Mateu 27
27
Aintaurasu Jesus Pilatu ipiri
1Asui kuemaite aintauyupurungita Jesus rese aintauyuká arama ae panye kuaita saserdutita ruixawaita tuyuweita yuiri panye.
2Asui aintaupukuari rire Jesus aintaurasu ae aintauxari arama ixupe kua aintaruixawa sera Pilatu.
Juda uyuyuká simutara
3Asui kua Juda uxariwaa Jesus suanyanaita supe sasiyara ipia umaa irumu aintaurasu aintauyuká arama ae, ape umuyuiri kua trinta dinyeru prata ainta supe kuaita serakuenawaita saserdutita ruixawaita tuyuweita yuiri.
4Umbeu ainta supe:
—Hamunyana puxi haxari resewara penye arama kua tiwa umunya puxi. Asui aintaunyee ixupe:
—Timaa arama yande arama kua remunyawaa puxi, inde aramapawate ae.
5Asui Juda umburi isui kua dinyeru prata templu kiti, asui uyuiri aintasui usu uyupiri arama mirá rese iwate upukuari iayura upe tupasama upuri arama uyatiku.
6Asui aintaupisika kua dinyeru prata kuaita saserdutita ruixawaita kua umburiwaa aintaumbeu:
—Tipuranga yaxari uferta riru upe kua dinyeru nyãse sikuyara ae kua yepe apigawa ruwi.
7Ape aintaupurungita rire aintausu aintaupiripana ikampu kua umunyasara pratu aintaumburi arama ape aintapira kuaita umanuwaita apekatu suiwaraita.
8Ape tuwi kampu aintauseruka kua kampu aintaupiripanawaa ate kuiri.
9Aintaumunya kuaye utitikawaa yawe kuxima kua utitikawaa sera Jeremia yawe umbeu:
—Aintaurasu kuri kua trinta dinyeru prata sikuyara kua aintauxariwaa sese isipiwasusawa kuaita yepeyepe Israel rimiariruita.
10Aintaupiripana ikampu kua umunyasara pratu kuaye seruixawa umunduwaa yawe hambeu.
Pilatu umaa Jesus
11Asui Jesus upuamu aintaruixawa umaa arama, asui kua tuixawa upurandu ae unyee ixupe:
—Maitaa inde kua judewita ruixawa? Jesus usuaxara ae:
—Ixete kua rembeuwaa.
12Asui aintaumbeu irumu puxuwera Jesus rese kuaita saserdutita ruixawaita tuyuweita yuiri nẽ maa nungara usuaxara.
13Asui Pilatu umbeu ixupe:
—Maitaa timaa resendu muiritaa kua aintaumbeuwaa puxi nerese?
14Asui timaa nungara Jesus usuaxara nẽ yepe nyenga, ape kua aintaruixawa turusu iakayemu umaa ixupe.
15Asui akayu yaweyawe Pilatu uyurawa ainta supe yepe prezuwaa festa rame awantu miraita uputari irumu.
16Ape yepe aintaumprezuwaa sera Baraba panye ukunyeseriwaa.
17Asui aintauyumuatiriwaa upe kuaita miraita Pilatu upurandu ainta:
—Mayewataa peputari hayurawa penye arama u Baraba u kua Jesus aintauserukawaa Kristu?
18Yawe umbeu kua Pilatu nyãse ukuawa aintauentregari ixupe kua Jesus aintaumuasi resewara ae.
19Asui uwapika serakuenawaa banku rese ximiriku umundu ixupe kuekatu yawe unyee ixupe:
—Tereajudari aintaumunya puxi ixupe kua purangawaa nyãse uyi pituna sekerupi hapurara turusu sesewara.
20Asui kuaita saserdutita ruixawaita tuyuweita yuiri aintaumukirimbawa miraita aintaupurandu arama uyurawa ainta supe Baraba uxari arama umanu kua Jesus.
