MATAYO 4
4
Kugheshwa kwakwe Yesu
(Mrk. 1:12-13; Luk. 4:1-13)
1Niho ana Yesu akatikwa noko nyika ni Mpeho iti aregheshwa ni Shetani. 2Akakuima chala misi makumi mane, hemsi na kio, nyuma akasikia nza. 3Mreghesha akamzia, akamti, “Kakicha niwe Mwana wa Mrungu, iti aa mabwe aoke mikate.” 4Naye akamgharusha, akati, “Cheandikwe kuti, ‘Mntu tevikwa ni kijo du, esire kwa kila kiteto chefuma he momo wa Mrungu.’” 5Nyuma Shetani akamtika he muzi wezerire, akamvika wanga he msodi wa nyumba ya mtaso, 6akamti, “Kakicha niwe Mwana wa Mrungu, kugushe na aho si, ambu cheandikwe iti,
‘Enekutumia vamalaika vakwe,
Vakurindije he mikono yavo,
Usireturuma kughu kwako he ibwe.’” 7Yesu akamti, “Chereandikwa-wa kuti, ‘Usimgheshe Mfumwa Mrungu wako.’” 8Shetani akamtika kangi he ntuvi ndeza mno, akamvonyesha vufumwa vwose vwa si ii na vwedi vwayo, 9akamti, “Ninekunka ivi vyose, wekigwa si na kunidunkutia.” 10Niho Yesu akamti, “Vuka aha Shetani! ambu cheandikwe kuti, ‘Mdunkutie Mfumwa Mrungu wako, umtase ye du.’” 11Niho Shetani akamshigha; vamalaika vakaza vakamtumikia.
Yesu etua Kapernaumu ya Galilaya
12Yesu ekinasikie iti Yohane achungwa, akatonga noko Galilaya. 13Akavuka uko Nazareti, akaretua Kapernaumu, muzi weho mbaimbai ya bahari, he mhaka wa isanga lakwe Zabuloni ne Naftali; 14nesa kila chetetiwe ni mroti Yesaya kikoloke, sa vuntu etie,
15Isanga lakwe Zabuloni na lakwe Naftali,
Nzia ya he bahari, sela ya Yordani,
Galilaya ya vaisanga,
16Vantu vala vekiikaa he kija,
Vavona kianga kibaha;
Na vala vekiikaa he isanga la mvuri wa fwire
Kianga chavafumia.
Yesu evoka kuhirikira
(Mrk. 1:14-15; Luk. 4:14-15)
17Kuvokia ilo igheri Yesu akavoka kubirikira, ekiti, “Chweni mti, ambu vufumwa vwwa uko wanga vwazengelela!”
Yesu eitanga varateri va kuvoka
(Mrk. 1:16-20; Luk. 5:1-11)
18Ingeri ekivecha mbaimbai ya bahari ya Galilaya, akavona vantu veri, mntu na mjinawe, ni Simoni eitangwa Petro, ne Andrea mjinawe, vekigera nyavu javo he bahari, ambu ne vareloa. 19Akavati, “Niraterani, nami ninemughosha vareloa vantu.” 20Hala indi vakashigha nyavu javo, vakamratera. 21Ekivecha mozya akavona vangi veri, mntu na mjinawe, ni Yakobo mwana Zebedayo, ne Yohane mjinawe, veho he ngilawa hantu hamwe na vavee eye Zebedayo, vekihareha nyavu javo; akavaitanga. 22Hala indi vakashigha ngilawa na vavee, vakamratera.
Yesu ejunguluka ekironga ndima uko Galilaya
(Luk. 6:17-19)
23Naye ekijunguluka uko Galilaya hose, ekicheja he masinagogi avo, na kubirikira Mburi Yedi ya vufumwa, na kubanja kila vuwaji na vushokeri vwose vweho he vantu. 24Nguma yakwe ikagisha he isanga lose la Sirya; vakamwetie vawaji vose, vegurirwe ni mpepo na vegwa kisa na veholoje, naye akavabanja. 25Mavungano majinki akamratera, vefuma Galilaya na Dekapoli na Yerusalemu, Yudea na sela ila ya Yordani.
Currently Selected:
MATAYO 4: CHSUNT67
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Chasu New Testament © Bible Society of Tanzania, 1967.
