መዝሙረ ዳዊት 77

1ለመዘምራን አለቃ፥ ስለ ኤዶታም፥ የአሳፍ መዝሙር።

2በቃሌ ወደ እግዚአብሔር ጮኽሁ፥

ቃሌም ወደ እግዚአብሔር ነው፥ እርሱም አደመጠኝ።

3 # መዝ. 50፥15፤ 88፥2። በመከራዬ ቀን ጌታን ፈለግሁት፥

እጆቼ በሌሊት በፊቱ ናቸው፥ አላረፍሁምም፥

ነፍሴም መጽናናትን አልቻለችም።

4 # ዮናስ 2፥8። እግዚአብሔርን ሳስታውስ እተክዛለሁ#77፥4 ግሪኩ “እደሰታለሁ” ይላል።፥

ተናገርሁ፥ ነፍሴም ፈዘዘች።

5ዐይኖቼ እንዲተጉ ያዝሃቸው፥

ስለተረበሽኩ አልተናገርሁም።

6የዱሮውን ዘመን አሰብሁ፥

የጥንቱን ዓመታት አሰብሁ፥

7 # መዝ. 143፥5፤ ዘዳ. 32፥7። በሌሊት ከልቤ ጋር ተጫወትሁ፥

ነፍሴንም አነቃቃኋት።

8 # መዝ. 13፥2፤ 44፥24፤ 74፥1፤ 80፥5፤ 89፥47፤ ሰቆ.ኤ. 3፥31። ጌታ ለዘለዓለም ይጥላልን?

እንግዲህስ ቸርነቱን አይጨምርምን?

9ለዘለዓለምስ ርኅራኄው ተቈረጠችን?

የሰጠውስ ቃል ኪዳን ለዘመናት አልቆአልን?

10እግዚአብሔርስ ማዘኑን ረሳን?

በቁጣውስ ርኅራኄውን ዘጋውን?

11 # መዝ. 17፥7፤ 18፥36፤ ዘፀ. 15፥6፤12። ይህ ድካሜ ነው አልሁ፥

የልዑል ቀኝ መለወጡ።

12 # መዝ. 143፥5። የጌታን ሥራ አስታወስሁ፥

የቀደመውን ተኣምራትህን አስታወሳለሁና፥

13በምግባርህም ሁሉ እናገራለሁ፥

ሥራህንም አሰላስላለሁ።

14 # መዝ. 18፥31፤ ዘፀ. 15፥11። አቤቱ፥ መንገድህ በመቅደስ ውስጥ ነው፥

እንደ እግዚአብሔር ያለ ታላቅ አምላክ ማን ነው?

15 # መዝ. 86፥10፤ 89፥6። ተኣምራትን የምታደርግ አምላክ አንተ ነህ።

ለሕዝብህ ኃይልህን አስታወቅሃቸው።

16 # ዘፍ. 46፥26-27፤ ነህ. 1፥10። የያዕቆብንና የዮሴፍን ልጆች፥

ሕዝብህን በክንድህ አዳንሃቸው።

17 # መዝ. 18፥16፤ 114፥3፤ ናሆም 1፥4። አቤቱ፥ ውኆች አዩህ፥

ውኆችም አይተውህ ፈሩ፥

ጥልቆችም ተነዋወጡ።

18 # መዝ. 18፥14-15፤ 29፤ 144፥6፤ ኢዮብ 37፥3-4፤ ጥበ. 5፥21፤ ዕን. 3፥10-11፤ ዘካ. 9፥14። ደመኖች ውሃን አዘነቡ፥ ደመኖች ድምፅን ሰጡ፥

ፍላጾችህም በየአቅጣጫው ወጡ።

19 # መዝ. 18፥8፤ 97፥4፤ 99፥1፤ ዘፀ. 19፥16፤ መሳ. 5፥4-5። የነጐድጓድህ ድምፅ በዐውሎ ነፋስ ውስጥ ነበረ፥

መብረቆች ለዓለም አበሩ፥

ምድር ተናወጠች ተንቀጠቀጠችም።

20 # ነህ. 9፥11፤ ጥበ. 14፥3፤ ኢሳ. 51፥10፤ ዕን. 3፥15። መንገድህ በባሕር ውስጥ ነው፥

ያለፍከውም ኃይለኛ ውኆች በኩል ነው፤

ዱካህ ግን አልታወቀም።

21 # መዝ. 78፥52፤ ኢሳ. 63፥11-14፤ ሆሴዕ 12፥14፤ ሚክ. 6፥4። በሙሴና በአሮን እጅ

ሕዝብህን እንደ በጎች መራሃቸው።

Currently Selected:

መዝሙረ ዳዊት 77: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