21Asui upurandu mukuĩsawa ainta kua aintaruixawa:
—Awataa peputari hayurawa aintasuiwara kuaita mukuĩwaita? Aintaumbeu ixupe:
—Baraba!
22Pilatu umbeu ainta supe:
—Maitaa hamunya ixupe kua Jesus aintauserukawaa Kristu? Asui aintausuaxara muiri ainta:
—Rexari aintaunupa uyari kurusa rese.
23Asui upurandu ainta kua aintaruixawa:
—Maataa umunya puxuwera? Asui kirimbawa aintausasemu aintaunyee:
—Rexari aintaunupa uyari kurusa rese.
24Asui Pilatu umaa tiupuderi utrukari aintaumanduariwaa apete aintauyupiru aintaumaramunya ainta, ape upisika ii basia upe umuyasuka arama ipu aintaumaa arama kuaita siyawaita umbeu ainta supe:
—Timaa hariku kulpa aintaumburi arama suwi maa penyete perikute kulpa.
25Asui aintausuaxara ae panye kuaita miraita aintaumbeu:
—Suwi uwari yanerese yanerairaita rese yuiri.
26Asui Pilatu uyurawa ainta supe kua Baraba. Asui usurari rire Jesus uxari ainta supe ae aintaunupa arama uyari kurusa rese.
Aintauxari suraraita supe ae
27Asui aintaurasu Jesus aintauyumuatiriwerawaa upe sera preturiu kuaita aintaruixawa suraraita, asui aintauyumuatiri panye suraraita aintaumaa arama Jesus.
28Asui aintauyuka isui kua irupa aintauxari arama sese ipupekawa pirangawaa.
29Asui aintauyupe yuu suiwara aintaumunya ruda aintaumundeu arama uyari iakanga rese ikurua arama, asui aintauxari pindaiwa ipu upe, asui aintauyurinipia ixupe aintaukasuari ae, asui aintaumukuema ae aintaunyee ixupe:
—Purangawaa inde judewita ruixawa.
30Asui aintautumuna sese asui aintaupisika kua pindaiwa aintaunupa arama iakanga rese.
31Asui aintaukasuari rire ae aintauyuka isui ipupekawa aintauxari arama sese irupaita, asui aintaurasu ae aintaupregari arama uyari kurusa rese.
Simão urasu Jesus kurusa
32Asui aintausuwaa upe aintauiku aintauwasemu yepe apigawa Sireni suiwara sera Simão, asui aintaumundu usupiri Jesus kurusa.
Aintaupregari Jesus uyari kurusa rese
33Asui aintausika amu kiti sera Golguta, yawesawa sera mira akanga kãwera rendawa.
34Aintauputari aintaumee uu mirá iya yukise saiwaa irawawaa irumu ape usaã ae asui tiuu ae.
35Asui aintaunupa rire uyari kurusa rese aintaupisika aintayaweyawe imaa kua aintaumburiwaa surti sese.
36Asui aintauwapika ape aintausaru ae.
37Asui iakanga arupi aintauxari yepe nyenga aintaumbeuwaa arama ipupe sesewara yawe aintaumpinima sese:
—Aete Jesus judewita ruixawa.
38Aintaumuyari mukuĩ mundawasuita kurusa rese suaki, yepe ikatusawa sui yepe ikanyuntu sui
39Asui kuaita usasawawaita ape aintaumbeu puxi sese aintaumukataka aintaakanga ixupe.
40Aintaumbeu:
—Inde reputariwaa remburi templu resupiri arama ae musapiri ara upe, kuiri reyumukaturu indepawate, Deus raira rame inde rewiye kurusa sui.
41Yawete yuiri aintaukasuari ae kuaita saserdutita ruixawaita umpinimawaita yuiri tuyuweita yuiri.
42Yawe aintaunyee:
—Umukaturuana amuita maa tiupuderi uyumukaturu simutara, aete Israelitaita ruixawa urikute uwiye kurusa sui yaxari arama yanepia sese.
