መጽሐፈ መዝሙር 29

የዳዊት መዝሙር

የእግዚአብሔር የድምፁ ኀይል

1እናንተ የሰማይ መላእክት ሁሉ፥

ክብርና ኀይል የእግዚአብሔር ነው በሉ።

2ክብር ለእግዚአብሔር መሆኑን ግለጡ፤

በቅድስናና በግርማ ሞገስ ለተመላ አምላክ ስገዱ። #መዝ. 96፥7-9።

3የእግዚአብሔር ድምፅ በውቅያኖሶች ላይ ያስተጋባል፤

የክብር አምላክ እግዚአብሔር

ከሚናወጠው ማዕበል በላይ ያንጐደጒዳል።

4የእግዚአብሔር ድምፅ ኀያል ነው፤

ድምፁም ባለ ግርማ ነው።

5የእግዚአብሔር ድምፅ የሊባኖስን ዛፍ ይሰብራል፤

እግዚአብሔር የሊባኖስን ዛፍ ይሰብራል።

6የሊባኖስን ተራራዎች እንደ እንቦሳ

እንዲፈነጩ ያደርጋቸዋል፤

የስርዮንንም ተራራ

እንደ ጐሽ ጥጃ እንዲዘል ያደርገዋል።

7የእግዚአብሔር ድምፅ

መብረቅን ብልጭ ያደርጋል።

8የእግዚአብሔር ድምፅ በረሓን ያናውጣል፤

የቃዴስንም በረሓ ያንቀጠቅጣል፤

9የእግዚአብሔር ድምፅ አጋዘንን እንድትወልድ ያደርጋል

የዛፎችን ቅጠል ያረግፋል፤

በመቅደሱም ያሉ ድምፁን ሲሰሙ

“ክብር ለእግዚአብሔር ይሁን!” ይላሉ።

10እግዚአብሔር የጥልቁ ባሕር ገዢ ነው፤

በንጉሥነቱም ለዘለዓለም ይገዛል።

11እግዚአብሔር ለሕዝቡ ኀይልን ይሰጣል፤

በሰላም ይባርካቸዋል።

Currently Selected:

መጽሐፈ መዝሙር 29: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች