መጽሐፈ መዝሙር 57

የእግዚአብሔርን ርዳታ ለማግኘት የቀረበ ጸሎት

1አምላክ ሆይ!

ራራልኝ፤ ማረኝ፤

ለደኅንነቴ አንተ ዘንድ እሸሸጋለሁ፤

አደጋው እስኪያልፍ ድረስ

በጥበቃህ ሥር እከለላለሁ።

2የሚያስፈልገኝን ሁሉ ወደሚሰጠኝ

ወደ ልዑል እግዚአብሔር እጣራለሁ።

3እግዚአብሔር ከሰማይ ልኮ ያድነኛል፤

የሚያስጨንቁኝንም ያዋርዳቸዋል፤

እግዚአብሔር ዘለዓለማዊ ፍቅሩንና

ታማኝነቱን ይገልጣል።

4ጥርሶቻቸው እንደ ጦሮችና ቀስቶች፥

ምላሶቻቸው እንደ ተሳሉ ሰይፎች በሆኑ፥

ሰውን በሚበሉ አንበሶች መካከል ተደፍቼ ተኝቼአለሁ።

5አምላክ ሆይ!

ከሰማያት ሁሉ በላይ ከፍ ከፍ በል፤

ክብርህም በምድር ሁሉ ላይ ይሁን።

6ጠላቶቼ እኔን ለመያዝ ወጥመድ ዘርግተውብኛል፤

ሁለንተናዬን የሚያጐብጥ ተስፋ መቊረጥ ደረሰብኝ፤

በመንገዴ ጒድጓድ ቈፈሩ፤

ነገር ግን እነርሱ ራሳቸው ወደቁበት።

7ልቤ ጽኑ ነው፤ አምላክ ሆይ! ልቤ ጽኑ ነው፤

በመልካም ቃና እዘምርልሃለሁ!

8ነፍሴ ሆይ! ተነሺ፤

በገናዬና መሰንቆዬም ተነሡ!

እኔም በማለዳ እነሣለሁ።

9እግዚአብሔር ሆይ! በመንግሥታት መካከል አመሰግንሃለሁ፤

በአሕዛብም መካከል የምስጋና መዝሙር አቀርብልሃለሁ።

10ዘለዓለማዊ ፍቅርህ ከሰማያት በላይ ነው፤

ታማኝነትህም ወደ ጠፈር ይደርሳል።

11አምላክ ሆይ! ከሰማያት ሁሉ በላይ ከፍ ከፍ በል፤

ክብርህም ከምድር ሁሉ በላይ ይሁን። #1ሳሙ. 22፥1፤ 24፥3።

Currently Selected:

መጽሐፈ መዝሙር 57: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ አማርኛ አዲሱ መደበኛ ትርጉም ተጨማሪ ይወቁ