Suku-saakị Suku-saakị Ẹkwẹn
Suku-saakị Ẹkwẹn
Mị tarị ḍiri mẹ ẹrẹ fiearị ye anie SUKU-SAAKỊ. Ḍiri mẹ tomikiri mẹ na, tomi paka ḅara na, si na tọrụsiẹrị na tomikiri mẹ ḅụ suku-saakị ḅara na, Tamụnọ kẹ tomi na mịẹarị ḅara gbolomaye na anie anị ḍuko wa pịrịarị. Suku-saakị Ḍiri mẹ wa inetẹ anị kẹ maa opu apakịrị ḍiya ḅa: (1) Tarị ḅẹrẹ-sịḅị ḅụ ọkị mu oyi gberie finji karama ḅẹrẹ-sịḅị la (1-11) anie tomikiri mẹ tẹmẹ mẹ na, tomḅọ ḍumo ọrụ mẹ ḅẹ sukuyọ-saakị na. Mịanga ini Adamụ na, Ivu na Keni na, Ebẹlị na, Noha na, opu minji mẹ na, pịkị Babịlọnị ḅẹ Gele warị mẹ na gboloma aị ḍukom. (2) Oyi maaịn finji karama ḅẹrẹ-sịḅị ḅụ ọkị mu mesi oyi finji karama ḅẹrẹ-sịḅị la (12-50) Izirẹlị atẹngịapụ ma ḅẹ tarị-pịrịpịrị apụ ma ḅụụ ḅẹ aḅẹrẹ ḍukom. Tarịḅọ anie Ebira-amụ, oriḅe tẹ ọ̀ Tamụnọ ḅụụ ḅụ nyana minini na, ọ̀ kẹ Tamụnọ ḅịḅị poki ḅara na gotẹ kịnị kẹ elekima sụa lama ḅọ ḅe. Anịtẹso ori owiḅọtụḅọ Ayịzịkị na, ọ̀ taa-owiḅọtụḅọ Jekọbụ (ịn pịkị Izirẹlị kẹ sịn ḅọ ḅe) na, Jekọbụ oyi maa owiapụ-awọmẹ finji ma tẹ Izirẹlị ḅẹ oyi maa furo finji ma pakama-ḅo apụ ma ịlụkụ ma na ọ̀ palịm. Anị karakara-ḅara-ḅụ tọrụ kẹ owiapụ-awọmẹ ma ḅẹ gbọrụḅọ anie Josẹfụ na, paka aị ma tẹ Jekọbụ na osi ori owiapụ-amịnapụ ma na, ịna afuro na ọkị-ḅo tẹ ini Ijiputi ḅụ anga aị ma dam.
Mị ḍiri mẹ tomi gboloma ịlụkụ gbaarị sakị ḅụ, anị ḅụ yelatẹịn aị mamgba ḅụ tọrọkọ tarị ye anie Tamụnọ kọrị tẹ aị ma. Anị kẹ Suku-saakị ye anie ḍuko kụrọma mịnẹ Tamụnọ tomikiri mẹ tẹmẹm, tẹ anị nwẹnị karịma ye kẹ kunoma mịnẹ tomḅọ Tamụnọ ḅụụ ḅụ ḅẹrẹ sọ tọrọkọ-tọrọkọ mu ḅa. Bebe ḍiri mẹ ḅio ye ḅụ sọ tẹịn ḅọ anie Tamụnọ, oriḅe mie kura-aye mịẹ apụ kọn, kọn tẹ fomu-ḅara kẹ ịn pịrịarị ḅọ, amịna atomi tọrọkọ tarị tẹ etela kẹ ịn ḍie tẹ ḅarasụa ịn pịrịarị ḅọ, tẹ pịkị ịna ḍumo sime ḅẹ ḅara tọn pakamarị ḅọ. Mị elemu sakị ḅẹ ḍiri mẹ gbọrụ atomi nyana minini ḅẹ ịlụkụ mie ịn kẹ anị kẹẹ koroma ye, kẹ pịkị ḅarasụa tẹ anị minini mẹ ḍumo-sime tọrọkọ mu ḅẹ ḅara.
Ḍiri Mẹ Ḅio Simearị-aị
Tomikiri mẹ na, tomḅọ na tẹmẹ ḅara 1.1—2.25
Si na tọrụsiẹrị na ḅẹ suku-saakị 3.1-24
Adamụ ḅụ ọkị mu Noha la 4.1—5.32
Noha na opu minji mẹ na 6.1—10.32
Babịlọnị ḅẹ kụrọtẹ gele-warị mẹ 11.1-9
Sẹmụ ḅụ ọkị mu Ebiramụ la 11.10-32
Tarị ḅẹ Elemu aḍapụ ma: Ebira-amụ na, Ayịzịkị na, Jekọbụ na 12.1—35.29
Ịsọ furo-ḅẹ-apụ ma 36.1-43
Josẹfụ na ori owiapụ-amịnapụ na 37.1—45.28
Izirẹlịapụ ma Ijiputi ḅụ 46.1—50.26
Currently Selected:
Suku-saakị Suku-saakị Ẹkwẹn: KBTP
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
(C) The Bible Society of Nigeria
Suku-saakị Suku-saakị Ẹkwẹn
Suku-saakị Ẹkwẹn
Mị tarị ḍiri mẹ ẹrẹ fiearị ye anie SUKU-SAAKỊ. Ḍiri mẹ tomikiri mẹ na, tomi paka ḅara na, si na tọrụsiẹrị na tomikiri mẹ ḅụ suku-saakị ḅara na, Tamụnọ kẹ tomi na mịẹarị ḅara gbolomaye na anie anị ḍuko wa pịrịarị. Suku-saakị Ḍiri mẹ wa inetẹ anị kẹ maa opu apakịrị ḍiya ḅa: (1) Tarị ḅẹrẹ-sịḅị ḅụ ọkị mu oyi gberie finji karama ḅẹrẹ-sịḅị la (1-11) anie tomikiri mẹ tẹmẹ mẹ na, tomḅọ ḍumo ọrụ mẹ ḅẹ sukuyọ-saakị na. Mịanga ini Adamụ na, Ivu na Keni na, Ebẹlị na, Noha na, opu minji mẹ na, pịkị Babịlọnị ḅẹ Gele warị mẹ na gboloma aị ḍukom. (2) Oyi maaịn finji karama ḅẹrẹ-sịḅị ḅụ ọkị mu mesi oyi finji karama ḅẹrẹ-sịḅị la (12-50) Izirẹlị atẹngịapụ ma ḅẹ tarị-pịrịpịrị apụ ma ḅụụ ḅẹ aḅẹrẹ ḍukom. Tarịḅọ anie Ebira-amụ, oriḅe tẹ ọ̀ Tamụnọ ḅụụ ḅụ nyana minini na, ọ̀ kẹ Tamụnọ ḅịḅị poki ḅara na gotẹ kịnị kẹ elekima sụa lama ḅọ ḅe. Anịtẹso ori owiḅọtụḅọ Ayịzịkị na, ọ̀ taa-owiḅọtụḅọ Jekọbụ (ịn pịkị Izirẹlị kẹ sịn ḅọ ḅe) na, Jekọbụ oyi maa owiapụ-awọmẹ finji ma tẹ Izirẹlị ḅẹ oyi maa furo finji ma pakama-ḅo apụ ma ịlụkụ ma na ọ̀ palịm. Anị karakara-ḅara-ḅụ tọrụ kẹ owiapụ-awọmẹ ma ḅẹ gbọrụḅọ anie Josẹfụ na, paka aị ma tẹ Jekọbụ na osi ori owiapụ-amịnapụ ma na, ịna afuro na ọkị-ḅo tẹ ini Ijiputi ḅụ anga aị ma dam.
Mị ḍiri mẹ tomi gboloma ịlụkụ gbaarị sakị ḅụ, anị ḅụ yelatẹịn aị mamgba ḅụ tọrọkọ tarị ye anie Tamụnọ kọrị tẹ aị ma. Anị kẹ Suku-saakị ye anie ḍuko kụrọma mịnẹ Tamụnọ tomikiri mẹ tẹmẹm, tẹ anị nwẹnị karịma ye kẹ kunoma mịnẹ tomḅọ Tamụnọ ḅụụ ḅụ ḅẹrẹ sọ tọrọkọ-tọrọkọ mu ḅa. Bebe ḍiri mẹ ḅio ye ḅụ sọ tẹịn ḅọ anie Tamụnọ, oriḅe mie kura-aye mịẹ apụ kọn, kọn tẹ fomu-ḅara kẹ ịn pịrịarị ḅọ, amịna atomi tọrọkọ tarị tẹ etela kẹ ịn ḍie tẹ ḅarasụa ịn pịrịarị ḅọ, tẹ pịkị ịna ḍumo sime ḅẹ ḅara tọn pakamarị ḅọ. Mị elemu sakị ḅẹ ḍiri mẹ gbọrụ atomi nyana minini ḅẹ ịlụkụ mie ịn kẹ anị kẹẹ koroma ye, kẹ pịkị ḅarasụa tẹ anị minini mẹ ḍumo-sime tọrọkọ mu ḅẹ ḅara.
Ḍiri Mẹ Ḅio Simearị-aị
Tomikiri mẹ na, tomḅọ na tẹmẹ ḅara 1.1—2.25
Si na tọrụsiẹrị na ḅẹ suku-saakị 3.1-24
Adamụ ḅụ ọkị mu Noha la 4.1—5.32
Noha na opu minji mẹ na 6.1—10.32
Babịlọnị ḅẹ kụrọtẹ gele-warị mẹ 11.1-9
Sẹmụ ḅụ ọkị mu Ebiramụ la 11.10-32
Tarị ḅẹ Elemu aḍapụ ma: Ebira-amụ na, Ayịzịkị na, Jekọbụ na 12.1—35.29
Ịsọ furo-ḅẹ-apụ ma 36.1-43
Josẹfụ na ori owiapụ-amịnapụ na 37.1—45.28
Izirẹlịapụ ma Ijiputi ḅụ 46.1—50.26
(C) The Bible Society of Nigeria