MATAYO 4
4
Kugheshwa kwakwe Yesu
(Mrk. 1:12-13; Luk. 4:1-13)
1Niho ana Yesu akatikwa noko nyika ni Mpeho iti aregheshwa ni Shetani. 2Akakuima chala misi makumi mane, hemsi na kio, nyuma akasikia nza. 3Mreghesha akamzia, akamti, “Kakicha niwe Mwana wa Mrungu, iti aa mabwe aoke mikate.” 4Naye akamgharusha, akati, “Cheandikwe kuti, ‘Mntu tevikwa ni kijo du, esire kwa kila kiteto chefuma he momo wa Mrungu.’” 5Nyuma Shetani akamtika he muzi wezerire, akamvika wanga he msodi wa nyumba ya mtaso, 6akamti, “Kakicha niwe Mwana wa Mrungu, kugushe na aho si, ambu cheandikwe iti,
‘Enekutumia vamalaika vakwe,
Vakurindije he mikono yavo,
Usireturuma kughu kwako he ibwe.’” 7Yesu akamti, “Chereandikwa-wa kuti, ‘Usimgheshe Mfumwa Mrungu wako.’” 8Shetani akamtika kangi he ntuvi ndeza mno, akamvonyesha vufumwa vwose vwa si ii na vwedi vwayo, 9akamti, “Ninekunka ivi vyose, wekigwa si na kunidunkutia.” 10Niho Yesu akamti, “Vuka aha Shetani! ambu cheandikwe kuti, ‘Mdunkutie Mfumwa Mrungu wako, umtase ye du.’” 11Niho Shetani akamshigha; vamalaika vakaza vakamtumikia.
Yesu etua Kapernaumu ya Galilaya
12Yesu ekinasikie iti Yohane achungwa, akatonga noko Galilaya. 13Akavuka uko Nazareti, akaretua Kapernaumu, muzi weho mbaimbai ya bahari, he mhaka wa isanga lakwe Zabuloni ne Naftali; 14nesa kila chetetiwe ni mroti Yesaya kikoloke, sa vuntu etie,
15Isanga lakwe Zabuloni na lakwe Naftali,
Nzia ya he bahari, sela ya Yordani,
Galilaya ya vaisanga,
16Vantu vala vekiikaa he kija,
Vavona kianga kibaha;
Na vala vekiikaa he isanga la mvuri wa fwire
Kianga chavafumia.
Yesu evoka kuhirikira
(Mrk. 1:14-15; Luk. 4:14-15)
17Kuvokia ilo igheri Yesu akavoka kubirikira, ekiti, “Chweni mti, ambu vufumwa vwwa uko wanga vwazengelela!”
Yesu eitanga varateri va kuvoka
(Mrk. 1:16-20; Luk. 5:1-11)
18Ingeri ekivecha mbaimbai ya bahari ya Galilaya, akavona vantu veri, mntu na mjinawe, ni Simoni eitangwa Petro, ne Andrea mjinawe, vekigera nyavu javo he bahari, ambu ne vareloa. 19Akavati, “Niraterani, nami ninemughosha vareloa vantu.” 20Hala indi vakashigha nyavu javo, vakamratera. 21Ekivecha mozya akavona vangi veri, mntu na mjinawe, ni Yakobo mwana Zebedayo, ne Yohane mjinawe, veho he ngilawa hantu hamwe na vavee eye Zebedayo, vekihareha nyavu javo; akavaitanga. 22Hala indi vakashigha ngilawa na vavee, vakamratera.
Yesu ejunguluka ekironga ndima uko Galilaya
(Luk. 6:17-19)
23Naye ekijunguluka uko Galilaya hose, ekicheja he masinagogi avo, na kubirikira Mburi Yedi ya vufumwa, na kubanja kila vuwaji na vushokeri vwose vweho he vantu. 24Nguma yakwe ikagisha he isanga lose la Sirya; vakamwetie vawaji vose, vegurirwe ni mpepo na vegwa kisa na veholoje, naye akavabanja. 25Mavungano majinki akamratera, vefuma Galilaya na Dekapoli na Yerusalemu, Yudea na sela ila ya Yordani.
Chasu New Testament © Bible Society of Tanzania, 1967.