43Uxariana ipia Deus rese ape kuri Deus urikute umuye ae kuiri ugustari rame ae, nyãse yawe unyee:
—Deus raira ixe.
44Yawete yuiri aintaukasuari ae kuaita mundawasuita aintaumuyariwaita kurusa rese suaki.
Jesus umanu
45Asui pitunawasuana kurasi yandara rame panye kua mundu upe ate musapiri ura rame.
46Asui musapiri ura rame Jesus usenui kirimbawa unyee:
—Eli, eli, lema, sabakitani, yawesawa umbeu, seDeus, seDeus, marantaa rexari ixe?
47Asui aintausendu irumu unyeewaa kuaita yepeyepe upuamuwaita suaki aintauyupurungita ainta supe, usenui uiku Elia.
48Asui yepe aintasuiwara uyana kutara umuyapumi espunja vinagri upe uxari arama pindaiwa rakapi rupi usupiri arama uxari arama Jesus uu arama.
49Asui aintaunyee kuaita amuita:
—Rexarire, yamaa sã Elia uri umukaturu ae.
50Asui kirimbawa Jesus usenui yuiri ape uxari ianga usemu ipira sui.
51Asui kua panu aintauxariwaa usikindawa templu rukena usuruka simutara iwate sui ate supita kiti, asui uriri panye kua iwi asui upupuka kuaita itaita.
52Asui uyupirari kuaita iwi kuaraita aintausemu kuaita purangawaita ambira pira kuaita ukiriwaita.
53Asui aintausemu iwi kuara sui usemu rire kua Jesus asui aintauwike aintaretama Jeruzalẽ kiti aintauyumuyukuawa siya.
54Asui kua suraraita kapitão kuaita yuiri irumuwaita usaruwaita Jesus aintaumaa irumu uriri kua iwi panye yuiri kua usasawawaa aintaakayemu turusu ape aintaunyee:
—Supiwa Deus raira ae.
55Apete siya kunyaita upuamuwaita aintaumaa Jesus apekatu sui kuaita uriwaita Jesus rakakuera Galileya sui aintawajudari arama ae.
56Yepe aintasuiwara kua Maria Madalena, amu yuiri Maria aintamaya kuaita Tiagu Juze yuiri, amu yuiri Zebedeu rimiriku.
Juze uyutima Jesus ipira
57Asui karuka rame uri yepe rikuwaa Arimateia suiwara sera Juze, Jesus umbuewate ae.
58Usu Pilatu ipiri upurandu arama Jesus ipira asui Pilatu umundu aintauxari ixupe ae.
59Asui Juze umuye rire ipira upupeka ae fazenda murutingawaa irumu.
60Asui umburi ae ita kuara upe uxariwaa aintaupikuĩ pisasuwaa, asui usikindawaita turusuwaa irumu, asui uyuiri.
61Asui Maria Madalena uwapika umaa ita kuara ruaki sumuara kua amu Maria.
Suraraita usaru ita kuara
62Asui nyã ara rakakuera aintaumukaturu festa rupiara aintausu Pilatu ipiri kuaita saserdutita ruixawaita farizewita yuiri.
63Aintaumbeu ixupe:
—Yaneruixawa, yakuawa upaka ramere kua ugananiwaa, yawe umbeu ainta supe:
—Hayuiri kuri hapaka musapiri ara rire.
64Ape kuri rexari aintausikindawa santa kuaita kuara rukena ate usasawa musapiri ara yawaite aintauri kuaita umbuewaita aintaumunda arama ipira, yawaite aintaumbeu miraita supe, uyuiri upakaita ikuara sui, yawaite maa uganani kirimbawa piri miraita maye uyupiruwaa yawe kuera uganani.
65Pilatu umbeu ainta supe:
—Perikute pesuraraita, kuiri pesu pesikindawa santa kua ita kuara rukena kuaye peputariwaa yawe.
66Ape aintausu aintausikindawa kua ita kuara rukena asui aintauxari aintasuraraita usaru ita kuara rukena ruaki.
