Genesis 13
13
Abram ma haṋika na Lot
1Abram wa pita mOengipte na tjindire kehi rokeyuva kokumuho puna omukazendu we na avihe mbya ri na vyo; nu Lot wa ya puna ye. 2Nu Abram wa ri omutumbe tjinene wovinamuinyo nosilveri nongoldo. 3Neye wa tjinda okuza poṋa pemwe nokuyenda poṋa parwe, okuza kehi rokeyuva kokumuho okuhungama kObetel, poṋa pu pa ri ondanda ye rutenga pokati kooBetel na Ai. 4Neye wa yaruka poṋa mba pa tungire otjipunguhiro rukuru, nu imba eye opa isanena ena ra Muhona mongumbiro.
5Nu Lot, ngwa tjinda puna Abram, wina wa ri norupanda rwozonyanda nozongombe nozondanda. 6Nu kamwa ri omaryo, nga yenena kovinamuinyo vyawo okutura pamwe. Orondu aveyevari tjinga ava ri novinamuinyo ovingi. 7Notji pa sekama ozombata pokati kovarise va Abram nova Lot. Moruveze ndo mwa turire Ovakanaan nOvaperesi mehi ndo.
8Nu Abram wa tja ku Lot: “Ape kara ozombata pokati ketu na ove, na pokati kovarise vandje novoye, eṱe tjinga atu ri ovazamumwe. 9Tara, ehi arihe ri ri kamwaha kove. Nga tu haṋike, ove tji wa i kokumuho, ami me i kokunene; nu tji wa i kokunene, ami me i kokumuho.”
10 #
Gen 2:10
Lot arire tja yevayeva na munu orutjandja rwonḓonḓu Jordan tji ye ura nomeva nga kotjihuro Soar, omeva ya takavara nu ye ri poṋa apehe, tjimuna motjikunino Muhona tja ungura mOeden poo tjimuna omeva mehi ra Engipte; Muhona ngunda e hiya nyanyaura ovihuro ooSodom na Gomora. 11Lot otje ritoororera oruveze ongondoroka norutjandja rwonḓonḓu Jordan na tjindire kuṱa komuhuka. Nowo otji va haṋika. 12Abram wa kara mOkanaan, nu Lot wa katura movirongo ongondoroka na Jordan, na katona ozondanda ze kOsodom. 13Novandu va Sodom va ri ovavi novarunde tjinene komurungu wa Muhona.
Abram ma tjindire kOhebron
14Kombunda ya Lot na Abram tji vaza nokuhaṋika, Muhona wa tja nai ku Abram: “Yera omeho woye nu u yevayeve okuza poṋa pu wa kurama, komukuma wokeyuva kokunene na kokumuho na komuhuka na kongurova; 15#Oviu 7:5orondu ehi arihe ndi ndi mo munu, ami me yandja kove na kozondekurona zoye nga aruhe. 16Nu ami me ku pe ozondekurona ozengi pu pe ṱeki oruuma rwehi nga tji pe hi na umwe ngu ma yenene okuzevara. 17Nambano rirongera u tuurunge ehi arihe koure nga kouparanga waro; orondu ami me yandja ro kove.” 18Nu Abram otja tjindira komurungu na katunga ozondanda ze, na katura meṋe yomimbonde vya Mamre meṋe ya Hebron; nu imba opa katungira Muhona otjipunguhiro.
Currently Selected:
Genesis 13: HRR-UNI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Herero Revision Bible © Bible Society in Namibia, 2021.
Genesis 13
13
Abram ma haṋika na Lot
1Abram wa pita mOengipte na tjindire kehi rokeyuva kokumuho puna omukazendu we na avihe mbya ri na vyo; nu Lot wa ya puna ye. 2Nu Abram wa ri omutumbe tjinene wovinamuinyo nosilveri nongoldo. 3Neye wa tjinda okuza poṋa pemwe nokuyenda poṋa parwe, okuza kehi rokeyuva kokumuho okuhungama kObetel, poṋa pu pa ri ondanda ye rutenga pokati kooBetel na Ai. 4Neye wa yaruka poṋa mba pa tungire otjipunguhiro rukuru, nu imba eye opa isanena ena ra Muhona mongumbiro.
5Nu Lot, ngwa tjinda puna Abram, wina wa ri norupanda rwozonyanda nozongombe nozondanda. 6Nu kamwa ri omaryo, nga yenena kovinamuinyo vyawo okutura pamwe. Orondu aveyevari tjinga ava ri novinamuinyo ovingi. 7Notji pa sekama ozombata pokati kovarise va Abram nova Lot. Moruveze ndo mwa turire Ovakanaan nOvaperesi mehi ndo.
8Nu Abram wa tja ku Lot: “Ape kara ozombata pokati ketu na ove, na pokati kovarise vandje novoye, eṱe tjinga atu ri ovazamumwe. 9Tara, ehi arihe ri ri kamwaha kove. Nga tu haṋike, ove tji wa i kokumuho, ami me i kokunene; nu tji wa i kokunene, ami me i kokumuho.”
10 #
Gen 2:10
Lot arire tja yevayeva na munu orutjandja rwonḓonḓu Jordan tji ye ura nomeva nga kotjihuro Soar, omeva ya takavara nu ye ri poṋa apehe, tjimuna motjikunino Muhona tja ungura mOeden poo tjimuna omeva mehi ra Engipte; Muhona ngunda e hiya nyanyaura ovihuro ooSodom na Gomora. 11Lot otje ritoororera oruveze ongondoroka norutjandja rwonḓonḓu Jordan na tjindire kuṱa komuhuka. Nowo otji va haṋika. 12Abram wa kara mOkanaan, nu Lot wa katura movirongo ongondoroka na Jordan, na katona ozondanda ze kOsodom. 13Novandu va Sodom va ri ovavi novarunde tjinene komurungu wa Muhona.
Abram ma tjindire kOhebron
14Kombunda ya Lot na Abram tji vaza nokuhaṋika, Muhona wa tja nai ku Abram: “Yera omeho woye nu u yevayeve okuza poṋa pu wa kurama, komukuma wokeyuva kokunene na kokumuho na komuhuka na kongurova; 15#Oviu 7:5orondu ehi arihe ndi ndi mo munu, ami me yandja kove na kozondekurona zoye nga aruhe. 16Nu ami me ku pe ozondekurona ozengi pu pe ṱeki oruuma rwehi nga tji pe hi na umwe ngu ma yenene okuzevara. 17Nambano rirongera u tuurunge ehi arihe koure nga kouparanga waro; orondu ami me yandja ro kove.” 18Nu Abram otja tjindira komurungu na katunga ozondanda ze, na katura meṋe yomimbonde vya Mamre meṋe ya Hebron; nu imba opa katungira Muhona otjipunguhiro.
Herero Revision Bible © Bible Society in Namibia, 2021.