Yôhan 10
10
Tơlơi Bơhmutu Kơ Pô Wai Triu
1“Kâo laĭ sĭt biă mă kơ ƀing gih, hlơi pô ƀu mŭt ôh mơ̆ng bah amăng war triu samơ̆ ñu đĭ mŭt ƀơi jơlan pơkŏn, pô anŭn jing sa čô mơnuih klĕ dŏp. 2Samơ̆ pô mŭt mơ̆ng bah amăng war triu, ñu anŭn jing pô wai triu. 3Pô gak wai bah amăng či pŏk bah amăng kơ ñu, khul triu hmư̆ asăp ñu, pô wai iâu anăn triu ñu hăng ba tơbiă pơ gah rơngiao. 4Tơ pô wai ba tơbiă abih bang triu pơ gah rơngiao laih, ñu nao hlâo laih anŭn khul triu tui klon, yua kơ khul triu thâo krăn hiăp ñu. 5Khul triu ƀu đuaĭ tui ƀing mơnuih tuai ôh, kơđai glaĭ, gơñu đuaĭ kơdŏp yua kơ gơñu ƀu thâo krăn hiăp ƀing djuai tuai ôh.”
6Yêsu pơhiăp tơlơi bơhmutu anai kơ gơñu samơ̆ gơñu ƀu thâo hluh ôh hơgĕt tơlơi Yêsu kiăng laĭ kơ gơñu.
Yêsu Jing Pô Wai Triu Hiam Klă
7Hnŭn yơh Yêsu pơhiăp dơ̆ng kơ gơñu: “Kâo laĭ sĭt biă mă kơ ƀing gih, Kâo jing bah amăng kơ triu. 8Abih bang mơnuih rai hlâo kơ Kâo jing ƀing mơnuih klĕ dŏp soh sel, samơ̆ khul triu ƀu hmư̆ gơñu ôh. 9Kâo jing bah amăng. Hlơi pô mŭt mơ̆ng Kâo ñu či dưi klaih, gơñu či mŭt laih anŭn tơbiă, bưp tơdrŏn rơ̆k mơda. 10Pô klĕ dŏp rai kơnơ̆ng kiăng kơ klĕ, pơdjai hăng pơrai hĭ triu. Samơ̆ Kâo hmâo rai laih kiăng kơ triu hmâo tơlơi hơdip, laih anŭn hmâo tơlơi hơdip rơbeh blai.”
11“Kâo jing pô wai triu hiam klă. Pô wai triu hiam klă rơngiă tơlơi hơdip Ñu yua kơ khul triu ñu. 12Pô wai arăng apah ñu ƀu djơ̆ pô wai triu ôh, khul triu ƀu lơ̆m kơ ñu ôh, yua kơ anŭn yơh tơ ñu ƀuh asâo tan rai ñu lui hĭ khul triu hăng đuaĭ kơdŏp. Asâo glai kĕ pơrai hăng pơčơlah hĭ bru bra. 13Pô wai apah dŏp yua kơ ñu kơnơ̆ng jing pô wai arăng apah, hnŭn yơh ñu ƀu bơngơ̆t kơ khul triu ôh. 14Kâo jing pô wai triu hiam klă. Kâo thâo krăn khul triu Kâo, laih anŭn triu Kâo thâo krăn Kâo, 15kar hăng Ama thâo krăn Kâo, laih anŭn Kâo thâo krăn Ama; Kâo pơsăn lui tơlơi hơdip Kâo yua kơ khul triu.#Mat 11:27; Luk 10:22. 16Kâo dŏ hmâo khul triu pơkŏn dơ̆ng, gơñu aka dŏ amăng war anai ôh. Kâo ăt khŏm ba gơñu glaĭ mơ̆n. Khul triu anŭn či hmư̆ hiăp Kâo, tui anŭn kơnơ̆ng či hmâo sa khul triu hăng sa čô pô wai đôč.