Currently Selected:
Mateu 27: BBp
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
Mateu 27
27
Aintaurasu Jesus Pilatu ipiri
1Asui kuemaite aintauyupurungita Jesus rese aintauyuká arama ae panye kuaita saserdutita ruixawaita tuyuweita yuiri panye.
2Asui aintaupukuari rire Jesus aintaurasu ae aintauxari arama ixupe kua aintaruixawa sera Pilatu.
Juda uyuyuká simutara
3Asui kua Juda uxariwaa Jesus suanyanaita supe sasiyara ipia umaa irumu aintaurasu aintauyuká arama ae, ape umuyuiri kua trinta dinyeru prata ainta supe kuaita serakuenawaita saserdutita ruixawaita tuyuweita yuiri.
4Umbeu ainta supe:
—Hamunyana puxi haxari resewara penye arama kua tiwa umunya puxi. Asui aintaunyee ixupe:
—Timaa arama yande arama kua remunyawaa puxi, inde aramapawate ae.
5Asui Juda umburi isui kua dinyeru prata templu kiti, asui uyuiri aintasui usu uyupiri arama mirá rese iwate upukuari iayura upe tupasama upuri arama uyatiku.
6Asui aintaupisika kua dinyeru prata kuaita saserdutita ruixawaita kua umburiwaa aintaumbeu:
—Tipuranga yaxari uferta riru upe kua dinyeru nyãse sikuyara ae kua yepe apigawa ruwi.
7Ape aintaupurungita rire aintausu aintaupiripana ikampu kua umunyasara pratu aintaumburi arama ape aintapira kuaita umanuwaita apekatu suiwaraita.
8Ape tuwi kampu aintauseruka kua kampu aintaupiripanawaa ate kuiri.
9Aintaumunya kuaye utitikawaa yawe kuxima kua utitikawaa sera Jeremia yawe umbeu:
—Aintaurasu kuri kua trinta dinyeru prata sikuyara kua aintauxariwaa sese isipiwasusawa kuaita yepeyepe Israel rimiariruita.
10Aintaupiripana ikampu kua umunyasara pratu kuaye seruixawa umunduwaa yawe hambeu.
Pilatu umaa Jesus
11Asui Jesus upuamu aintaruixawa umaa arama, asui kua tuixawa upurandu ae unyee ixupe:
—Maitaa inde kua judewita ruixawa? Jesus usuaxara ae:
—Ixete kua rembeuwaa.
12Asui aintaumbeu irumu puxuwera Jesus rese kuaita saserdutita ruixawaita tuyuweita yuiri nẽ maa nungara usuaxara.
13Asui Pilatu umbeu ixupe:
—Maitaa timaa resendu muiritaa kua aintaumbeuwaa puxi nerese?
14Asui timaa nungara Jesus usuaxara nẽ yepe nyenga, ape kua aintaruixawa turusu iakayemu umaa ixupe.
15Asui akayu yaweyawe Pilatu uyurawa ainta supe yepe prezuwaa festa rame awantu miraita uputari irumu.
16Ape yepe aintaumprezuwaa sera Baraba panye ukunyeseriwaa.
17Asui aintauyumuatiriwaa upe kuaita miraita Pilatu upurandu ainta:
—Mayewataa peputari hayurawa penye arama u Baraba u kua Jesus aintauserukawaa Kristu?
18Yawe umbeu kua Pilatu nyãse ukuawa aintauentregari ixupe kua Jesus aintaumuasi resewara ae.
19Asui uwapika serakuenawaa banku rese ximiriku umundu ixupe kuekatu yawe unyee ixupe:
—Tereajudari aintaumunya puxi ixupe kua purangawaa nyãse uyi pituna sekerupi hapurara turusu sesewara.
20Asui kuaita saserdutita ruixawaita tuyuweita yuiri aintaumukirimbawa miraita aintaupurandu arama uyurawa ainta supe Baraba uxari arama umanu kua Jesus.
