መጽሐፈ መዝሙር 121

121

እግዚአብሔር ጠባቂአችን መሆኑ

1እኔ ወደ ተራራዎች እመለከታለሁ፤

ታዲያ፥ ርዳታ የማገኘው ከወዴት ነው?

2ርዳታዬ የሚመጣው ሰማይንና ምድርን ከፈጠረ

ከእግዚአብሔር ነው።

3ጠባቂህ ዘወትር ንቁ ስለ ሆነ

እንድትሰናከል አያደርግህም።

4የእስራኤል ጠባቂ ከቶ አያንቀላፋም፤

ፈጽሞም አይተኛም።

5እግዚአብሔር ጠባቂህ ነው፤

በቀኝህም ሆኖ ያጠላልሃል።

6ፀሐይ በቀን፥ ጨረቃም በሌሊት

ጒዳት አያደርሱብህም።

7እግዚአብሔር ከክፉ ነገር ሁሉ ይጠብቅሃል፤

ሕይወትህንም በሰላም ይጠብቃል።

8ከቤትህ ወጥተህ ስትሄድና

ወደ ቤትህም ስትመለስ

ዛሬም ለዘለዓለሙ ይጠብቅሃል።

Currently Selected:

መጽሐፈ መዝሙር 121: አማ05

ማድመቅ

ያጋሩ

ኮፒ

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች