Lukas 22
22
Omerikutirokumwe wokuzepa Jesus
(Mt 26:1-5; Mk 14:1-2; Jhn 11:45-53)
1 #
Eks 12:1-27
Nu eyuva romukandi wOzomboroto nḓe hi nosurise, wina ndi ku za Opaska, tjandje riri popezu. 2Ovapristeri oviuru nozonongo zomambo aave tira otjiwaṋa, notjaave kondjo okupaha omuhingo wokuzepa Jesus.
Judas ma itavere okuhorora Jesus movineya
(Mt 26:14-16; Mk 14:10-11)
3Nu Satan wa hitire mu Judas ngwaa isanewa Iskariot nu ngwa ri umwe wovahongewa mba omurongo na vevari. 4Judas otja kahungira novapristeri oviuru novatarere vovatjevere vondjuwo ya Muhona okukevetjivisa omuhingo mbu ma yandja na wo Jesus momake wawo. 5Owo va nyanda omitima nave zuvasana kutja mave mu pe ovimariva. 6Judas wa itavera komazuvasaneno nga, notja uta okupaha oruveze oruwa okuyandja Jesus momake wawo, otjiwaṋa ngunda atji hi nokutjiwa.
Jesus me rirongerere Omariro wOpaska
(Mt 26:17-25; Mk 14:12-21; Jhn 13:21-30)
7Nu eyuva romukandi wOzomboroto nḓe hi nosurise, indi eyuva ozondjona zOmariro wOpaska mu ze sokupunguhwa, arire tji ra yenene. 8Nu Jesus wa hindire Petrus na Johanes nomambo nga: “twendeye mu ketuṱunine Omariro wOpaska, tu karye.”
9Owo ve mu purire nai: “Ku movanga kutja tu kaṱune Omariro wOpaska okutjiṋe?”
10Eye wa zirire a tja: “Purateneye, tji mamu kahita motjihuro, mamu kahakaena nomundu ngwa toora otjitjuma tjomeva. Mu kongorereye nga kondjuwo mu ma kahita, 11nu mu katje nai komuini wondjuwo: ‘Omuhonge ma tja kove: Etuwo mu me rire Opaska puna ovahongewa vandje ri ri pi?’ 12Neye me mu urikire etuwo rokombanda nda harekwa nawa, nga rire mu mwe ketuṱunina avihe.”
13Owo va ya nave kavaza avihe avi ri otja Jesus punga e ve raera; nowo va ṱuna Omariro wOpaska.
Omazikiro wOmariro wOngurova wa Muhona
(Mt 26:26-30; Mk 14:22-26; 1Kor 11:23-25)
14Nu oiri tji ya yenene, Jesus wa kara pehi potjiriro puna ovaapostele ve. 15Eye wa tja ku wo: “Ami mba zera tjinene okurya Omariro wOpaska nga puna eṋe ngunda ambi hiya hihamisiwa. 16Nungwari, ami me mu raere, himee ye ri ko rukwao nga omaheero wawo tji ya yenenisiwa okuura mouhona wa Ndjambi.”
17Jesus wa toorere otjinwino, a tja okuhepa ku Ndjambi na tja: “Kambureye mu makerasane. 18Ami me mu raere kutja okuza ku nai himee nu ko omavinu nga, nga ouhona wa Ndjambi tji weya.”
19Tjazumba arire tja toora omboroto, a tja okuhepa ku Ndjambi, e i koyora, e i yandja ku wo na tja: “Ihi otjo orutu rwandje ndu maru yandjerwa eṋe. Ihi tji tjiteye kokundjizemburukirako.” 20#Jer 31:31-34Nu momuhingo tjingewo otje ve pa otjinwino kombunda yokurya ama tja: “Otjinwino hi otjo omerikutiropamwe omape mombinḓu yandje, ndji mai tirahirwa eṋe.
21 #
Psa 41:9
“Nungwari, tareye, umwe ngu me ndji horora movineya u ri mba potjiriro puna ami! 22Omuna wOmundu ma ṱu otja Ndjambi punga a zikamisa, nungwari owee komundu ngo ngu me mu zepaisa movineya!”
23Nowo va uta okupurasana kutja ma sokurira uṋe mokati kawo ngu ma tjiti otjiṋa tji tja sana ngo.
Ngu ri omunenenene owaṋi?
24 #
Mt 18:1; Mk 9:34; Lk 9:46 Nu pa sekamene ozombata mokati kovahongewa zokutja ngwa sokurira omunenenene pu wo avehe, ouṋe. 25Jesus wa tja ku wo: “ozombara zaimba mbe ha tjiwa Ndjambi ze ṋiṋikiza oviwaṋa vyazo, novahonapare ku za omapanga wOviwaṋa. 26#Mt 23:11; Mk 9:35#Mt 20:25-27; Mk 10:42-44Nungwari kape sokukara nao na eṋe; omunenenene mokati keṋu nga rire okaṱiṱi tjinene, nu omunane nga rire omukarere. 27#Jhn 13:12-15Ngu ri omunene owaṋi, eye ngwi ngu haama potjiriro okurya, poo eye ngwi ngu mu karera? Kaye ngwi ngu ri pehi potjiriro are? Nungwari owami ngwi mokati keṋu ngu mbi ri otja omukarere.
28“Oweṋe mba aruhe mbu mwa kara po momarorero wandje. 29Notja Tate tjinga e ndji pa ousemba okuhonapara, ami wina otjinga ame mu pe ousemba tjingewo mbo. 30#Mt 19:28Eṋe mamu ri namu nu potjiriro tjandje mouhona wandje, nu mamu kara pehi kovihavero vyouhona okuhonaparera omihoko omurongo na vivari vya Israel.
Jesus ma tjivisa omapataṋeno wa Petrus
(Mt 26:31-35; Mk 14:27-31; Jhn 13:36-38)
31“Simon, Simon, puratena! Satan wa pewa ousemba okumurora amuhe nokumuhaṋa tjimuna omukune tje sisira ovikokotwa kotjisisiro. 32Nungwari ami mba kumbira ove, Simon, kutja ongamburiro yoye ai ha yanda. Nove tji we ritanaurire ku ami, mo sokuzeuparisa ovakweṋu.”
33Petrus wa zirire a tja: “Muhona, ami mbe rirongerere okuyenda puna ove kotjovakamburwa nokukaṱa puna ove.”
34Jesus arire tja tja: “Tjiri, me ku raere, Petrus, ouṱuku mbunombwi ohunguriva ondwezu kamaai vandara ngunda au hiye ndji pataṋa povikando vitatu kutja ko ndji i.”
Otji rwa matji ya
35 #
Mt 10:9, 10; Mk 6:8, 9; Lk 9:3; 10:4 Jesus wa purire ovahongewa ve a tja: “Tji mbe mu hinda nokuhinokayaṱu kovimariva nondjaṱu youyenda nozongaku, mu na otjiṋa tji mwa hepere are?”
Owo va zirire nai: “Katu notjiṋa tji twa hepere.”
36Jesus wa tjere ku wo: “Nambano auhe ngu nokayaṱu kovimariva nondjaṱu youyenda nga twaerere; nu auhe ngu hi nengaruvyo nga randise ombanda ye, a rande engaruvyo. 37#Jes 53:12Orondu me mu raere kutja omatjangwa ngu maye tja: ‘Eye wa varwa puna ovarunde,’ maye sokuyenenisirwa ami, imbi mbya tjangerwa ami tjinga amavi yenenisiwa.”
38Ovahongewa arire tji va tja: “Tara, omangaruvyo yevari owo nga, Muhona!”
Eye a tja: “Opuwo!”
Ongumbiro ya Jesus kondundu Yomiṋinga
(Mt 26:36-46; Mk 14:32-42)
39Jesus wa za mo motjihuro na i kOndundu yOmiṋinga otja tjaa tjiti aruhe; novahongewa va ya puna ye. 40Nu eye tje ya pondundu ndji, wa tja ku wo: “Kumbeye kutja amu ha hiti momarorero.”
41Tjazumba wa ya ohumburuko na wo oruveze pu pa sokuyumbwa ewe, nu a woro ozongoro na kumbu 42a tja: “Tate, tji movanga, arikana isa po otjinwino tjomihihamo hi pu ami; nu a ha rire ombango yandje, nungwari nga rire ombango yoye omuini ndji mai yenenisiwa.” 43Nu pa munikire omuengeri ngwa zire keyuru ne mu zeuparisa. 44Jesus wa hara omburuma yonḓiro, narire tja kumbire ko nomasa; norukutu rwe rwa tjituka aru sana komata wombinḓu, ndji mai randatere pehi.
45Tja za nokukumba wa sekama, a i kovahongewa ve ne kevevaza ava rara, tjandje va pungarisiwa i oruhoze. 46Jesus wa tjere ku wo: “Mwa rarere tjike? Pendukeye mu kumbe kutja amu ha wire momarorero.”
Jesus ma kamburwa
(Mt 26:47-56; Mk 14:43-50; Jhn 18:3-11)
47Jesus ngunda ama hungire, otjimbumba tjovandu arire tji tje ya ama tji hongorerwa i Judas, umwe wovahongewa mba omurongo na vevari. Eye weya ku Jesus ne mu hupite. 48Nungwari Jesus wa tjere: “Judas, ove mo horora Omuna wOmundu noruhupito are?”
49Ovahongewa mba mba ri puna Jesus tji va muna imbi mbi mavi tjitwa, arire tji va pura ave tja: “Muhona, ngatu ve twere nomangaruvyo?” 50Nu umwe wawo wa ka omukarere wOmupristeri Otjiuru ne mu kondo okutwi kwokunene.
51Nungwari Jesus wa tjere: “Nambano opuwo, amu tjiti otjiṋa ho!” Tjazumba arire tja ṱunu okutwi kwomukarere ne mu verukisa.
52Nu Jesus wa tjere kovapristeri oviuru novatarere vovatjevere vondjuwo ya Muhona mbe ere mbo okuyekumueta: “Mwe ya nomangaruvyo nozongwinya aayo owami omurunde are? 53#Lk 19:47; 21:37Ami mba kara puna eṋe aruhe mondjuwo ya Muhona, nu kamu rorere okundjikambura. Nungwari nambano oruveze rweṋu rwa yenene, indu omasa wonḓorera tji maye honapara.”
Petrus ma pataṋa Jesus
(Mt 26:57-58, 69-75; Mk 14:53-54, 66-72; Jhn 18:12-18, 25-27)
54Owo va kamburire Jesus nave mu twara kondjuwo yOmupristeri Otjiuru; nu Petrus wa kongorera e ri ohumburuko. 55Nu mwa yakisirwe omuriro mokati korupanda rwondjuwo, nu Petrus wa kahaamene puna imba mbaa ve woto omuriro mbwi. 56Omukarere umwe omusuko tje mu muna a haama pomuriro, we mu tara osemba na tja: “Omundu ngwi wina wa ri puna Jesus.”
57Nungwari Petrus wa pataṋa a tja: “Mukazendu, ami omundu ngo hi mu i!”
58Kombunda yanao omundu umwe worive wa muna Petrus na tja: “Ove wina oove umwe waimbo.”
Nungwari Petrus wa zirire a tja: “Mukwetu, kawami ko!”
59Nu kombunda yoiri omundu warwe rukwao wa zeuparisa omambo ngo na tja: “Ouatjiri kutja omundu ngwi wa ri puna Jesus, orondu eye wina Omugalilea!”
60Nungwari Petrus wa zirire a tja: “Mukwetu, ami hi nokutjiwa kutja mo hungire tjike!”
Tjimanga eye ngunda ama hungire, ohunguriva arire tji ya vandara. 61Muhona wa tanauka na tara osemba mu Petrus, nu Petrus arire tja zemburuka omambo Jesus nga hungirire nai ku ye: “Ohunguriva ngunda ai hiya vandara ouṱuku mbunombwi ove tjandje we ndji pataṋa tutatu kutja ko ndji i.” 62Petrus otja pita, narire tja riri tjinene.
Jesus ma nyekererwa nokutonwa
(Mt 26:67-68; Mk 14:65)
63Novarumendu mbaa ve tjevere Jesus ve mu nyekerera nave mu tono. 64Owo ve mu kutjira omurungu nave mu pura ave tja: “Tu raera nu haka kutja owaṋi ngwe ku tono!” 65Nu wina va hungira oviṋa ovingi ovikwao okumuyamburura.
Jesus ma etwa komurungu wOtjira tjOvajuda
(Mt 26:59-66; Mk 14:55-64; Jhn 18:19-24)
66Nu tji pa tji ovanene novapristeri oviuru, nozonongo zomambo va wongara, nu Jesus wa etwa komurungu wotjira tjawo. 67Owo va tja: “Tjinangara oove Omutwirisiwa, tu raera.”
Eye wa zira nai: “Tji mbe mu raere, eṋe kamu nokukambura ko! 68Nu tji mbe mu pura epuriro, kamaamu ziri ko. 69Nungwari okuza ku nai Omuna wOmundu ma kakara pehi kokunene kwa Ndjambi Omunamasaaehe.”
70Avehe arire tji va tja: “Nu oove ngu u ri Omuna wa Ndjambi are?”
Eye wa zira a tja: “Opo mba pu mamu hee: Owami ngu mbi ri ye!”
71Nowo opu va tjera: “Omahongononeno warwe ngu matu hepa, owatjike? Eṱe twa zuu ama hungire notjinyo tje omuini!”
Currently Selected:
Lukas 22: HRR-UNI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Herero Revision Bible © Bible Society in Namibia, 2021.
Lukas 22
22
Omerikutirokumwe wokuzepa Jesus
(Mt 26:1-5; Mk 14:1-2; Jhn 11:45-53)
1 #
Eks 12:1-27
Nu eyuva romukandi wOzomboroto nḓe hi nosurise, wina ndi ku za Opaska, tjandje riri popezu. 2Ovapristeri oviuru nozonongo zomambo aave tira otjiwaṋa, notjaave kondjo okupaha omuhingo wokuzepa Jesus.
Judas ma itavere okuhorora Jesus movineya
(Mt 26:14-16; Mk 14:10-11)
3Nu Satan wa hitire mu Judas ngwaa isanewa Iskariot nu ngwa ri umwe wovahongewa mba omurongo na vevari. 4Judas otja kahungira novapristeri oviuru novatarere vovatjevere vondjuwo ya Muhona okukevetjivisa omuhingo mbu ma yandja na wo Jesus momake wawo. 5Owo va nyanda omitima nave zuvasana kutja mave mu pe ovimariva. 6Judas wa itavera komazuvasaneno nga, notja uta okupaha oruveze oruwa okuyandja Jesus momake wawo, otjiwaṋa ngunda atji hi nokutjiwa.
Jesus me rirongerere Omariro wOpaska
(Mt 26:17-25; Mk 14:12-21; Jhn 13:21-30)
7Nu eyuva romukandi wOzomboroto nḓe hi nosurise, indi eyuva ozondjona zOmariro wOpaska mu ze sokupunguhwa, arire tji ra yenene. 8Nu Jesus wa hindire Petrus na Johanes nomambo nga: “twendeye mu ketuṱunine Omariro wOpaska, tu karye.”
9Owo ve mu purire nai: “Ku movanga kutja tu kaṱune Omariro wOpaska okutjiṋe?”
10Eye wa zirire a tja: “Purateneye, tji mamu kahita motjihuro, mamu kahakaena nomundu ngwa toora otjitjuma tjomeva. Mu kongorereye nga kondjuwo mu ma kahita, 11nu mu katje nai komuini wondjuwo: ‘Omuhonge ma tja kove: Etuwo mu me rire Opaska puna ovahongewa vandje ri ri pi?’ 12Neye me mu urikire etuwo rokombanda nda harekwa nawa, nga rire mu mwe ketuṱunina avihe.”
13Owo va ya nave kavaza avihe avi ri otja Jesus punga e ve raera; nowo va ṱuna Omariro wOpaska.
Omazikiro wOmariro wOngurova wa Muhona
(Mt 26:26-30; Mk 14:22-26; 1Kor 11:23-25)
14Nu oiri tji ya yenene, Jesus wa kara pehi potjiriro puna ovaapostele ve. 15Eye wa tja ku wo: “Ami mba zera tjinene okurya Omariro wOpaska nga puna eṋe ngunda ambi hiya hihamisiwa. 16Nungwari, ami me mu raere, himee ye ri ko rukwao nga omaheero wawo tji ya yenenisiwa okuura mouhona wa Ndjambi.”
17Jesus wa toorere otjinwino, a tja okuhepa ku Ndjambi na tja: “Kambureye mu makerasane. 18Ami me mu raere kutja okuza ku nai himee nu ko omavinu nga, nga ouhona wa Ndjambi tji weya.”
19Tjazumba arire tja toora omboroto, a tja okuhepa ku Ndjambi, e i koyora, e i yandja ku wo na tja: “Ihi otjo orutu rwandje ndu maru yandjerwa eṋe. Ihi tji tjiteye kokundjizemburukirako.” 20#Jer 31:31-34Nu momuhingo tjingewo otje ve pa otjinwino kombunda yokurya ama tja: “Otjinwino hi otjo omerikutiropamwe omape mombinḓu yandje, ndji mai tirahirwa eṋe.
21 #
Psa 41:9
“Nungwari, tareye, umwe ngu me ndji horora movineya u ri mba potjiriro puna ami! 22Omuna wOmundu ma ṱu otja Ndjambi punga a zikamisa, nungwari owee komundu ngo ngu me mu zepaisa movineya!”
23Nowo va uta okupurasana kutja ma sokurira uṋe mokati kawo ngu ma tjiti otjiṋa tji tja sana ngo.
Ngu ri omunenenene owaṋi?
24 #
Mt 18:1; Mk 9:34; Lk 9:46 Nu pa sekamene ozombata mokati kovahongewa zokutja ngwa sokurira omunenenene pu wo avehe, ouṋe. 25Jesus wa tja ku wo: “ozombara zaimba mbe ha tjiwa Ndjambi ze ṋiṋikiza oviwaṋa vyazo, novahonapare ku za omapanga wOviwaṋa. 26#Mt 23:11; Mk 9:35#Mt 20:25-27; Mk 10:42-44Nungwari kape sokukara nao na eṋe; omunenenene mokati keṋu nga rire okaṱiṱi tjinene, nu omunane nga rire omukarere. 27#Jhn 13:12-15Ngu ri omunene owaṋi, eye ngwi ngu haama potjiriro okurya, poo eye ngwi ngu mu karera? Kaye ngwi ngu ri pehi potjiriro are? Nungwari owami ngwi mokati keṋu ngu mbi ri otja omukarere.
28“Oweṋe mba aruhe mbu mwa kara po momarorero wandje. 29Notja Tate tjinga e ndji pa ousemba okuhonapara, ami wina otjinga ame mu pe ousemba tjingewo mbo. 30#Mt 19:28Eṋe mamu ri namu nu potjiriro tjandje mouhona wandje, nu mamu kara pehi kovihavero vyouhona okuhonaparera omihoko omurongo na vivari vya Israel.
Jesus ma tjivisa omapataṋeno wa Petrus
(Mt 26:31-35; Mk 14:27-31; Jhn 13:36-38)
31“Simon, Simon, puratena! Satan wa pewa ousemba okumurora amuhe nokumuhaṋa tjimuna omukune tje sisira ovikokotwa kotjisisiro. 32Nungwari ami mba kumbira ove, Simon, kutja ongamburiro yoye ai ha yanda. Nove tji we ritanaurire ku ami, mo sokuzeuparisa ovakweṋu.”
33Petrus wa zirire a tja: “Muhona, ami mbe rirongerere okuyenda puna ove kotjovakamburwa nokukaṱa puna ove.”
34Jesus arire tja tja: “Tjiri, me ku raere, Petrus, ouṱuku mbunombwi ohunguriva ondwezu kamaai vandara ngunda au hiye ndji pataṋa povikando vitatu kutja ko ndji i.”
Otji rwa matji ya
35 #
Mt 10:9, 10; Mk 6:8, 9; Lk 9:3; 10:4 Jesus wa purire ovahongewa ve a tja: “Tji mbe mu hinda nokuhinokayaṱu kovimariva nondjaṱu youyenda nozongaku, mu na otjiṋa tji mwa hepere are?”
Owo va zirire nai: “Katu notjiṋa tji twa hepere.”
36Jesus wa tjere ku wo: “Nambano auhe ngu nokayaṱu kovimariva nondjaṱu youyenda nga twaerere; nu auhe ngu hi nengaruvyo nga randise ombanda ye, a rande engaruvyo. 37#Jes 53:12Orondu me mu raere kutja omatjangwa ngu maye tja: ‘Eye wa varwa puna ovarunde,’ maye sokuyenenisirwa ami, imbi mbya tjangerwa ami tjinga amavi yenenisiwa.”
38Ovahongewa arire tji va tja: “Tara, omangaruvyo yevari owo nga, Muhona!”
Eye a tja: “Opuwo!”
Ongumbiro ya Jesus kondundu Yomiṋinga
(Mt 26:36-46; Mk 14:32-42)
39Jesus wa za mo motjihuro na i kOndundu yOmiṋinga otja tjaa tjiti aruhe; novahongewa va ya puna ye. 40Nu eye tje ya pondundu ndji, wa tja ku wo: “Kumbeye kutja amu ha hiti momarorero.”
41Tjazumba wa ya ohumburuko na wo oruveze pu pa sokuyumbwa ewe, nu a woro ozongoro na kumbu 42a tja: “Tate, tji movanga, arikana isa po otjinwino tjomihihamo hi pu ami; nu a ha rire ombango yandje, nungwari nga rire ombango yoye omuini ndji mai yenenisiwa.” 43Nu pa munikire omuengeri ngwa zire keyuru ne mu zeuparisa. 44Jesus wa hara omburuma yonḓiro, narire tja kumbire ko nomasa; norukutu rwe rwa tjituka aru sana komata wombinḓu, ndji mai randatere pehi.
45Tja za nokukumba wa sekama, a i kovahongewa ve ne kevevaza ava rara, tjandje va pungarisiwa i oruhoze. 46Jesus wa tjere ku wo: “Mwa rarere tjike? Pendukeye mu kumbe kutja amu ha wire momarorero.”
Jesus ma kamburwa
(Mt 26:47-56; Mk 14:43-50; Jhn 18:3-11)
47Jesus ngunda ama hungire, otjimbumba tjovandu arire tji tje ya ama tji hongorerwa i Judas, umwe wovahongewa mba omurongo na vevari. Eye weya ku Jesus ne mu hupite. 48Nungwari Jesus wa tjere: “Judas, ove mo horora Omuna wOmundu noruhupito are?”
49Ovahongewa mba mba ri puna Jesus tji va muna imbi mbi mavi tjitwa, arire tji va pura ave tja: “Muhona, ngatu ve twere nomangaruvyo?” 50Nu umwe wawo wa ka omukarere wOmupristeri Otjiuru ne mu kondo okutwi kwokunene.
51Nungwari Jesus wa tjere: “Nambano opuwo, amu tjiti otjiṋa ho!” Tjazumba arire tja ṱunu okutwi kwomukarere ne mu verukisa.
52Nu Jesus wa tjere kovapristeri oviuru novatarere vovatjevere vondjuwo ya Muhona mbe ere mbo okuyekumueta: “Mwe ya nomangaruvyo nozongwinya aayo owami omurunde are? 53#Lk 19:47; 21:37Ami mba kara puna eṋe aruhe mondjuwo ya Muhona, nu kamu rorere okundjikambura. Nungwari nambano oruveze rweṋu rwa yenene, indu omasa wonḓorera tji maye honapara.”
Petrus ma pataṋa Jesus
(Mt 26:57-58, 69-75; Mk 14:53-54, 66-72; Jhn 18:12-18, 25-27)
54Owo va kamburire Jesus nave mu twara kondjuwo yOmupristeri Otjiuru; nu Petrus wa kongorera e ri ohumburuko. 55Nu mwa yakisirwe omuriro mokati korupanda rwondjuwo, nu Petrus wa kahaamene puna imba mbaa ve woto omuriro mbwi. 56Omukarere umwe omusuko tje mu muna a haama pomuriro, we mu tara osemba na tja: “Omundu ngwi wina wa ri puna Jesus.”
57Nungwari Petrus wa pataṋa a tja: “Mukazendu, ami omundu ngo hi mu i!”
58Kombunda yanao omundu umwe worive wa muna Petrus na tja: “Ove wina oove umwe waimbo.”
Nungwari Petrus wa zirire a tja: “Mukwetu, kawami ko!”
59Nu kombunda yoiri omundu warwe rukwao wa zeuparisa omambo ngo na tja: “Ouatjiri kutja omundu ngwi wa ri puna Jesus, orondu eye wina Omugalilea!”
60Nungwari Petrus wa zirire a tja: “Mukwetu, ami hi nokutjiwa kutja mo hungire tjike!”
Tjimanga eye ngunda ama hungire, ohunguriva arire tji ya vandara. 61Muhona wa tanauka na tara osemba mu Petrus, nu Petrus arire tja zemburuka omambo Jesus nga hungirire nai ku ye: “Ohunguriva ngunda ai hiya vandara ouṱuku mbunombwi ove tjandje we ndji pataṋa tutatu kutja ko ndji i.” 62Petrus otja pita, narire tja riri tjinene.
Jesus ma nyekererwa nokutonwa
(Mt 26:67-68; Mk 14:65)
63Novarumendu mbaa ve tjevere Jesus ve mu nyekerera nave mu tono. 64Owo ve mu kutjira omurungu nave mu pura ave tja: “Tu raera nu haka kutja owaṋi ngwe ku tono!” 65Nu wina va hungira oviṋa ovingi ovikwao okumuyamburura.
Jesus ma etwa komurungu wOtjira tjOvajuda
(Mt 26:59-66; Mk 14:55-64; Jhn 18:19-24)
66Nu tji pa tji ovanene novapristeri oviuru, nozonongo zomambo va wongara, nu Jesus wa etwa komurungu wotjira tjawo. 67Owo va tja: “Tjinangara oove Omutwirisiwa, tu raera.”
Eye wa zira nai: “Tji mbe mu raere, eṋe kamu nokukambura ko! 68Nu tji mbe mu pura epuriro, kamaamu ziri ko. 69Nungwari okuza ku nai Omuna wOmundu ma kakara pehi kokunene kwa Ndjambi Omunamasaaehe.”
70Avehe arire tji va tja: “Nu oove ngu u ri Omuna wa Ndjambi are?”
Eye wa zira a tja: “Opo mba pu mamu hee: Owami ngu mbi ri ye!”
71Nowo opu va tjera: “Omahongononeno warwe ngu matu hepa, owatjike? Eṱe twa zuu ama hungire notjinyo tje omuini!”
Herero Revision Bible © Bible Society in Namibia, 2021.