Luk 16
16
Pô Wai Lăng Sang Ƀu Tŏng Ten
1Yêsu laĭ dơ̆ng kơ ƀing ding kơna Ñu: “Sa čô mơnuih pơdrŏng anŭn hmâo sa čô pô wai lăng sang ñu, arăng phong kơ ñu hmâo pơprŏt pơrai hĭ kong ngăn khua ñu. 2Tui anŭn, khua anŭn iâu ñu laih anŭn laĭ kơ ñu: ‘Hơgĕt tơlơi ih hmâo ngă laih, kâo hmư̆ arăng phong kơ ih? Ruai pơdah bĕ abih bruă ih wai lăng sang kâo, yua kơ mơ̆ng ră anai ih ƀu dưi wai lăng sang kâo dơ̆ng tah.’ 3Pô wai lăng sang anŭn laĭ amăng pran jua: ‘Khua kâo khăt bruă kâo wai lăng sang ñu, hơgĕt kâo či ngă? Nao ngă hmua kâo ƀu ai ôh, nao rơkâo dan kâo mlâo hañ. 4Kâo thâo laih hơgĕt kâo khŏm ngă kiăng kơ hmâo mơnuih jum kâo mŭt amăng sang gơñu, tơ khua kâo khăt bruă kâo.’ 5Tui anŭn, ñu iâu mă hơjăn rĭm čô ƀing đom hơnưh kơ khua ñu, laih anŭn tơña kơ pô blŭng hlâo: ‘Hơdôm ih đom hơnưh kơ khua kâo?’ 6Gơ̆ laĭ: ‘Sa rơtuh kơthŭng ia luil ôliwơ.’ Ñu laĭ kơ gơ̆: ‘Mă hră hơnưh ih, dŏ ber tañ laih anŭn čih glaĭ rơma pluh.’ 7Giơ̆ng anŭn ñu tơña kơ sa čô pơkŏn: ‘Bơ ih, hơdôm ih đom hơnưh?’ Gơ̆ laĭ glaĭ: ‘Sa rơtuh reo pơdai.’ Ñu laĭ kơ gơ̆: ‘Mă hră hơnưh ih laih anŭn čih glaĭ sapăn pluh.’ 8Khua kơ pô wai lăng sang ƀu tŏng ten anŭn bơni kơ ñu, yua kơ ñu ngă laih hăng tơlơi kơhnâo; yua kơ ƀing mơnuih rơnŭk anai kơhnâo hloh kơ ƀing ană bă tơlơi bơngač amăng tơlơi gơñu hơdip hăng tơdruă.
9Laih anŭn kâo laĭ kơ ƀing gih, brơi ƀing gih yua dram gơnam ƀu hiam klă kiăng ngă gơyut gơyâo, kiăng kơ tơ mơnơ̆ng anŭn abih hĭ laih, gơñu či tŭ jum ƀing gih amăng sang hlŏng lar. 10Hlơi pô tŏng ten amăng bruă anĕt aneo ăt ñu tŏng ten amăng bruă prŏng mơ̆n; laih anŭn hlơi pô ƀu tơpă amăng bruă anĕt aneo, ăt ƀu tơpă amăng bruă prŏng mơ̆n. 11Tui anŭn tơdah ƀing gih ƀu tŏng ten ôh amăng dram gơnam ƀu hiam klă, hlơi či jao kơ ƀing gih dram gơnam sĭt lĕ? 12Laih anŭn tơdah ƀing gih ƀu tŏng ten ôh hăng dram gơnam pô pơkŏn, hlơi či jao brơi kơ ƀing gih dram gơnam kơ gih pô lĕ?
13 #
Mat 6:24. Sa čô ding kơna ƀu dưi mă bruă kơ dua čô khua ôh, yua kơ ñu či bơrơmŭt kơ khua anai laih anŭn khăp kơ khua pơkŏn, ƀôdah ñu či pơpŭ kơ khua anai laih anŭn mưč kơ khua pơkŏn. Ƀing gih ƀu dưi mă bruă kơ Ơi Adai laih anŭn kơ prăk kak hrŏm hơbĭt#16:13 Mamôn: lăng Mathiơ 6:24. ôh.”
