Eksodus 4
4
Muhona ma yandja omasa omahimise ku Moses
1Moses wa zira a tja: “Nu hapo Ovaisrael tji ve hi nokukambura mu ami nokuhinokupuratena komambo ngu meve raere, nave tja: ‘Muhona ke na pe rimunikisa kove, ami hi tje vi?’ ”
2Nu Muhona ope mu purira a tja: “Ihi tji u na tjo meke roye, otjikeṋa?”
Neye a tja: “Okati.”
3Nu Muhona wa tja: “Yumba pehi!” Neye tje ke yumbu pehi, ake tjituka onyoka; nu Moses arire tja handuka. 4Muhona arire tja tja ku Moses: “Roporora eke roye nu i kambura komutjira!” Moses otja roporora eke re ne i kambura; narire tji ya tjituka okati rukwao meke re. 5“Katjite nao, Ovaisrael ve kambure kutja Muhona, Ndjambi wooihe mukururume, Ndjambi wa Abraham na Ndjambi wa Isak na Ndjambi wa Jakob, we rimunikisa kove.”
6Norukwao Muhona wa tja ku Moses: “Hitisa eke motjari tjoye!” Neke re a hitisa motjari. Nu tja nana ro, tjandje ra hara ongana, ra sana tjimuna ouvapa womakende wombepera. 7Nu Muhona a tja nai rukwao: “Eke roye yarura mo motjari!” Neye wa tjita nao. Nu tja pitisa ro, otji ra yaruka ko nari sana korutu rwe aruhe. 8“Tjinangara kave nokukambura move, nave temangura otjiraisiro otjitenga, mu ihi otjitjavari mave kambura. 9Nu ndoovazu moviraisiro mbyo aviyevari kave kamburire mo, nu nandarire kutja komambo woye kave zuvire, kawote omeva monḓonḓu Nil, nu tirira morupare, nomeva ngo ngunga awa woto monḓonḓu otji maye tjituka ombinḓu.”
10Nu Moses a tja ku Muhona: “Arikana, Muhona, ami kawami omurumendu womirya; okuza korukuru nga nambano mbi ri nao, nandarire nai tji mo hungire nomukarere woye. Orondu ami hi neraka nu mbi kokoma.”
11Nu Ndjambi arire tje mu ziri nai: “Owaṋi ngwa mema otjinyo tjomundu poo owaṋi ngwa ungura otjikume nomboro, na ngu nomeho nomupoṱu? Indu kawami Muhona are? 12Twende ngo uri; ami me kekuvatera okuhungira, ne ku hongo mbi mo sokuhungira.”
13Nungwari Moses wa tja: “Muhona, arikana, hinda warwe ngu movanga.”
14Nu Muhona otja ṱomazenge na Moses na tja: “Hapo indu erumbi roye Aron, ingwi Omulevi, ke ko are? Ami me tjiwa kutja eye u nomirya mokuhungira. Nu rukwao u ri pokukutjakanena, nu tje ku munu, ma nyanda omutima. 15Ove hungira puna ye, nu u mu raere kutja nga katje vi. Ami me mu vatere amuyevari okuhungira nokumurongerisa mbi mwa sokutjita. 16Neye ongu ma yenene okuhungirira po ove kotjiwaṋa, nongunga ama rire otjinyo tjoye, nu ove oove ngu mo kara moruveze rwa Ndjambi ku ye. 17Nu toora okati nga meke roye, u katjite na ko oviraisiro ovihimise.”
Moses ma yaruka kOengipte
18Nu Moses arire tja i komukwe we ihe Jitro na katja nai ku ye: “Arikana, ndji esa mbi tjinde okuyaruka kovazamumwe vandje mbe ri mOengipte, mbi kevetare kutja ingee ve nomuinyo.” Nu Jitro wa tja ku ye: “Twende mohange!”
19Nu wina Muhona wa tja ku Moses mehi rOvamidian: “Twende nu u yaruke kOengipte, orondu avehe mbe ku yengere, va koka.” 20Moses arire tja toora omukazendu we novazandu ve, e ve kavirisa kokasino, na yaruka kOengipte. Neye wina wa toora okati nga ka Ndjambi meke re.
21Nu Muhona wa tja ku Moses: “Nambano tji mo yaruka kOengipte, kerirongere nawa kutja u katjite ovihimise avihe, mbi mbe ku rakiza okukatjitira momurungu wa Farao. Nungwari ami me kukutisa omutima we kutja a ha yandjere otjiwaṋa okutjinda. 22Notji motja ku Farao: Muhona wa tja nai: ‘Israel hapo eye otjiveri tjandje.’ 23#Eks 12:29Opu me tjere nai: ‘Mu esa omuzandu wandje a tjinde, kutja e kendjikarere.’ Nungwari ove tji mo panḓa okumutjindisa, ami me zepa otjiveri tjoye.”
24Nu ndjirakati potjikuturiro, Muhona wa tjakanena Moses na vanga okumuzepa. 25Sipora opa toorera ombawe ondwe na sukareke na yo omuzandu we, nomukova wa ṱuna nawo Moses kozombaze na tja: “Wa rire omukupe wandje ngwa pitire mombinḓu.” 26Nu Sipora tja za nokutja omukupe wombinḓu mena romasukarekero, Muhona opa isira Moses.
27Tjazumba Muhona wa tja nai ku Aron: “Twende, katjakanene Moses mokuti onguza!” Neye wa ya, na kavaza Moses pondundu ya Ndjambi ne mu hupite. 28Moses opa serekarerera Aron omambo aehe Muhona nge mu tumina, noviraisiro avihe mbye mu rakiza. 29Moses na Aron va ya, nave kaworonganisa ovanane avehe vOvaisrael kumwe. 30Nu Aron e ve serekarerere avihe Muhona mbya raera Moses, na tjiti oviraisiro momeho wotjiwaṋa. 31Notjiwaṋa arire tji tja kambura. Nu tji tja zuva kutja Muhona wa tjariparera tjo, nokutja wa tara kondjenda yatjo, arire tji tje rikotamene ku ye.
Currently Selected:
Eksodus 4: HRR-UNI
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Herero Revision Bible © Bible Society in Namibia, 2021.
Eksodus 4
4
Muhona ma yandja omasa omahimise ku Moses
1Moses wa zira a tja: “Nu hapo Ovaisrael tji ve hi nokukambura mu ami nokuhinokupuratena komambo ngu meve raere, nave tja: ‘Muhona ke na pe rimunikisa kove, ami hi tje vi?’ ”
2Nu Muhona ope mu purira a tja: “Ihi tji u na tjo meke roye, otjikeṋa?”
Neye a tja: “Okati.”
3Nu Muhona wa tja: “Yumba pehi!” Neye tje ke yumbu pehi, ake tjituka onyoka; nu Moses arire tja handuka. 4Muhona arire tja tja ku Moses: “Roporora eke roye nu i kambura komutjira!” Moses otja roporora eke re ne i kambura; narire tji ya tjituka okati rukwao meke re. 5“Katjite nao, Ovaisrael ve kambure kutja Muhona, Ndjambi wooihe mukururume, Ndjambi wa Abraham na Ndjambi wa Isak na Ndjambi wa Jakob, we rimunikisa kove.”
6Norukwao Muhona wa tja ku Moses: “Hitisa eke motjari tjoye!” Neke re a hitisa motjari. Nu tja nana ro, tjandje ra hara ongana, ra sana tjimuna ouvapa womakende wombepera. 7Nu Muhona a tja nai rukwao: “Eke roye yarura mo motjari!” Neye wa tjita nao. Nu tja pitisa ro, otji ra yaruka ko nari sana korutu rwe aruhe. 8“Tjinangara kave nokukambura move, nave temangura otjiraisiro otjitenga, mu ihi otjitjavari mave kambura. 9Nu ndoovazu moviraisiro mbyo aviyevari kave kamburire mo, nu nandarire kutja komambo woye kave zuvire, kawote omeva monḓonḓu Nil, nu tirira morupare, nomeva ngo ngunga awa woto monḓonḓu otji maye tjituka ombinḓu.”
