔi piath, ke we ye naŋ lɛc ŋo? ayee kɔc rac loi yiya. 34Ku na yaka kɔc yuɛt kɔc ŋatheke e ke bi we cuɔt, ke we ye naŋ lɛc ŋo? kɔc rac aye kɔc rɛc kɔk yuɛt, ku bik kajuec bɛɛr loom. 35Yaka kɔc nɔŋ ater kene week nhiar, ku yaka ke loi apiath, ku yaka kɔc yuɛt, ku duɔka dhukden ber ya ŋɔɔth; ku riopduɔn abi dit, ku we bi ya mith ke Nhialinydit: ne ke yen piɔu kac enɔŋ kɔc cie leec ku yiki kɔc rac. 36Yaka naŋ kac de piɔu, ci man tɔne kac de piɔu kene wuɔrduɔn. 37Ku duɔka ye luk, ku we ci bi ya luk: duɔka kɔc ye luɔkwei, ku we ci bi ya luɔkwei: yaka kɔc lony, ku we bi ya lony: 38yaka miooc, ku kabi bɛɛr ya miɔc we: ke ci them apiath, ku ke ci ciik, ku ke ci thit, ku ke nɔŋ atheu, yeneka bi buɔm ne weyoth. Ke yaka them yeneka bi bɛɛr ya them we.
39Ku jiɛm ke eya ne parabol, Ye leu cɔr dɛ cɔr dɛ ne ɣom? e ke ci lony adhum keerou? 40Ranpioce ace dit ne dupionyde: ku na ci raan nyic ebɛn thol, e kabi jal ciɛt dupionyde. 41Yeŋo ŋɛɛme riɔɔr ne wanmuuth nyin, ku bai timdiit tɔ ne yinyin? 42Ka ba wanmuuth leu ne yook, Wu wanmaath, cɔk ɣa kueny riɔɔr bei ne yinyin wude, ke yin ken timdiit tɔ ne yinyin bɛɛ ŋem? Yin ye medhum, kɔn timdiit tɔ ne yinyin nyaai, yeneka bin yin egɔk a go riɔɔr tɔ ne wanmuuth nyin leu ne kueny bei. 43Acin tim piɛth ye luɔk ne luɔk rac, ku yene ye cɔɔk de tim rac aci luɔk piath ye leu. 44Time aye nyic ne luɔkde. Kɔc aaci ŋaap ye lɔ nyueth ne kuɔth yic, ka ye luta lɔ nyueth ne burɔthic. 45Ran piath ee kapiath bɛi bei ne kapiɛth ke yepiɔu; ku ran rac ee karac bɛi bei ne kakeek rɛc ke yepiɔu: thok ee jam ne ke ci raan thiɔŋ piɔu.
46Yeŋo ye we ɣa cɔɔl, Wuɔ Bɛnydit, Bɛnydit, ku cak ka cake luel ye loi? 47Raan ebɛn ye bɛn enɔŋ ɣa, ku ye welcie piŋ, ku ye ke loi, we ba lɛk ran na re ke cit en: 48abi ciɛt ran loi ɣonde, wec cok yic e ke thuth, agut te bik kek kuur lɔ yok: ku bɔ aboor, ku ye piau rɔt jap ne yeɣone, ku cii kɔn leu ne luek, ne ke cene ye nyiɛc wɛc piny. 49Ku ran ye ke piŋ, ku cii ke ye loi, acit ran e loi ɣot ne liɛt nom te cin te riir muk e, ku bɔ aboor, go lɔ riap piny elantoŋtɛi; ku jɔl riak de yeɣone dit.
© British and Foreign Bible Society 1940, 2017
ስለ Lek Jot de Jecu Kritho 1940 ተጨማሪ ይወቁ