21Asui upurandu mukuĩsawa ainta kua aintaruixawa:
—Awataa peputari hayurawa aintasuiwara kuaita mukuĩwaita? Aintaumbeu ixupe:
—Baraba!
22Pilatu umbeu ainta supe:
—Maitaa hamunya ixupe kua Jesus aintauserukawaa Kristu? Asui aintausuaxara muiri ainta:
—Rexari aintaunupa uyari kurusa rese.
23Asui upurandu ainta kua aintaruixawa:
—Maataa umunya puxuwera? Asui kirimbawa aintausasemu aintaunyee:
—Rexari aintaunupa uyari kurusa rese.
24Asui Pilatu umaa tiupuderi utrukari aintaumanduariwaa apete aintauyupiru aintaumaramunya ainta, ape upisika ii basia upe umuyasuka arama ipu aintaumaa arama kuaita siyawaita umbeu ainta supe:
—Timaa hariku kulpa aintaumburi arama suwi maa penyete perikute kulpa.
25Asui aintausuaxara ae panye kuaita miraita aintaumbeu:
—Suwi uwari yanerese yanerairaita rese yuiri.
26Asui Pilatu uyurawa ainta supe kua Baraba. Asui usurari rire Jesus uxari ainta supe ae aintaunupa arama uyari kurusa rese.
Aintauxari suraraita supe ae
27Asui aintaurasu Jesus aintauyumuatiriwerawaa upe sera preturiu kuaita aintaruixawa suraraita, asui aintauyumuatiri panye suraraita aintaumaa arama Jesus.
28Asui aintauyuka isui kua irupa aintauxari arama sese ipupekawa pirangawaa.
29Asui aintauyupe yuu suiwara aintaumunya ruda aintaumundeu arama uyari iakanga rese ikurua arama, asui aintauxari pindaiwa ipu upe, asui aintauyurinipia ixupe aintaukasuari ae, asui aintaumukuema ae aintaunyee ixupe:
—Purangawaa inde judewita ruixawa.
30Asui aintautumuna sese asui aintaupisika kua pindaiwa aintaunupa arama iakanga rese.
31Asui aintaukasuari rire ae aintauyuka isui ipupekawa aintauxari arama sese irupaita, asui aintaurasu ae aintaupregari arama uyari kurusa rese.
Simão urasu Jesus kurusa
32Asui aintausuwaa upe aintauiku aintauwasemu yepe apigawa Sireni suiwara sera Simão, asui aintaumundu usupiri Jesus kurusa.
Aintaupregari Jesus uyari kurusa rese
33Asui aintausika amu kiti sera Golguta, yawesawa sera mira akanga kãwera rendawa.
34Aintauputari aintaumee uu mirá iya yukise saiwaa irawawaa irumu ape usaã ae asui tiuu ae.
35Asui aintaunupa rire uyari kurusa rese aintaupisika aintayaweyawe imaa kua aintaumburiwaa surti sese.
36Asui aintauwapika ape aintausaru ae.
37Asui iakanga arupi aintauxari yepe nyenga aintaumbeuwaa arama ipupe sesewara yawe aintaumpinima sese:
—Aete Jesus judewita ruixawa.
38Aintaumuyari mukuĩ mundawasuita kurusa rese suaki, yepe ikatusawa sui yepe ikanyuntu sui
39Asui kuaita usasawawaita ape aintaumbeu puxi sese aintaumukataka aintaakanga ixupe.
40Aintaumbeu:
—Inde reputariwaa remburi templu resupiri arama ae musapiri ara upe, kuiri reyumukaturu indepawate, Deus raira rame inde rewiye kurusa sui.
41Yawete yuiri aintaukasuari ae kuaita saserdutita ruixawaita umpinimawaita yuiri tuyuweita yuiri.
42Yawe aintaunyee:
—Umukaturuana amuita maa tiupuderi uyumukaturu simutara, aete Israelitaita ruixawa urikute uwiye kurusa sui yaxari arama yanepia sese.