Dêh Čar Pơtao Ơi Adai Laih Anŭn Tơlơi Juăt
(Mat 11:12-13; 5:31-32; Mar 10:11-12)
14Ƀing Pharisi, jing ƀing hưp ham kơ prăk, hmư̆ abih tơlơi anŭn laih anŭn gơñu djik kơ Yêsu. 15Samơ̆ Yêsu laĭ gơñu: “Ƀing gih jing ƀing mơnuih ngă mă tơpă hơnơ̆ng ƀơi anăp ană mơnuih, samơ̆ Ơi Adai thâo pran jua ƀing gih; yua kơ hơgĕt tơlơi ƀing ană mơnuih pơpŭ, Ơi Adai bơrơmŭt khĕl kơ tơlơi anŭn.
16Tơlơi juăt laih anŭn boh pơhiăp laĭ lui hlâo hmâo truh pơ rơnŭk Yôhan đôč; čơdơ̆ng mơ̆ng rơnŭk anŭn arăng pơtô Tơlơi Phrâo Hiam kơ dêh čar pơtao Ơi Adai, laih anŭn abih bang mơnuih yua tơlơi kơtang pơrơsua kiăng kơ mŭt ƀơi anŭn.#Mat 11:12-13. 17Lŏn rai adai rơgao hĭ amuñ hloh kơ sut hĭ sa tŭt sa gat boh hră amăng tơlơi juăt.#Mat 5:18.
18Hlơi pô klaih lui bơnai ñu laih anŭn dŏ bơnai pơkŏn ñu soh klĕ pyu yơh; laih anŭn hlơi pô dŏ sa čô đah kơmơi rơkơi ñu klaih lui laih ăt jing soh klĕ pyu mơ̆n.”#Mat 5:32; I Kôr 7:10-11.
Mơnuih Pơdrŏng Hăng Lasar
19“Hmâo sa čô mơnuih pơdrŏng buh ao mriah ngă hăng bơnal kơbuă añĕ ară, rĭm hrơi ƀơ̆ng mơñum mơnơ̆ng hiam jơman. 20Hmâo sa čô mơnuih ƀun rin, anăn gơ̆ Lasar, dŏ đih ƀơi amăng jang ñu, drơi jan gơ̆ bă hăng mruih kơčung. 21Gơ̆ kiăng ƀơ̆ng biă mă aru djah lĕ mơ̆ng kơƀang pô pơdrŏng. Hmâo ƀing asâo rai liah rơka mruih kơčung ñu. 22Mơnuih ƀun rin anŭn djai hĭ, laih anŭn ƀing ling jang hiam pŭ ba pioh gơ̆ ƀơi tơda Abraham. Mơnuih pơdrŏng ăt djai kar kaĭ mơ̆n, laih anŭn arăng ba dơr ñu. 23Amăng plei ƀing djai#16:23 Boh hră phŭn blŭng: Hades: kiăng laĭ: anih ƀing djai dŏ. tơdang ñu dŏ ruă nuă tơnap tap, ñu angak mơta lăng đĭ laih anŭn ƀuh Abraham pơ ataih laih anŭn Lasar dŏ ƀơi tơda ñu. 24Ñu ur kraih: ‘Ơ ama Abraham, pap drap kơ kâo đa, pơkiaŏ rai bĕ Lasar añrŭ jŭng čơđeng amăng ia laih anŭn ngă rơơ̆ brơi jơlah kâo, yua kơ amăng jơlah apui anai kâo ruă nuă tơnap tap biă mă.’ 25Samơ̆ Abraham laĭ: ‘Ơ dăm, hơdơr glaĭ bĕ hlăk ih dŏ hơdip ih hmâo mă tŭ laih lu tơlơi hiam mơak, bơ Lasar tŭ mă lu tơlơi sat. Ră anai pơ anai Lasar hmâo tơlơi pơalum laih anŭn ih hmâo tơlơi ruă tơnap. 26Hloh kơ anŭn dơ̆ng, kơplah wah gơmơi hăng ih hmâo sa amăng luh prŏng dlam, tơl kơ hlơi mơ̆ng anai kiăng nao pơ anŭn ƀu dưi ôh, laih anŭn hlơi mơ̆ng anŭn kiăng rai pơ anai ăt kŏn dưi lơi.’ 27Mơnuih pơdrŏng laĭ: ‘Tơdah tui anŭn kâo rơkâo kơwưh kơ ih, ơ ama, pơkiaŏ nao bĕ Lasar nao pơ sang ama kâo, 28yua kơ kâo hmâo rơma čô adơi ayŏng, kiăng kơ ñu nao pơthâo pơgăn gơñu hwĭ kơ gơñu ăt lĕ amăng anih ruă tơnap tap anai mơ̆n.’ 29Samơ̆ Abraham laĭ: ‘Gơñu hmâo laih Môis hăng ƀing pô laĭ lui hlâo. Brơi gơñu dŏ hmư̆ ƀing anŭn bĕ.’ 30Pô pơdrŏng laĭ glaĭ ‘Ư ưh, ơ ama Abraham, samơ̆ tơdah hmâo mơnuih djai hơdip glaĭ nao pơ gơñu, sĭt gơñu či kơhmal tơlơi soh gơñu.’ 31Abraham laĭ kơ ñu: ‘Tơdah gơñu ƀu gưt hmư̆ ôh Môis hăng ƀing pô laĭ lui hlâo, wơ̆t dah hmâo mơnuih djai hơdip glaĭ dơ̆ng kŏn hmâo tơlơi hơgĕt dưi ngă brơi kơ ƀing gơñu đaŏ lơi.’”
Currently Selected:
Luk 16: JRA2016
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2016 United Bible Societies. All rights reserved.
Luk 16
16
Pô Wai Lăng Sang Ƀu Tŏng Ten
1Yêsu laĭ dơ̆ng kơ ƀing ding kơna Ñu: “Sa čô mơnuih pơdrŏng anŭn hmâo sa čô pô wai lăng sang ñu, arăng phong kơ ñu hmâo pơprŏt pơrai hĭ kong ngăn khua ñu. 2Tui anŭn, khua anŭn iâu ñu laih anŭn laĭ kơ ñu: ‘Hơgĕt tơlơi ih hmâo ngă laih, kâo hmư̆ arăng phong kơ ih? Ruai pơdah bĕ abih bruă ih wai lăng sang kâo, yua kơ mơ̆ng ră anai ih ƀu dưi wai lăng sang kâo dơ̆ng tah.’ 3Pô wai lăng sang anŭn laĭ amăng pran jua: ‘Khua kâo khăt bruă kâo wai lăng sang ñu, hơgĕt kâo či ngă? Nao ngă hmua kâo ƀu ai ôh, nao rơkâo dan kâo mlâo hañ. 4Kâo thâo laih hơgĕt kâo khŏm ngă kiăng kơ hmâo mơnuih jum kâo mŭt amăng sang gơñu, tơ khua kâo khăt bruă kâo.’ 5Tui anŭn, ñu iâu mă hơjăn rĭm čô ƀing đom hơnưh kơ khua ñu, laih anŭn tơña kơ pô blŭng hlâo: ‘Hơdôm ih đom hơnưh kơ khua kâo?’ 6Gơ̆ laĭ: ‘Sa rơtuh kơthŭng ia luil ôliwơ.’ Ñu laĭ kơ gơ̆: ‘Mă hră hơnưh ih, dŏ ber tañ laih anŭn čih glaĭ rơma pluh.’ 7Giơ̆ng anŭn ñu tơña kơ sa čô pơkŏn: ‘Bơ ih, hơdôm ih đom hơnưh?’ Gơ̆ laĭ glaĭ: ‘Sa rơtuh reo pơdai.’ Ñu laĭ kơ gơ̆: ‘Mă hră hơnưh ih laih anŭn čih glaĭ sapăn pluh.’ 8Khua kơ pô wai lăng sang ƀu tŏng ten anŭn bơni kơ ñu, yua kơ ñu ngă laih hăng tơlơi kơhnâo; yua kơ ƀing mơnuih rơnŭk anai kơhnâo hloh kơ ƀing ană bă tơlơi bơngač amăng tơlơi gơñu hơdip hăng tơdruă.
