Mt 19
19
Adzo yë na wasoe mininga
Mk 10,2-12
1Eyòṅ Yesus angamana nkòbò vi, ndò bëngakodo a Galilea, bëkë a nkòṅ nnam Yudea a Yordan ayat. 2Abui minkunda angatoṅ nyè; angasye bò hala. 3Ndò bëfarisea bëziṅ bëngasò hala na bazu nyè bobolo, bò na: Yë mod abëlë ngul ya asoe mininga woe asu kan etòm esë#19,3Yuden bëngabë dzam soe bëyal baban. Mod osë angabë ayean yëm ntol ya etòm te.? 4Nyè ai bò na: Nga mingalaṅ na nkomo angakom bò fam ai mininga a mëtari#19,4Ab 1,27? 5Nyè na: Asu te fam yayi lig esya ban nyia, akë lad ai mininga woe, bò bëbè bëntoa nyòl dzidzia#19,5Ab 2,24. 6Antoa hm na, basëki fë bod bëbè, bënë nyòl dzidzia. E dzi ya Zamba angalad, mod tègè dzò kandi! 7Bò ai nyè na: A dze hm Moses angabende na: bëvaa nyè kalara eyòṅ basoe nyè#19,7Em 24,1? 8Nyè ai bò na: Moses angabende mina na misoe bëyal ban asu alèd nnëm dan; langabë ki nala a mëtari. 9Ndò hm fë makad mina na, e mod asoe ngal, ngë asëki asu yë na abò ebòn a nsëṅ, alugu mininga mfë, mod te andaman alug. 10Bëyègè boe bò ai nyè na: Ngë nala ngò adzo fam ai mininga anë, asëki ai mfi na mod alug. 11Nyè ai bò na: Së ki bod bësë mbò bawog nkòbò vi, hë e ba bënë ntòban. 12Amu bod bëziṅ babyali eyël a abum nyia, bëvòg bëtoa na bod bëfë mbò bëngabò bò dò#19,12Minkukuma minen miziṅ mikarëga tub e bod basye bò a nda miag, bëntoa eyë, asu yë na të bod bëte bandëgëlë bò bininga., bëfë bëtoa a badzibi nyòl dzaban asu edzoe ya yob. Biwog biwog, bingum bingum.
Yesus afubu ban bòngò
Mk 10,13-16; Lk 18,15-17
13Ndò bëngazu ai nyè bòngò na abede bò mò, akogëlan fë. Bëyègè boe bëngakòṅan ai bò. 14Yesus nyè na: Dzogan bòngò, të miakaman na bëzu abë ma, amu edzoe ya yob yawoge ai e bod bënë anë bò. 15Ndò angabede bò mò, akodo hom te.
Nkukuma ndoman mod
Mk 10,17-31; Lk 18,18-30
16Ndò mod ziṅ azu abë nyè, nyè na: A ṅyëgëlë, za mbëṅë mënë bò asu yë na mëbëlë enyiṅ kòm? 17Nyè ai nyè na: Asu dze wasili ma e mam mënë mbëṅ? Mod mbòg mbòg ṅnyè anë mbëṅ. Ngë wayi nyian a enyiṅ, baala mëmvende. 18Nyè ai nyè na: Mëmvende mëfe? Yesus nyè na: Mëmvende ma: Të wawoe, të wabò bisog, të wadzib, të watsig mbë mvaa, 19olugu esoa ban nyoa#19,19Mb 20,12-16; ai e nyi fë: Odiṅi manyòṅ anë wamen#19,19Bl 19,18. 20E ndoman mod nyi nyè ai Yesus na: Mabaala mëmvende mësë mala. Dze efë? 21Yesus nyè ai nyè na: Ngë wayi hm fò bò ateen, këlë kuan ai akuma doe, ovë mimbumbua, eyòṅ te wayi bi etòg akuma a yob, abog te ozu watoṅ ma. 22Awog ndoman mod engawog nkòbò vi, ndò angakë ai olun a nnëm, amu angabë nkukuma mod. 23Ndò Yesus adzo ai bëyègè boe na: Makad mina bëbëla na, minkukuma mi bod miayi ki nyian ebugbu a edzoe ya yob. 24Ndò makad mina na, anë ebugbu abui na kamele anyian a alòṅ ondondò, alodo na nkukuma onyian a edzoe ya yob. 25Bëyègè bëngayi wog nala, bëngakam abui bò na: Za hm anë dzam kodëban? 26Yesus abëbë bò a mvòm asu, nyè ai bò na: Adzo te lakad bod. Hë da Zamba anë ngul-bò-mësë#19,26Ab 18,14; Yob 42,2. 27Ndò hm Petrus angafèd, nyè na: Bëbëgë na, bingalig mësë na biatoṅ wa, mfa waan hm ya? 28Yesus nyè ai nyè na: Makad mina bëbëla na, e mina ya miabie ma, a enyiṅ yazu, eyòṅ mòn mod ayi tòbò a etoa duma dzie, mina miayi tòbò a bitoa awom ai bibè na miatsig mënda më bod më Israel awom ai mëbè ntol. 29Ndò fë, e mod osë alig nda, ngë manyaṅ, ngë kal, ngë esya, ngë bòn, ngë mëfub etòm dzama, ayi bëlë mam mëte biyòṅ ntèd, abëlë fë enyiṅ kòm. 30Abui bëtële osu, bayi vëṅan bod bë mvua, bod bë mvua ki bëvëṅan bod bë osu.
Currently Selected:
Mt 19: NTE12
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
MKPAMAṄ AMVOE Nouveau Testament en langue Ewondo © Bible Society of Cameroon, 2012.
Mt 19
19
Adzo yë na wasoe mininga
Mk 10,2-12
1Eyòṅ Yesus angamana nkòbò vi, ndò bëngakodo a Galilea, bëkë a nkòṅ nnam Yudea a Yordan ayat. 2Abui minkunda angatoṅ nyè; angasye bò hala. 3Ndò bëfarisea bëziṅ bëngasò hala na bazu nyè bobolo, bò na: Yë mod abëlë ngul ya asoe mininga woe asu kan etòm esë#19,3Yuden bëngabë dzam soe bëyal baban. Mod osë angabë ayean yëm ntol ya etòm te.? 4Nyè ai bò na: Nga mingalaṅ na nkomo angakom bò fam ai mininga a mëtari#19,4Ab 1,27? 5Nyè na: Asu te fam yayi lig esya ban nyia, akë lad ai mininga woe, bò bëbè bëntoa nyòl dzidzia#19,5Ab 2,24. 6Antoa hm na, basëki fë bod bëbè, bënë nyòl dzidzia. E dzi ya Zamba angalad, mod tègè dzò kandi! 7Bò ai nyè na: A dze hm Moses angabende na: bëvaa nyè kalara eyòṅ basoe nyè#19,7Em 24,1? 8Nyè ai bò na: Moses angabende mina na misoe bëyal ban asu alèd nnëm dan; langabë ki nala a mëtari. 9Ndò hm fë makad mina na, e mod asoe ngal, ngë asëki asu yë na abò ebòn a nsëṅ, alugu mininga mfë, mod te andaman alug. 10Bëyègè boe bò ai nyè na: Ngë nala ngò adzo fam ai mininga anë, asëki ai mfi na mod alug. 11Nyè ai bò na: Së ki bod bësë mbò bawog nkòbò vi, hë e ba bënë ntòban. 12Amu bod bëziṅ babyali eyël a abum nyia, bëvòg bëtoa na bod bëfë mbò bëngabò bò dò#19,12Minkukuma minen miziṅ mikarëga tub e bod basye bò a nda miag, bëntoa eyë, asu yë na të bod bëte bandëgëlë bò bininga., bëfë bëtoa a badzibi nyòl dzaban asu edzoe ya yob. Biwog biwog, bingum bingum.
Yesus afubu ban bòngò
Mk 10,13-16; Lk 18,15-17
13Ndò bëngazu ai nyè bòngò na abede bò mò, akogëlan fë. Bëyègè boe bëngakòṅan ai bò. 14Yesus nyè na: Dzogan bòngò, të miakaman na bëzu abë ma, amu edzoe ya yob yawoge ai e bod bënë anë bò. 15Ndò angabede bò mò, akodo hom te.
Nkukuma ndoman mod
Mk 10,17-31; Lk 18,18-30
16Ndò mod ziṅ azu abë nyè, nyè na: A ṅyëgëlë, za mbëṅë mënë bò asu yë na mëbëlë enyiṅ kòm? 17Nyè ai nyè na: Asu dze wasili ma e mam mënë mbëṅ? Mod mbòg mbòg ṅnyè anë mbëṅ. Ngë wayi nyian a enyiṅ, baala mëmvende. 18Nyè ai nyè na: Mëmvende mëfe? Yesus nyè na: Mëmvende ma: Të wawoe, të wabò bisog, të wadzib, të watsig mbë mvaa, 19olugu esoa ban nyoa#19,19Mb 20,12-16; ai e nyi fë: Odiṅi manyòṅ anë wamen#19,19Bl 19,18. 20E ndoman mod nyi nyè ai Yesus na: Mabaala mëmvende mësë mala. Dze efë? 21Yesus nyè ai nyè na: Ngë wayi hm fò bò ateen, këlë kuan ai akuma doe, ovë mimbumbua, eyòṅ te wayi bi etòg akuma a yob, abog te ozu watoṅ ma. 22Awog ndoman mod engawog nkòbò vi, ndò angakë ai olun a nnëm, amu angabë nkukuma mod. 23Ndò Yesus adzo ai bëyègè boe na: Makad mina bëbëla na, minkukuma mi bod miayi ki nyian ebugbu a edzoe ya yob. 24Ndò makad mina na, anë ebugbu abui na kamele anyian a alòṅ ondondò, alodo na nkukuma onyian a edzoe ya yob. 25Bëyègè bëngayi wog nala, bëngakam abui bò na: Za hm anë dzam kodëban? 26Yesus abëbë bò a mvòm asu, nyè ai bò na: Adzo te lakad bod. Hë da Zamba anë ngul-bò-mësë#19,26Ab 18,14; Yob 42,2. 27Ndò hm Petrus angafèd, nyè na: Bëbëgë na, bingalig mësë na biatoṅ wa, mfa waan hm ya? 28Yesus nyè ai nyè na: Makad mina bëbëla na, e mina ya miabie ma, a enyiṅ yazu, eyòṅ mòn mod ayi tòbò a etoa duma dzie, mina miayi tòbò a bitoa awom ai bibè na miatsig mënda më bod më Israel awom ai mëbè ntol. 29Ndò fë, e mod osë alig nda, ngë manyaṅ, ngë kal, ngë esya, ngë bòn, ngë mëfub etòm dzama, ayi bëlë mam mëte biyòṅ ntèd, abëlë fë enyiṅ kòm. 30Abui bëtële osu, bayi vëṅan bod bë mvua, bod bë mvua ki bëvëṅan bod bë osu.
MKPAMAṄ AMVOE Nouveau Testament en langue Ewondo © Bible Society of Cameroon, 2012.