17Ama khăp kơ Kâo, yua kơ Kâo pơsăn lui tơlơi hơdip Kâo, kiăng kơ Kâo dưi mă glaĭ dơ̆ng. 18Ƀu hmâo hlơi dưi mă lui hĭ tơlơi hơdip Kâo ôh, samơ̆ Kâo pơsăn hĭ Kâo pô tui hăng kâo pô kiăng, Kâo hmâo tơlơi dưi pơsăn lui ñu laih anŭn hmâo tơlơi dưi mă glaĭ. Kâo hmâo mă tŭ tơlơi pơtă anai mơ̆ng Ama Kâo.”
19Sa wơ̆t dơ̆ng, yua kơ tơlơi pơhiăp anŭn hmâo tơlơi pơkah tơdruă tơ̆ng krah ƀing ană Yuđa. 20Lu amăng ƀing ană Yuđa laĭ: “Ñu hmâo yang sat ngă, ñu jing hưt, hyư̆m ƀing gih kiăng dŏ hmư̆ ñu lĕ?”
21Samơ̆ đơđa ƀing pơkŏn laĭ: “Tơlơi pơhiăp anŭn ƀu djơ̆ mơ̆ng sa čô yang sat ngă ôh. Yang sat dưi pơsuaih sa čô mơnuih bum mơta mơ̆n hă?”
Mơnuih Yuđa Hơngah Yêsu
22Hlăk anŭn pơ plei Yêrusalem amăng bơyan puih hmâo phĕt pơhơdơr kơ hrơi pơyơr Sang Kơkuh Pơpŭ. 23Yêsu rơbat ngui amăng sang kơkuh pơpŭ ƀơi adring Salômôn. 24Ƀing Yuđa pơƀŭt jum dar Ñu hăng tơña kơ Ñu: “Hơdôm sui dơ̆ng Ih či lui gơmơi dŏ čang tơguan? Tơdah Ih jing Krist, brơi Ih pơhiăp klă rơđah kơ gơmơi bĕ.”
25Yêsu laĭ glaĭ: “Kâo hmâo laĭ laih kơ ƀing gih, samơ̆ ƀing gih ƀu đaŏ ôh. Hơdôm bruă Kâo hmâo ngă amăng anăn Ama Kâo, bruă anŭn ngă gơ̆ng jơlan brơi kơ Kâo. 26Samơ̆ ƀing gih ƀu đaŏ, yua kơ ƀing gih ƀu djơ̆ khul triu Kâo ôh. 27Khul triu Kâo hmư̆ hiăp Kâo, Kâo thâo krăn gơñu, laih anŭn gơñu đuaĭ tui Kâo. 28Kâo pha brơi kơ gơñu tơlơi hơdip hlŏng lar, laih anŭn gơñu ƀu či răm rai hĭ ôh, laih anŭn ƀu hmâo hlơi dưi sua mă gơñu mơ̆ng tơngan Kâo lơi. 29Ama Kâo jing pô hmâo pha brơi laih gơñu kơ Kâo, Ñu jing prŏng hloh kơ abih bang, laih anŭn ƀu hmâo hlơi pô dưi sua mă gơñu mơ̆ng tơngan Ama Kâo ôh. 30Kâo hăng Ama Kâo jing sa.”
31Ƀing ană Yuđa mă boh pơtâo dơ̆ng kiăng glŏm pơdjai Yêsu. 32Yêsu laĭ glaĭ: “Kâo hmâo pơrơđah laih kơ ƀing gih lu bruă hiam mơ̆ng Ama. Djơ̆ mơ̆ yua kơ bruă anŭn ƀing gih kiăng glŏm boh pơtâo kơ Kâo?”
33Ƀing ană Yuđa laĭ glaĭ: “Ƀu djơ̆ yua kơ bruă hiam ôh gơmơi kiăng glŏm boh pơtâo kơ Ih, samơ̆ yua kơ tơlơi Ih pơhiăp pơgao hmiah hăng Ơi Adai. Ih kơnơ̆ng jing ană mơnuih đôč samơ̆ Ih pơjing pô Ih jing Ơi Adai.”#Lêwi 24:16.
34Yêsu laĭ glaĭ: “Ƀu djơ̆ ôh hă arăng hmâo čih laih amăng tơlơi juăt ƀing gih: ‘Kâo laĭ kơ ƀing gih jing ƀing yang’?#Adoh 82:6. 35Tơdah tơlơi juăt laĭ ƀing mă tŭ Boh Ơi Adai Pơhiăp jing ƀing yang, (laih anŭn Hră Ơi Adai Pơhiăp hmâo čih laih ƀu dưi pơplih ôh), 36Bơ Kâo, jing pô Ama hmâo pơkah pioh kơ rơgoh hiam hăng pơkiaŏ rai amăng lŏn tơnah. Hyư̆m ƀing gih laĭ Kâo pơhiăp pơgao hmiah hăng Ơi Adai, tơdah Kâo laĭ: ‘Kâo jing Ană Ơi Adai lĕ?’ 37Tơdah kâo ƀu ngă ôh khul bruă Ama Kâo, ƀing gih anăm đaŏ kơ Kâo ôh. 38Bơ tơdah Kâo ngă bruă Ama Kâo, wơ̆t dah ƀing gih ƀu đaŏ kơ Kâo tŭ mơ̆n, samơ̆ đaŏ bĕ kơ bruă Kâo hmâo ngă, kiăng kơ ƀing gih dưi thâo hăng hluh kơ Ama dŏ amăng Kâo laih anŭn Kâo dŏ amăng Ama.”
39Gơñu kiăng mă čaŏ Yêsu dơ̆ng, samơ̆ Yêsu klaih hĭ mơ̆ng tơngan gơñu.
40Yêsu găn nao pơ hang gah adih ia krong Yurdan dơ̆ng ƀơi anih Yôhan ngă ƀatem blŭng hlâo, laih anŭn Ñu dŏ pơ anŭn.#Yô 1:28. 41Lu mơnuih nao pơ Yêsu, gơñu laĭ: “Yôhan ƀu hmâo ngă sa mơta tơlơi mơsêh mơyang ôh, samơ̆ abih bang tơlơi Yôhan hmâo ngă gơ̆ng jơlan kơ mơnuih anai jing sĭt.” 42Pơ anŭn hmâo lu mơnuih đaŏ kơ Yêsu.
Currently Selected:
Yôhan 10: JRA2016
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2016 United Bible Societies. All rights reserved.
Yôhan 10
10
Tơlơi Bơhmutu Kơ Pô Wai Triu
1“Kâo laĭ sĭt biă mă kơ ƀing gih, hlơi pô ƀu mŭt ôh mơ̆ng bah amăng war triu samơ̆ ñu đĭ mŭt ƀơi jơlan pơkŏn, pô anŭn jing sa čô mơnuih klĕ dŏp. 2Samơ̆ pô mŭt mơ̆ng bah amăng war triu, ñu anŭn jing pô wai triu. 3Pô gak wai bah amăng či pŏk bah amăng kơ ñu, khul triu hmư̆ asăp ñu, pô wai iâu anăn triu ñu hăng ba tơbiă pơ gah rơngiao. 4Tơ pô wai ba tơbiă abih bang triu pơ gah rơngiao laih, ñu nao hlâo laih anŭn khul triu tui klon, yua kơ khul triu thâo krăn hiăp ñu. 5Khul triu ƀu đuaĭ tui ƀing mơnuih tuai ôh, kơđai glaĭ, gơñu đuaĭ kơdŏp yua kơ gơñu ƀu thâo krăn hiăp ƀing djuai tuai ôh.”
6Yêsu pơhiăp tơlơi bơhmutu anai kơ gơñu samơ̆ gơñu ƀu thâo hluh ôh hơgĕt tơlơi Yêsu kiăng laĭ kơ gơñu.
Yêsu Jing Pô Wai Triu Hiam Klă
7Hnŭn yơh Yêsu pơhiăp dơ̆ng kơ gơñu: “Kâo laĭ sĭt biă mă kơ ƀing gih, Kâo jing bah amăng kơ triu. 8Abih bang mơnuih rai hlâo kơ Kâo jing ƀing mơnuih klĕ dŏp soh sel, samơ̆ khul triu ƀu hmư̆ gơñu ôh. 9Kâo jing bah amăng. Hlơi pô mŭt mơ̆ng Kâo ñu či dưi klaih, gơñu či mŭt laih anŭn tơbiă, bưp tơdrŏn rơ̆k mơda. 10Pô klĕ dŏp rai kơnơ̆ng kiăng kơ klĕ, pơdjai hăng pơrai hĭ triu. Samơ̆ Kâo hmâo rai laih kiăng kơ triu hmâo tơlơi hơdip, laih anŭn hmâo tơlơi hơdip rơbeh blai.”
11“Kâo jing pô wai triu hiam klă. Pô wai triu hiam klă rơngiă tơlơi hơdip Ñu yua kơ khul triu ñu. 12Pô wai arăng apah ñu ƀu djơ̆ pô wai triu ôh, khul triu ƀu lơ̆m kơ ñu ôh, yua kơ anŭn yơh tơ ñu ƀuh asâo tan rai ñu lui hĭ khul triu hăng đuaĭ kơdŏp. Asâo glai kĕ pơrai hăng pơčơlah hĭ bru bra. 13Pô wai apah dŏp yua kơ ñu kơnơ̆ng jing pô wai arăng apah, hnŭn yơh ñu ƀu bơngơ̆t kơ khul triu ôh. 14Kâo jing pô wai triu hiam klă. Kâo thâo krăn khul triu Kâo, laih anŭn triu Kâo thâo krăn Kâo, 15kar hăng Ama thâo krăn Kâo, laih anŭn Kâo thâo krăn Ama; Kâo pơsăn lui tơlơi hơdip Kâo yua kơ khul triu.#Mat 11:27; Luk 10:22. 16Kâo dŏ hmâo khul triu pơkŏn dơ̆ng, gơñu aka dŏ amăng war anai ôh. Kâo ăt khŏm ba gơñu glaĭ mơ̆n. Khul triu anŭn či hmư̆ hiăp Kâo, tui anŭn kơnơ̆ng či hmâo sa khul triu hăng sa čô pô wai đôč.
17Ama khăp kơ Kâo, yua kơ Kâo pơsăn lui tơlơi hơdip Kâo, kiăng kơ Kâo dưi mă glaĭ dơ̆ng. 18Ƀu hmâo hlơi dưi mă lui hĭ tơlơi hơdip Kâo ôh, samơ̆ Kâo pơsăn hĭ Kâo pô tui hăng kâo pô kiăng, Kâo hmâo tơlơi dưi pơsăn lui ñu laih anŭn hmâo tơlơi dưi mă glaĭ. Kâo hmâo mă tŭ tơlơi pơtă anai mơ̆ng Ama Kâo.”
19Sa wơ̆t dơ̆ng, yua kơ tơlơi pơhiăp anŭn hmâo tơlơi pơkah tơdruă tơ̆ng krah ƀing ană Yuđa. 20Lu amăng ƀing ană Yuđa laĭ: “Ñu hmâo yang sat ngă, ñu jing hưt, hyư̆m ƀing gih kiăng dŏ hmư̆ ñu lĕ?”
21Samơ̆ đơđa ƀing pơkŏn laĭ: “Tơlơi pơhiăp anŭn ƀu djơ̆ mơ̆ng sa čô yang sat ngă ôh. Yang sat dưi pơsuaih sa čô mơnuih bum mơta mơ̆n hă?”
Mơnuih Yuđa Hơngah Yêsu
22Hlăk anŭn pơ plei Yêrusalem amăng bơyan puih hmâo phĕt pơhơdơr kơ hrơi pơyơr Sang Kơkuh Pơpŭ. 23Yêsu rơbat ngui amăng sang kơkuh pơpŭ ƀơi adring Salômôn. 24Ƀing Yuđa pơƀŭt jum dar Ñu hăng tơña kơ Ñu: “Hơdôm sui dơ̆ng Ih či lui gơmơi dŏ čang tơguan? Tơdah Ih jing Krist, brơi Ih pơhiăp klă rơđah kơ gơmơi bĕ.”
25Yêsu laĭ glaĭ: “Kâo hmâo laĭ laih kơ ƀing gih, samơ̆ ƀing gih ƀu đaŏ ôh. Hơdôm bruă Kâo hmâo ngă amăng anăn Ama Kâo, bruă anŭn ngă gơ̆ng jơlan brơi kơ Kâo. 26Samơ̆ ƀing gih ƀu đaŏ, yua kơ ƀing gih ƀu djơ̆ khul triu Kâo ôh. 27Khul triu Kâo hmư̆ hiăp Kâo, Kâo thâo krăn gơñu, laih anŭn gơñu đuaĭ tui Kâo. 28Kâo pha brơi kơ gơñu tơlơi hơdip hlŏng lar, laih anŭn gơñu ƀu či răm rai hĭ ôh, laih anŭn ƀu hmâo hlơi dưi sua mă gơñu mơ̆ng tơngan Kâo lơi. 29Ama Kâo jing pô hmâo pha brơi laih gơñu kơ Kâo, Ñu jing prŏng hloh kơ abih bang, laih anŭn ƀu hmâo hlơi pô dưi sua mă gơñu mơ̆ng tơngan Ama Kâo ôh. 30Kâo hăng Ama Kâo jing sa.”
31Ƀing ană Yuđa mă boh pơtâo dơ̆ng kiăng glŏm pơdjai Yêsu. 32Yêsu laĭ glaĭ: “Kâo hmâo pơrơđah laih kơ ƀing gih lu bruă hiam mơ̆ng Ama. Djơ̆ mơ̆ yua kơ bruă anŭn ƀing gih kiăng glŏm boh pơtâo kơ Kâo?”
33Ƀing ană Yuđa laĭ glaĭ: “Ƀu djơ̆ yua kơ bruă hiam ôh gơmơi kiăng glŏm boh pơtâo kơ Ih, samơ̆ yua kơ tơlơi Ih pơhiăp pơgao hmiah hăng Ơi Adai. Ih kơnơ̆ng jing ană mơnuih đôč samơ̆ Ih pơjing pô Ih jing Ơi Adai.”#Lêwi 24:16.
34Yêsu laĭ glaĭ: “Ƀu djơ̆ ôh hă arăng hmâo čih laih amăng tơlơi juăt ƀing gih: ‘Kâo laĭ kơ ƀing gih jing ƀing yang’?#Adoh 82:6. 35Tơdah tơlơi juăt laĭ ƀing mă tŭ Boh Ơi Adai Pơhiăp jing ƀing yang, (laih anŭn Hră Ơi Adai Pơhiăp hmâo čih laih ƀu dưi pơplih ôh), 36Bơ Kâo, jing pô Ama hmâo pơkah pioh kơ rơgoh hiam hăng pơkiaŏ rai amăng lŏn tơnah. Hyư̆m ƀing gih laĭ Kâo pơhiăp pơgao hmiah hăng Ơi Adai, tơdah Kâo laĭ: ‘Kâo jing Ană Ơi Adai lĕ?’ 37Tơdah kâo ƀu ngă ôh khul bruă Ama Kâo, ƀing gih anăm đaŏ kơ Kâo ôh. 38Bơ tơdah Kâo ngă bruă Ama Kâo, wơ̆t dah ƀing gih ƀu đaŏ kơ Kâo tŭ mơ̆n, samơ̆ đaŏ bĕ kơ bruă Kâo hmâo ngă, kiăng kơ ƀing gih dưi thâo hăng hluh kơ Ama dŏ amăng Kâo laih anŭn Kâo dŏ amăng Ama.”
39Gơñu kiăng mă čaŏ Yêsu dơ̆ng, samơ̆ Yêsu klaih hĭ mơ̆ng tơngan gơñu.
40Yêsu găn nao pơ hang gah adih ia krong Yurdan dơ̆ng ƀơi anih Yôhan ngă ƀatem blŭng hlâo, laih anŭn Ñu dŏ pơ anŭn.#Yô 1:28. 41Lu mơnuih nao pơ Yêsu, gơñu laĭ: “Yôhan ƀu hmâo ngă sa mơta tơlơi mơsêh mơyang ôh, samơ̆ abih bang tơlơi Yôhan hmâo ngă gơ̆ng jơlan kơ mơnuih anai jing sĭt.” 42Pơ anŭn hmâo lu mơnuih đaŏ kơ Yêsu.
© 2016 United Bible Societies. All rights reserved.