10Nu Moses a tja ku Muhona: “Arikana, Muhona, ami kawami omurumendu womirya; okuza korukuru nga nambano mbi ri nao, nandarire nai tji mo hungire nomukarere woye. Orondu ami hi neraka nu mbi kokoma.”
11Nu Ndjambi arire tje mu ziri nai: “Owaṋi ngwa mema otjinyo tjomundu poo owaṋi ngwa ungura otjikume nomboro, na ngu nomeho nomupoṱu? Indu kawami Muhona are? 12Twende ngo uri; ami me kekuvatera okuhungira, ne ku hongo mbi mo sokuhungira.”
13Nungwari Moses wa tja: “Muhona, arikana, hinda warwe ngu movanga.”
14Nu Muhona otja ṱomazenge na Moses na tja: “Hapo indu erumbi roye Aron, ingwi Omulevi, ke ko are? Ami me tjiwa kutja eye u nomirya mokuhungira. Nu rukwao u ri pokukutjakanena, nu tje ku munu, ma nyanda omutima. 15Ove hungira puna ye, nu u mu raere kutja nga katje vi. Ami me mu vatere amuyevari okuhungira nokumurongerisa mbi mwa sokutjita. 16Neye ongu ma yenene okuhungirira po ove kotjiwaṋa, nongunga ama rire otjinyo tjoye, nu ove oove ngu mo kara moruveze rwa Ndjambi ku ye. 17Nu toora okati nga meke roye, u katjite na ko oviraisiro ovihimise.”
Moses ma yaruka kOengipte
18Nu Moses arire tja i komukwe we ihe Jitro na katja nai ku ye: “Arikana, ndji esa mbi tjinde okuyaruka kovazamumwe vandje mbe ri mOengipte, mbi kevetare kutja ingee ve nomuinyo.” Nu Jitro wa tja ku ye: “Twende mohange!”
19Nu wina Muhona wa tja ku Moses mehi rOvamidian: “Twende nu u yaruke kOengipte, orondu avehe mbe ku yengere, va koka.” 20Moses arire tja toora omukazendu we novazandu ve, e ve kavirisa kokasino, na yaruka kOengipte. Neye wina wa toora okati nga ka Ndjambi meke re.
21Nu Muhona wa tja ku Moses: “Nambano tji mo yaruka kOengipte, kerirongere nawa kutja u katjite ovihimise avihe, mbi mbe ku rakiza okukatjitira momurungu wa Farao. Nungwari ami me kukutisa omutima we kutja a ha yandjere otjiwaṋa okutjinda. 22Notji motja ku Farao: Muhona wa tja nai: ‘Israel hapo eye otjiveri tjandje.’ 23#Eks 12:29Opu me tjere nai: ‘Mu esa omuzandu wandje a tjinde, kutja e kendjikarere.’ Nungwari ove tji mo panḓa okumutjindisa, ami me zepa otjiveri tjoye.”
24Nu ndjirakati potjikuturiro, Muhona wa tjakanena Moses na vanga okumuzepa. 25Sipora opa toorera ombawe ondwe na sukareke na yo omuzandu we, nomukova wa ṱuna nawo Moses kozombaze na tja: “Wa rire omukupe wandje ngwa pitire mombinḓu.” 26Nu Sipora tja za nokutja omukupe wombinḓu mena romasukarekero, Muhona opa isira Moses.
27Tjazumba Muhona wa tja nai ku Aron: “Twende, katjakanene Moses mokuti onguza!” Neye wa ya, na kavaza Moses pondundu ya Ndjambi ne mu hupite. 28Moses opa serekarerera Aron omambo aehe Muhona nge mu tumina, noviraisiro avihe mbye mu rakiza. 29Moses na Aron va ya, nave kaworonganisa ovanane avehe vOvaisrael kumwe. 30Nu Aron e ve serekarerere avihe Muhona mbya raera Moses, na tjiti oviraisiro momeho wotjiwaṋa. 31Notjiwaṋa arire tji tja kambura. Nu tji tja zuva kutja Muhona wa tjariparera tjo, nokutja wa tara kondjenda yatjo, arire tji tje rikotamene ku ye.
Herero Revision Bible © Bible Society in Namibia, 2021.