43Uxariana ipia Deus rese ape kuri Deus urikute umuye ae kuiri ugustari rame ae, nyãse yawe unyee:
—Deus raira ixe.
44Yawete yuiri aintaukasuari ae kuaita mundawasuita aintaumuyariwaita kurusa rese suaki.
Jesus umanu
45Asui pitunawasuana kurasi yandara rame panye kua mundu upe ate musapiri ura rame.
46Asui musapiri ura rame Jesus usenui kirimbawa unyee:
—Eli, eli, lema, sabakitani, yawesawa umbeu, seDeus, seDeus, marantaa rexari ixe?
47Asui aintausendu irumu unyeewaa kuaita yepeyepe upuamuwaita suaki aintauyupurungita ainta supe, usenui uiku Elia.
48Asui yepe aintasuiwara uyana kutara umuyapumi espunja vinagri upe uxari arama pindaiwa rakapi rupi usupiri arama uxari arama Jesus uu arama.
49Asui aintaunyee kuaita amuita:
—Rexarire, yamaa sã Elia uri umukaturu ae.
50Asui kirimbawa Jesus usenui yuiri ape uxari ianga usemu ipira sui.
51Asui kua panu aintauxariwaa usikindawa templu rukena usuruka simutara iwate sui ate supita kiti, asui uriri panye kua iwi asui upupuka kuaita itaita.
52Asui uyupirari kuaita iwi kuaraita aintausemu kuaita purangawaita ambira pira kuaita ukiriwaita.
53Asui aintausemu iwi kuara sui usemu rire kua Jesus asui aintauwike aintaretama Jeruzalẽ kiti aintauyumuyukuawa siya.
54Asui kua suraraita kapitão kuaita yuiri irumuwaita usaruwaita Jesus aintaumaa irumu uriri kua iwi panye yuiri kua usasawawaa aintaakayemu turusu ape aintaunyee:
—Supiwa Deus raira ae.
55Apete siya kunyaita upuamuwaita aintaumaa Jesus apekatu sui kuaita uriwaita Jesus rakakuera Galileya sui aintawajudari arama ae.
56Yepe aintasuiwara kua Maria Madalena, amu yuiri Maria aintamaya kuaita Tiagu Juze yuiri, amu yuiri Zebedeu rimiriku.
Juze uyutima Jesus ipira
57Asui karuka rame uri yepe rikuwaa Arimateia suiwara sera Juze, Jesus umbuewate ae.
58Usu Pilatu ipiri upurandu arama Jesus ipira asui Pilatu umundu aintauxari ixupe ae.
59Asui Juze umuye rire ipira upupeka ae fazenda murutingawaa irumu.
60Asui umburi ae ita kuara upe uxariwaa aintaupikuĩ pisasuwaa, asui usikindawaita turusuwaa irumu, asui uyuiri.
61Asui Maria Madalena uwapika umaa ita kuara ruaki sumuara kua amu Maria.
Suraraita usaru ita kuara
62Asui nyã ara rakakuera aintaumukaturu festa rupiara aintausu Pilatu ipiri kuaita saserdutita ruixawaita farizewita yuiri.
63Aintaumbeu ixupe:
—Yaneruixawa, yakuawa upaka ramere kua ugananiwaa, yawe umbeu ainta supe:
—Hayuiri kuri hapaka musapiri ara rire.
64Ape kuri rexari aintausikindawa santa kuaita kuara rukena ate usasawa musapiri ara yawaite aintauri kuaita umbuewaita aintaumunda arama ipira, yawaite aintaumbeu miraita supe, uyuiri upakaita ikuara sui, yawaite maa uganani kirimbawa piri miraita maye uyupiruwaa yawe kuera uganani.
65Pilatu umbeu ainta supe:
—Perikute pesuraraita, kuiri pesu pesikindawa santa kua ita kuara rukena kuaye peputariwaa yawe.
66Ape aintausu aintausikindawa kua ita kuara rukena asui aintauxari aintasuraraita usaru ita kuara rukena ruaki.
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO