Zään Bhɔlɩ

Bhɔlɩ

Nyɩkpɔɔ ‑ɔ ‑jɩjlä lä 'bɔɔgʋnʋ nä, ɔɔ' ‑wʋ ɔ yëku 'ŋnö ‑zɛɛ ‑mä ‑wa ‑zɛɛ lä ʋʋ' 'mnö wälɩɩ tɛɛ nä, wamää‑ cii‑ lä nynä ‑mä Zozii' 'kʋgënyɔɔ wa laa lä Zään nä, ɔmɔɔ‑ ‑jɩjlʋ. Wälɩnɩ ɔ ‑jɩjlä lä nä, kɔ 'nii‑ ɩɩ' dä. Zään kä ci nynä ‑mä 'Kʋgënyɔɔ Zozii ‑waa lä nä, ɔ yëku‑ ɔ sä lä (13.23; 19.26; 20.2,7; 21.20).

Zään' 'bɔɔgʋʋ nä, ʋ ‑yä Matie, ‑yä Makö, ‑yä Lukö 'sɔɔ 'bɔɔgwɩɩ ‑wʋ ‑bhlüo. Ɔɔ' 'bɔɔgʋʋ bhɔɔdää nä, ɔ lä Zozii 'mɔɔ‑ plöö‑ lä Ciciwälɩ 'nɩ ɔ ‑yä Laagɔ 'sɔ ‑kʋʋ bhä 'kʋ 'kɔɔkɔ. 'Nɩ ɔ pana nynä ‑mä Zozii ‑glö bhä Laagɔ 'nɩ ɔ ‑yi lä 'ylʋzɔɔ.

Zään ‑sänö‑anyɩ 'sɩɩ sä Zozii cii‑ lä ɔ yëkuu' ‑za nä. Ɔ lä Zozii lä ɔ ‑glö 'flɔɔbhëë' laa‑ nyɛ lä 'pʋpʋɛ nä (6.35,48), 'nɩ ɔ ‑glö 'sɩɩ 'ylʋzɔɔ' zëlü (8.12; 9.5). Ɔ lä ɔ ‑glö gbü‑glënë (10.7,9) 'nɩ ɔ plöö‑ 'sɩɩ kpaanyɔɔ' 'nägälɔɔ (10.11,14). Ɔ plöö‑ 'sɩɩ 'kuëë glɔɔlɩ (11.25) ‑yä Laagɔduu' ‑blɔɔ ɩyä ‑nʋawlɛ ‑yä 'pʋpʋɛ (14.6). Ɔ lä ɔmɔɔ‑ plöö‑ lä divaa ‑gälösuu' 'titi (15.1,5).

'Bɔɔgʋnʋʋ' bhɩä‑gbäsɩɩ nä, Zään ‑sä kpänyɩ Zozii' 'kwiee ‑yä ɔɔ' 'kuëë glɔɔlɩɩ' 'döö. Ɔ ‑glɔɔ lä 'kuëë nä, ɔ ‑ghlä ɔɔ' 'kʋgënyʋa 'yii.

Kä Zään ‑jɩjlä lä 'bɔɔgʋnʋ ‑yä nyɩkpɔɔ' lɔɔ‑ yiu lä zɛɛ nä, ɔ 'kä pɔlötɛtɛ kään nynä Zozii 'mɔɔ‑ plöö‑ Klisöɔ, 'nɩ ɔ plöö‑ lä 'sɩɩ Laagɔ ‑Yowli. Nä nyɩkpɔɔ' lɔɔ‑ yi lä ɔɔ' pɔlötɛtɛ kään nä, ɔ yi 'pʋpʋɛ 'ni (20.31).

Currently Selected:

Zään Bhɔlɩ: god

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ GOD - u2 ተጨማሪ ይወቁ