9Laih anŭn kâo laĭ kơ ƀing gih, brơi ƀing gih yua dram gơnam ƀu hiam klă kiăng ngă gơyut gơyâo, kiăng kơ tơ mơnơ̆ng anŭn abih hĭ laih, gơñu či tŭ jum ƀing gih amăng sang hlŏng lar. 10Hlơi pô tŏng ten amăng bruă anĕt aneo ăt ñu tŏng ten amăng bruă prŏng mơ̆n; laih anŭn hlơi pô ƀu tơpă amăng bruă anĕt aneo, ăt ƀu tơpă amăng bruă prŏng mơ̆n. 11Tui anŭn tơdah ƀing gih ƀu tŏng ten ôh amăng dram gơnam ƀu hiam klă, hlơi či jao kơ ƀing gih dram gơnam sĭt lĕ? 12Laih anŭn tơdah ƀing gih ƀu tŏng ten ôh hăng dram gơnam pô pơkŏn, hlơi či jao brơi kơ ƀing gih dram gơnam kơ gih pô lĕ?
13 #
Mat 6:24. Sa čô ding kơna ƀu dưi mă bruă kơ dua čô khua ôh, yua kơ ñu či bơrơmŭt kơ khua anai laih anŭn khăp kơ khua pơkŏn, ƀôdah ñu či pơpŭ kơ khua anai laih anŭn mưč kơ khua pơkŏn. Ƀing gih ƀu dưi mă bruă kơ Ơi Adai laih anŭn kơ prăk kak hrŏm hơbĭt#16:13 Mamôn: lăng Mathiơ 6:24. ôh.”
Dêh Čar Pơtao Ơi Adai Laih Anŭn Tơlơi Juăt
(Mat 11:12-13; 5:31-32; Mar 10:11-12)
14Ƀing Pharisi, jing ƀing hưp ham kơ prăk, hmư̆ abih tơlơi anŭn laih anŭn gơñu djik kơ Yêsu. 15Samơ̆ Yêsu laĭ gơñu: “Ƀing gih jing ƀing mơnuih ngă mă tơpă hơnơ̆ng ƀơi anăp ană mơnuih, samơ̆ Ơi Adai thâo pran jua ƀing gih; yua kơ hơgĕt tơlơi ƀing ană mơnuih pơpŭ, Ơi Adai bơrơmŭt khĕl kơ tơlơi anŭn.
16Tơlơi juăt laih anŭn boh pơhiăp laĭ lui hlâo hmâo truh pơ rơnŭk Yôhan đôč; čơdơ̆ng mơ̆ng rơnŭk anŭn arăng pơtô Tơlơi Phrâo Hiam kơ dêh čar pơtao Ơi Adai, laih anŭn abih bang mơnuih yua tơlơi kơtang pơrơsua kiăng kơ mŭt ƀơi anŭn.#Mat 11:12-13. 17Lŏn rai adai rơgao hĭ amuñ hloh kơ sut hĭ sa tŭt sa gat boh hră amăng tơlơi juăt.#Mat 5:18.
18Hlơi pô klaih lui bơnai ñu laih anŭn dŏ bơnai pơkŏn ñu soh klĕ pyu yơh; laih anŭn hlơi pô dŏ sa čô đah kơmơi rơkơi ñu klaih lui laih ăt jing soh klĕ pyu mơ̆n.”#Mat 5:32; I Kôr 7:10-11.
Mơnuih Pơdrŏng Hăng Lasar
19“Hmâo sa čô mơnuih pơdrŏng buh ao mriah ngă hăng bơnal kơbuă añĕ ară, rĭm hrơi ƀơ̆ng mơñum mơnơ̆ng hiam jơman. 20Hmâo sa čô mơnuih ƀun rin, anăn gơ̆ Lasar, dŏ đih ƀơi amăng jang ñu, drơi jan gơ̆ bă hăng mruih kơčung. 21Gơ̆ kiăng ƀơ̆ng biă mă aru djah lĕ mơ̆ng kơƀang pô pơdrŏng. Hmâo ƀing asâo rai liah rơka mruih kơčung ñu. 22Mơnuih ƀun rin anŭn djai hĭ, laih anŭn ƀing ling jang hiam pŭ ba pioh gơ̆ ƀơi tơda Abraham. Mơnuih pơdrŏng ăt djai kar kaĭ mơ̆n, laih anŭn arăng ba dơr ñu. 23Amăng plei ƀing djai#16:23 Boh hră phŭn blŭng: Hades: kiăng laĭ: anih ƀing djai dŏ. tơdang ñu dŏ ruă nuă tơnap tap, ñu angak mơta lăng đĭ laih anŭn ƀuh Abraham pơ ataih laih anŭn Lasar dŏ ƀơi tơda ñu. 24Ñu ur kraih: ‘Ơ ama Abraham, pap drap kơ kâo đa, pơkiaŏ rai bĕ Lasar añrŭ jŭng čơđeng amăng ia laih anŭn ngă rơơ̆ brơi jơlah kâo, yua kơ amăng jơlah apui anai kâo ruă nuă tơnap tap biă mă.’ 25Samơ̆ Abraham laĭ: ‘Ơ dăm, hơdơr glaĭ bĕ hlăk ih dŏ hơdip ih hmâo mă tŭ laih lu tơlơi hiam mơak, bơ Lasar tŭ mă lu tơlơi sat. Ră anai pơ anai Lasar hmâo tơlơi pơalum laih anŭn ih hmâo tơlơi ruă tơnap. 26Hloh kơ anŭn dơ̆ng, kơplah wah gơmơi hăng ih hmâo sa amăng luh prŏng dlam, tơl kơ hlơi mơ̆ng anai kiăng nao pơ anŭn ƀu dưi ôh, laih anŭn hlơi mơ̆ng anŭn kiăng rai pơ anai ăt kŏn dưi lơi.’ 27Mơnuih pơdrŏng laĭ: ‘Tơdah tui anŭn kâo rơkâo kơwưh kơ ih, ơ ama, pơkiaŏ nao bĕ Lasar nao pơ sang ama kâo, 28yua kơ kâo hmâo rơma čô adơi ayŏng, kiăng kơ ñu nao pơthâo pơgăn gơñu hwĭ kơ gơñu ăt lĕ amăng anih ruă tơnap tap anai mơ̆n.’ 29Samơ̆ Abraham laĭ: ‘Gơñu hmâo laih Môis hăng ƀing pô laĭ lui hlâo. Brơi gơñu dŏ hmư̆ ƀing anŭn bĕ.’ 30Pô pơdrŏng laĭ glaĭ ‘Ư ưh, ơ ama Abraham, samơ̆ tơdah hmâo mơnuih djai hơdip glaĭ nao pơ gơñu, sĭt gơñu či kơhmal tơlơi soh gơñu.’ 31Abraham laĭ kơ ñu: ‘Tơdah gơñu ƀu gưt hmư̆ ôh Môis hăng ƀing pô laĭ lui hlâo, wơ̆t dah hmâo mơnuih djai hơdip glaĭ dơ̆ng kŏn hmâo tơlơi hơgĕt dưi ngă brơi kơ ƀing gơñu đaŏ lơi.’”
© 2016 United Bible Societies. All rights reserved.