Yôhan 19
19
1Giơ̆ng kơ tơlơi anŭn, Pilat mă Yêsu hăng brơi ƀing tơhan taih Ñu hăng gai hnuăt ngă hăng hrĕ klĭ. 2Ƀing tơhan mơñam sa boh mŭk pơtao ngă hăng drơi, hăng đua brơi ƀơi akŏ Yêsu. Laih anŭn gơñu mă ao phyung mriah buh brơi kơ Yêsu. 3Gơñu nao pơ Yêsu hăng laĭ: “Kơkuh kơ Ih, Ơ Pơtao ană Yuđa” Laih anŭn gơñu pah meng Yêsu.
4Pilat tơbiă nao sa wơ̆t dơ̆ng hăng laĭ kơ ƀing ană Yuđa: “Lăng anai, kâo ba tơbiă Ñu kơ ƀing gih, kiăng kơ ƀing ih thâo kâo ƀu ƀuh ôh sa mơta tơlơi soh amăng Ñu.” 5Tui anŭn Yêsu tơbiă nao, akŏ Ñu đua mŭk pơtao ngă hăng drơi laih anŭn buh ao phyung mriah. Pilat laĭ hăng gơñu: “Lăng bĕ, mơnuih anai!”
6Samơ̆ tơ ƀing khua ngă yang prŏng hăng ƀing tơhan ƀuh Ñu, gơñu ur kraih: “Pơ̆ng hĭ Ñu pơ kơyâo bơrơkal bĕ! Pơ̆ng hĭ Ñu pơ kơyâo bơrơkal bĕ!”
Pilat laĭ kơ ƀing anŭn: “Ƀing gih pô mă ba bĕ Ñu hăng pơ̆ng pơ kơyâo bơrơkal, yua kơ kâo ƀu ƀuh ôh sa mơta tơlơi soh amăng Ñu.” 7Ƀing ană Yuđa laĭ glaĭ: “Gơmơi hmâo sa tơlơi juăt laih anŭn tui hăng tơlơi juăt anŭn Ñu khŏm djai, yua kơ Ñu laĭ Ñu pô jing Ană Ơi Adai.”
8Tơ Pilat hmư̆ boh pơhiăp anŭn ñu hwĭ kơtang hloh. 9Ñu mŭt glaĭ amăng sang pơtao hăng tơña kơ Yêsu: “Mơ̆ng pă ih rai?”
Samơ̆ Yêsu ƀu laĭ glaĭ ôh. 10Tui anŭn Pilat laĭ kơ Ñu: “Hyư̆m Ih ƀu kiăng pơhiăp hăng kâo? Ih ƀu thâo ôh hă kâo hmâo tơlơi dưi phư brơi ih ƀôdah pơ̆ng hĭ ih pơ kơyâo bơrơkal?” 11Yêsu laĭ glaĭ: “Ih ƀu hmâo tơlơi dưi ngă kơ Kâo ôh, tơdah Ơi Adai ƀu brơi tơlơi dưi anŭn kơ ih. Yua kơ anŭn yơh, hlơi pô jao Kâo kơ ih tơlơi soh ñu prŏng hloh dơ̆ng.” 12Giơ̆ng hmư̆ tơlơi anŭn, Pilat hơduah jơlan kiăng phư hĭ Yêsu, samơ̆ ƀing ană Yuđa ur kraih: “Tơdah ih phư brơi mơnuih anai, ih ƀu jing giăng mah hăng Sêsar ôh. Yua kơ hlơi pô pơjing ñu pô jing pơtao, ñu pơkơdơ̆ng hăng Sêsar yơh.”
13Tơ Pilat hmư̆ hơdôm boh pơhiăp anŭn, ñu ba Yêsu pơ gah rơngiao hăng dŏ ber ƀơi gre phat kơđi ƀơi anih arăng pia Wăl Tap Boh Pơtâo, amăng tơlơi Hêbrơ arăng pia Gabatha. 14Hlăk anŭn jing hrơi prăp rơmet kơ phĕt Tơlơi Găn amăng kơplah wah yang hrơi dơ̆ng.#19:14 Boh hră phŭn blŭng: mông tal năm. Pilat laĭ kơ ƀing ană Yuđa: “Anai jing pơtao ƀing gih!” 15Gơñu ur kraih: “Pơdjai hĭ Ñu, pơdjai hĭ Ñu, pơ̆ng Ñu pơ kơyâo bơrơkal!” Pilat laĭ: “Hyư̆m ƀing gih kiăng kâo pơ̆ng hĭ pơtao ƀing gih pơ kơyâo bơrơkal?” Ƀing khua ngă yang prŏng laĭ glaĭ: “Gơmơi ƀu hmâo pơtao pơkŏn dơ̆ng ôh, kơnơ̆ng hơjăn Sêsar đôč.” 16Tui anŭn Pilat jao Yêsu kơ gơñu, brơi gơñu pơ̆ng hĭ Ñu pơ kơyâo bơrơkal.
Arăng Pơ̆ng Yêsu Pơ Kơyâo Bơrơkal
(Mat 27:32-44; Mar 15:21-32; Luk 23:26-43)
Giơ̆ng anŭn gơñu mă Yêsu hăng ba nao mơtam. 17Yêsu tơbiă nao, glăm kơyâo bơrơkal Ñu pô truh pơ anih Klang Akŏ, arăng pia amăng tơlơi Hêbrơ Gôlgôtha. 18Pơ anŭn gơñu pơ̆ng Yêsu ƀơi kơyâo bơrơkal, hrŏm hơbĭt hăng dua čô mơnuih pơkŏn, sa čô gah iao, sa čô gah hơnuă, laih anŭn Yêsu tơ̆ng krah. 19Pilat čih sa pŏk hơnal hăng yol ƀơi ngŏ kơyâo bơrơkal. Hnal anŭn čih tui anai: “YÊSU NASARET, PƠTAO ANĂ YUĐA.” 20Lu ƀing ană Yuđa lăng hơnal anŭn, yua kơ anih ƀing tơhan pơ̆ng Yêsu ƀơi kơyâo bơrơkal giăm plei prŏng; hơnal anŭn arăng čih hăng tơlơi Hêbrơ, tơlơi Latin, tơlơi Grek. 21Ƀing khua ngă yang prŏng ană Yuđa laĭ kơ Pilat: “Anăm čih ôh: ‘Pơtao Ană Yuđa’ samơ̆ brơi čih: ‘Pô anai laĭ, Kâo jing pơtao ƀing Yuđa.’” 22Pilat laĭ glaĭ: “Tơlơi kâo hmâo čih laih, kâo ƀu pơplih dơ̆ng tah.”
23Giơ̆ng kơ ƀing tơhan pơ̆ng Yêsu pơ kơyâo bơrơkal, gơñu mă ao phyung Yêsu laih anŭn pơpha pă črăn, sa črăn kơ rĭm čô tơhan. Gơñu mă kar kaĭ mơ̆n ao phyung Yêsu, samơ̆ ao phyung anŭn jing sa blah bơnal arăng mơñam mơ̆ng ngŏ truh pơ yŭ ƀu hmâo jơlan sĭt ôh. 24Tui anŭn gơñu bơlaĭ tơdruă gơñu: “Anăm ƀing ta hek hĭ ao anai ôh, samơ̆ brơi ƀing ta mă pơčrăm kiăng thâo kơ hlơi pô či djơ̆.” Tơlơi anŭn kiăng krĕp djơ̆ Hră Ơi Adai pơhiăp čih laih:
“Gơñu pơpha tơdruă gơñu ao Kâo,
Laih anŭn gơñu mă pơčrăm kiăng hmâo ao phyung Kâo.”#Adoh 22:18.
Anŭn jing bruă ƀing tơhan hmâo ngă.
25Dŏ giăm kơyâo bơrơkal Yêsu hmâo amĭ Ñu, amai amĭ Ñu, hrŏm hăng HʼMari bơnai Klôpas laih anŭn HʼMari Plei Madala. 2659 Yêsu ƀuh amĭ Ñu hăng ding kơna pô Ñu khăp hlăk dŏ jĕ, Yêsu laĭ kơ amĭ Ñu: “Ơ amĭ, anai jing ană đah rơkơi ih!” 27Laih anŭn Ñu laĭ kơ ding kơna anŭn: “Anai jing amĭ ih” Mơ̆ng mông anŭn ding kơna anŭn jak ba HʼMari glaĭ pơ sang ñu pô.
Tơlơi Yêsu Djai
(Mat 27:45-56; Mar 15:33-41; Luk 23:44-49)
28Giơ̆ng kơ tơlơi anŭn, Yêsu thâo abih bang bruă hmâo giơ̆ng yơh, kiăng ngă krĕp djơ̆ Tơlơi Ơi Adai pơhiăp čih laih, Ñu laĭ: “Kâo mơhao.”#Adoh 69:21.
29Pơ anŭn hmâo sa boh get bă hăng ia tơpai mơsăm. Gơñu mă pông diăn añrŭ amăng ia mơsăm gơñu kă ƀơi sa ƀĕ than hisôp laih anŭn čŭt nao ƀơi tơƀuai Yêsu. 30Tơ Yêsu mơñum laih ia tơpai mơsăm, Ñu laĭ: “Abih bang bruă giơ̆ng laih!” Laih anŭn Ñu kŭp akŏ, tơĭ pran.
Arăng Klaŏ Ƀơi Djeo Yêsu
31Yua kơ hrơi anŭn jing hrơi prăp rơmet kơ phĕt Tơlơi Găn, laih anŭn ƀing Yuđa ƀu kiăng drơi jan dŏ ƀơi kơyâo bơrơkal tơdang hrơi saƀat (Yua kơ hrơi saƀat anŭn jing hrơi pơyom biă mă), ƀing Yuđa rơkâo Pilat brơi arăng taih joh hĭ tơkai gơñu, laih anŭn mă pơđuaĭ hĭ gơñu pơ anih pơkŏn. 32Hnŭn yơh ƀing tơhan nao taih joh hĭ klang thông pô tal hlâo, hăng pô pơkŏn jing dua čô arăng pơ̆ng ƀơi kơyâo bơrơkal hrŏm hơbĭt hăng Yêsu. 33Samơ̆ tơ gơñu nao jĕ pơ Yêsu gơñu ƀuh Ñu djai laih, hnŭn yơh ƀing tơhan ƀu taih joh klang thông Yêsu ôh. 34Samơ̆ hmâo sa čô amăng ƀing tơhan klaŏ ƀơi djeo Ñu hăng tơbăk laih anŭn drah hăng ia ƀlĕ mơtam. 35Pô hmâo ƀuh tơlơi anŭn ngă gơ̆ng jơlan, tơlơi ñu ngă gơ̆ng jơlan anŭn jing sĭt, laih anŭn ñu ăt thâo mơ̆n kơ tơlơi ñu pơhiăp anŭn jing sĭt, kiăng kơ ƀing gih dưi đaŏ mơ̆n. 36Hơdôm tơlơi anai hmâo truh kiăng kơ krĕp djơ̆ tui hăng Hră Ơi Adai Pơhiăp hmâo čih laih: “Ƀu hmâo ôh sa ƀĕ klang Ñu či joh hĭ.”#Tơb 12:46; Yap 9:12; Adoh 34:20. 37Laih anŭn hmâo Hră Ơi Adai Pơhiăp tui anai dơ̆ng: “Gơñu či lăng kơ pô gơñu hmâo klaŏ laih.”#Sak 12:10.
Tơlơi Dơr Yêsu
(Mat 27:57-61; Mar 15:42-47; Luk 23:50-56)
38Giơ̆ng kơ anŭn Yôsep plei Arimathê, jing sa čô ding kơna Yêsu, hăng tơlơi hơgơ̆m yua kơ ñu hwĭ kơ ƀing Yuđa, nao rơkâo Pilat tơlơi dưi mă drơi jan Yêsu. Pilat brơi mơ̆n. Tui anŭn ñu nao mă drơi jan Yêsu. 39Nikôđem, pô hlâo anŭn hmâo nao pơ Yêsu sa wơ̆t amăng mlam, ăt nao mơ̆n, djă ba sa rơtuh kilôgram ia jrao phĭ ƀâu hiam lŭk hăng ia jrao alôê.#Yô 3:1-2. 40Gơñu mă atâo Yêsu, hăng pŏn drơi jan Yêsu hăng khăn kơbuă laih anŭn hrŏm hăng ia jrao ƀâu hiam, tui hăng tơlơi phiăn ƀing Yuđa dơr mơnuih djai. 41Ƀơi jĕ anih arăng pơ̆ng Yêsu anŭn hmâo sa boh đang kơyâo, amăng đang kơyâo anŭn hmâo sa boh pơsat phrâo, arăng aka dơr mơnuih djai ôh. 42Yua kơ hrơi anŭn jing hrơi ƀing Yuđa prăp pre kơ phĕt Tơlơi Găn, gơñu pioh Yêsu amăng pơsat anŭn, yua kơ pơsat jĕ ƀơi anŭn.
Currently Selected:
Yôhan 19: JRA2016
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2016 United Bible Societies. All rights reserved.
Yôhan 19
19
1Giơ̆ng kơ tơlơi anŭn, Pilat mă Yêsu hăng brơi ƀing tơhan taih Ñu hăng gai hnuăt ngă hăng hrĕ klĭ. 2Ƀing tơhan mơñam sa boh mŭk pơtao ngă hăng drơi, hăng đua brơi ƀơi akŏ Yêsu. Laih anŭn gơñu mă ao phyung mriah buh brơi kơ Yêsu. 3Gơñu nao pơ Yêsu hăng laĭ: “Kơkuh kơ Ih, Ơ Pơtao ană Yuđa” Laih anŭn gơñu pah meng Yêsu.
4Pilat tơbiă nao sa wơ̆t dơ̆ng hăng laĭ kơ ƀing ană Yuđa: “Lăng anai, kâo ba tơbiă Ñu kơ ƀing gih, kiăng kơ ƀing ih thâo kâo ƀu ƀuh ôh sa mơta tơlơi soh amăng Ñu.” 5Tui anŭn Yêsu tơbiă nao, akŏ Ñu đua mŭk pơtao ngă hăng drơi laih anŭn buh ao phyung mriah. Pilat laĭ hăng gơñu: “Lăng bĕ, mơnuih anai!”
6Samơ̆ tơ ƀing khua ngă yang prŏng hăng ƀing tơhan ƀuh Ñu, gơñu ur kraih: “Pơ̆ng hĭ Ñu pơ kơyâo bơrơkal bĕ! Pơ̆ng hĭ Ñu pơ kơyâo bơrơkal bĕ!”
Pilat laĭ kơ ƀing anŭn: “Ƀing gih pô mă ba bĕ Ñu hăng pơ̆ng pơ kơyâo bơrơkal, yua kơ kâo ƀu ƀuh ôh sa mơta tơlơi soh amăng Ñu.” 7Ƀing ană Yuđa laĭ glaĭ: “Gơmơi hmâo sa tơlơi juăt laih anŭn tui hăng tơlơi juăt anŭn Ñu khŏm djai, yua kơ Ñu laĭ Ñu pô jing Ană Ơi Adai.”
8Tơ Pilat hmư̆ boh pơhiăp anŭn ñu hwĭ kơtang hloh. 9Ñu mŭt glaĭ amăng sang pơtao hăng tơña kơ Yêsu: “Mơ̆ng pă ih rai?”
Samơ̆ Yêsu ƀu laĭ glaĭ ôh. 10Tui anŭn Pilat laĭ kơ Ñu: “Hyư̆m Ih ƀu kiăng pơhiăp hăng kâo? Ih ƀu thâo ôh hă kâo hmâo tơlơi dưi phư brơi ih ƀôdah pơ̆ng hĭ ih pơ kơyâo bơrơkal?” 11Yêsu laĭ glaĭ: “Ih ƀu hmâo tơlơi dưi ngă kơ Kâo ôh, tơdah Ơi Adai ƀu brơi tơlơi dưi anŭn kơ ih. Yua kơ anŭn yơh, hlơi pô jao Kâo kơ ih tơlơi soh ñu prŏng hloh dơ̆ng.” 12Giơ̆ng hmư̆ tơlơi anŭn, Pilat hơduah jơlan kiăng phư hĭ Yêsu, samơ̆ ƀing ană Yuđa ur kraih: “Tơdah ih phư brơi mơnuih anai, ih ƀu jing giăng mah hăng Sêsar ôh. Yua kơ hlơi pô pơjing ñu pô jing pơtao, ñu pơkơdơ̆ng hăng Sêsar yơh.”
13Tơ Pilat hmư̆ hơdôm boh pơhiăp anŭn, ñu ba Yêsu pơ gah rơngiao hăng dŏ ber ƀơi gre phat kơđi ƀơi anih arăng pia Wăl Tap Boh Pơtâo, amăng tơlơi Hêbrơ arăng pia Gabatha. 14Hlăk anŭn jing hrơi prăp rơmet kơ phĕt Tơlơi Găn amăng kơplah wah yang hrơi dơ̆ng.#19:14 Boh hră phŭn blŭng: mông tal năm. Pilat laĭ kơ ƀing ană Yuđa: “Anai jing pơtao ƀing gih!” 15Gơñu ur kraih: “Pơdjai hĭ Ñu, pơdjai hĭ Ñu, pơ̆ng Ñu pơ kơyâo bơrơkal!” Pilat laĭ: “Hyư̆m ƀing gih kiăng kâo pơ̆ng hĭ pơtao ƀing gih pơ kơyâo bơrơkal?” Ƀing khua ngă yang prŏng laĭ glaĭ: “Gơmơi ƀu hmâo pơtao pơkŏn dơ̆ng ôh, kơnơ̆ng hơjăn Sêsar đôč.” 16Tui anŭn Pilat jao Yêsu kơ gơñu, brơi gơñu pơ̆ng hĭ Ñu pơ kơyâo bơrơkal.
Arăng Pơ̆ng Yêsu Pơ Kơyâo Bơrơkal
(Mat 27:32-44; Mar 15:21-32; Luk 23:26-43)
Giơ̆ng anŭn gơñu mă Yêsu hăng ba nao mơtam. 17Yêsu tơbiă nao, glăm kơyâo bơrơkal Ñu pô truh pơ anih Klang Akŏ, arăng pia amăng tơlơi Hêbrơ Gôlgôtha. 18Pơ anŭn gơñu pơ̆ng Yêsu ƀơi kơyâo bơrơkal, hrŏm hơbĭt hăng dua čô mơnuih pơkŏn, sa čô gah iao, sa čô gah hơnuă, laih anŭn Yêsu tơ̆ng krah. 19Pilat čih sa pŏk hơnal hăng yol ƀơi ngŏ kơyâo bơrơkal. Hnal anŭn čih tui anai: “YÊSU NASARET, PƠTAO ANĂ YUĐA.” 20Lu ƀing ană Yuđa lăng hơnal anŭn, yua kơ anih ƀing tơhan pơ̆ng Yêsu ƀơi kơyâo bơrơkal giăm plei prŏng; hơnal anŭn arăng čih hăng tơlơi Hêbrơ, tơlơi Latin, tơlơi Grek. 21Ƀing khua ngă yang prŏng ană Yuđa laĭ kơ Pilat: “Anăm čih ôh: ‘Pơtao Ană Yuđa’ samơ̆ brơi čih: ‘Pô anai laĭ, Kâo jing pơtao ƀing Yuđa.’” 22Pilat laĭ glaĭ: “Tơlơi kâo hmâo čih laih, kâo ƀu pơplih dơ̆ng tah.”
23Giơ̆ng kơ ƀing tơhan pơ̆ng Yêsu pơ kơyâo bơrơkal, gơñu mă ao phyung Yêsu laih anŭn pơpha pă črăn, sa črăn kơ rĭm čô tơhan. Gơñu mă kar kaĭ mơ̆n ao phyung Yêsu, samơ̆ ao phyung anŭn jing sa blah bơnal arăng mơñam mơ̆ng ngŏ truh pơ yŭ ƀu hmâo jơlan sĭt ôh. 24Tui anŭn gơñu bơlaĭ tơdruă gơñu: “Anăm ƀing ta hek hĭ ao anai ôh, samơ̆ brơi ƀing ta mă pơčrăm kiăng thâo kơ hlơi pô či djơ̆.” Tơlơi anŭn kiăng krĕp djơ̆ Hră Ơi Adai pơhiăp čih laih:
“Gơñu pơpha tơdruă gơñu ao Kâo,
Laih anŭn gơñu mă pơčrăm kiăng hmâo ao phyung Kâo.”#Adoh 22:18.
Anŭn jing bruă ƀing tơhan hmâo ngă.
25Dŏ giăm kơyâo bơrơkal Yêsu hmâo amĭ Ñu, amai amĭ Ñu, hrŏm hăng HʼMari bơnai Klôpas laih anŭn HʼMari Plei Madala. 2659 Yêsu ƀuh amĭ Ñu hăng ding kơna pô Ñu khăp hlăk dŏ jĕ, Yêsu laĭ kơ amĭ Ñu: “Ơ amĭ, anai jing ană đah rơkơi ih!” 27Laih anŭn Ñu laĭ kơ ding kơna anŭn: “Anai jing amĭ ih” Mơ̆ng mông anŭn ding kơna anŭn jak ba HʼMari glaĭ pơ sang ñu pô.
Tơlơi Yêsu Djai
(Mat 27:45-56; Mar 15:33-41; Luk 23:44-49)
28Giơ̆ng kơ tơlơi anŭn, Yêsu thâo abih bang bruă hmâo giơ̆ng yơh, kiăng ngă krĕp djơ̆ Tơlơi Ơi Adai pơhiăp čih laih, Ñu laĭ: “Kâo mơhao.”#Adoh 69:21.
29Pơ anŭn hmâo sa boh get bă hăng ia tơpai mơsăm. Gơñu mă pông diăn añrŭ amăng ia mơsăm gơñu kă ƀơi sa ƀĕ than hisôp laih anŭn čŭt nao ƀơi tơƀuai Yêsu. 30Tơ Yêsu mơñum laih ia tơpai mơsăm, Ñu laĭ: “Abih bang bruă giơ̆ng laih!” Laih anŭn Ñu kŭp akŏ, tơĭ pran.
Arăng Klaŏ Ƀơi Djeo Yêsu
31Yua kơ hrơi anŭn jing hrơi prăp rơmet kơ phĕt Tơlơi Găn, laih anŭn ƀing Yuđa ƀu kiăng drơi jan dŏ ƀơi kơyâo bơrơkal tơdang hrơi saƀat (Yua kơ hrơi saƀat anŭn jing hrơi pơyom biă mă), ƀing Yuđa rơkâo Pilat brơi arăng taih joh hĭ tơkai gơñu, laih anŭn mă pơđuaĭ hĭ gơñu pơ anih pơkŏn. 32Hnŭn yơh ƀing tơhan nao taih joh hĭ klang thông pô tal hlâo, hăng pô pơkŏn jing dua čô arăng pơ̆ng ƀơi kơyâo bơrơkal hrŏm hơbĭt hăng Yêsu. 33Samơ̆ tơ gơñu nao jĕ pơ Yêsu gơñu ƀuh Ñu djai laih, hnŭn yơh ƀing tơhan ƀu taih joh klang thông Yêsu ôh. 34Samơ̆ hmâo sa čô amăng ƀing tơhan klaŏ ƀơi djeo Ñu hăng tơbăk laih anŭn drah hăng ia ƀlĕ mơtam. 35Pô hmâo ƀuh tơlơi anŭn ngă gơ̆ng jơlan, tơlơi ñu ngă gơ̆ng jơlan anŭn jing sĭt, laih anŭn ñu ăt thâo mơ̆n kơ tơlơi ñu pơhiăp anŭn jing sĭt, kiăng kơ ƀing gih dưi đaŏ mơ̆n. 36Hơdôm tơlơi anai hmâo truh kiăng kơ krĕp djơ̆ tui hăng Hră Ơi Adai Pơhiăp hmâo čih laih: “Ƀu hmâo ôh sa ƀĕ klang Ñu či joh hĭ.”#Tơb 12:46; Yap 9:12; Adoh 34:20. 37Laih anŭn hmâo Hră Ơi Adai Pơhiăp tui anai dơ̆ng: “Gơñu či lăng kơ pô gơñu hmâo klaŏ laih.”#Sak 12:10.
Tơlơi Dơr Yêsu
(Mat 27:57-61; Mar 15:42-47; Luk 23:50-56)
38Giơ̆ng kơ anŭn Yôsep plei Arimathê, jing sa čô ding kơna Yêsu, hăng tơlơi hơgơ̆m yua kơ ñu hwĭ kơ ƀing Yuđa, nao rơkâo Pilat tơlơi dưi mă drơi jan Yêsu. Pilat brơi mơ̆n. Tui anŭn ñu nao mă drơi jan Yêsu. 39Nikôđem, pô hlâo anŭn hmâo nao pơ Yêsu sa wơ̆t amăng mlam, ăt nao mơ̆n, djă ba sa rơtuh kilôgram ia jrao phĭ ƀâu hiam lŭk hăng ia jrao alôê.#Yô 3:1-2. 40Gơñu mă atâo Yêsu, hăng pŏn drơi jan Yêsu hăng khăn kơbuă laih anŭn hrŏm hăng ia jrao ƀâu hiam, tui hăng tơlơi phiăn ƀing Yuđa dơr mơnuih djai. 41Ƀơi jĕ anih arăng pơ̆ng Yêsu anŭn hmâo sa boh đang kơyâo, amăng đang kơyâo anŭn hmâo sa boh pơsat phrâo, arăng aka dơr mơnuih djai ôh. 42Yua kơ hrơi anŭn jing hrơi ƀing Yuđa prăp pre kơ phĕt Tơlơi Găn, gơñu pioh Yêsu amăng pơsat anŭn, yua kơ pơsat jĕ ƀơi anŭn.
© 2016 United Bible Societies. All rights reserved.