መጽሐፈ መዝሙር 52

የእግዚአብሔር ፍርድና የእግዚአብሔር ጸጋ

1አንተ ብርቱ ሰው፥

በእግዚአብሔር ወገኖች ላይ ክፉ ነገር በማድረግ

የእግዚአብሔር ፍቅር ዘለዓለማዊ መሆኑን እያወቅህስ

ስለምን ዘወትር ትመካለህ? #1ሳሙ. 22፥9-10።

2አንተ ተንኰለኛ

ጥፋትህን ታሤራለህ፤

አንደበትህ እንደ ተሳለ ምላጭ ነው።

3ከደግነት ይልቅ ክፋትን፥

ከእውነት ይልቅ ሐሰትን ትመርጣለህ።

4አንተ አታላይ ሰው

ሰዎችን የሚጐዳ ቃል መናገር ትወዳለህ!

5ስለዚህ እግዚአብሔር ለዘለዓለሙ ያጠፋሃል፤

ከቤትህ አስወጥቶ ያባርርሃል።

ከሕያዋንም ምድር ያስወግድሃል።

6የእግዚአብሔር ሰዎችም ይህን አይተው ይፈራሉ፤

እንዲህ እያሉ ይሳለቃሉ፤

7ሌሎችን በማጥፋት ብርቱ የሆነ፥

በታላቅ ሀብቱ የተመካና፥

ብርታቱን በእግዚአብሔር ላይ

ያላደረገ ሰው ይኸውላችሁ።

8እኔ ግን በእግዚአብሔር ቤት

እንደ ለምለም የወይራ ዛፍ ነኝ፤

በማያቋርጥ ፍቅሩም፥

ከዘለዓለም እስከ ዘለዓለም እታመናለሁ።

9አምላክ ሆይ!

ስላደረግኸው መልካም ነገር ሁሉ ለዘለዓለም አመሰግንሃለሁ፤

በአማኞች ፊት ቆሜ ስለ አንተ ቸርነት እናገራለሁ።

Currently Selected:

መጽሐፈ መዝሙር 52: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ አማርኛ አዲሱ መደበኛ ትርጉም ተጨማሪ ይወቁ