መጽሐፈ መዝሙር 128
128
ለእግዚአብሔር በመታዘዝ የሚገኝ በረከት
1እግዚአብሔርን የሚፈሩና ትእዛዞቹን
በመጠበቅ የሚኖሩ ደስ ይበላቸው።
2ሠርተህ የምታፈራውን ትመገባለህ፤
ደስታና ሀብትም ታገኛለህ።
3ሚስትህ በቤትህ እንደ ፍሬያማ የወይን ተክል ትሆናለች፤
ልጆችህም በማእድህ ዙሪያ እንደ ወይራ ለምለም ቅርንጫፎች ይሆናሉ።
4እግዚአብሔርን የሚፈራ
እንደዚህ የተባረከ ይሆናል።
5እግዚአብሔር ከጽዮን ይባርክህ!
የኢየሩሳሌምን ብልጽግና በሕይወትህ ዘመን ሁሉ
እንድታይ ያድርግህ!
6የልጆችህን ልጆች ለማየት
እንድትበቃ ያድርግህ!
ሰላም ከእስራኤል ጋር ይሁን!
Currently Selected:
መጽሐፈ መዝሙር 128: አማ05
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© The Bible Society of Ethiopia, 2005
© የኢትዮጵያ መጽሐፍ ቅዱስ ማኅበር፥ 1997