LUK 13
13
Pap Aneng Kachipharlep Aro Kithi Alam
1La-apor angkhan arleng lalong wangdosi, Pilat po pot badi Galili kido arleng hel awi kili, anali Arnam yok buli kipi amun marilo, anali lam Jisu yok parjulo. 2Anang analiyok pulo, “Piyok pu tene Galili abang labadi duk kicho Galili abangyok papchot arleng pusi nali chiron do ma? 3Ne naliyok thando, ladi kalek; manta nali pap para aneng chipharleple lengke nali ahuwit ta ladisi prel detne. 4Lale tene Silom long kikem arlonghel anali athak kikrepsi kere narkep arleng thilo, Jerusalem long kido arlengyok ke kamprek hel inghochot pusi nali chirondo ma? 5Ne nali thando, ladi kalek; manta nali pap para chipharleple tene nali ahuwit ta ladisi prel det hlonge.”
Athe Kiwangwe Dumuru Arong Athenghlan
6Aro anang labang athenghlan analiyok pulo, “Ihut arleng anang barik long ki-eh dumuru arong irong kido; anang wangsi athe lang damo manta ipum athe hlonghle yongo.” 7Lasi anang barik kilangpo yok pulo, “Langot, labang nengkan kithom wangsi labang dumuru arongpe athe wang lango aro minonta jatsi thek hlonghle yongot. Labang arongpe yok thunot; anang piyok lungle yok ta pangho ye? 8Aro la-amun anang barik ahemphu yok pulo, “Oh hemphu, labang nengkan isi inghongot, 9Arongpe akung kung ne tuksi aser pido; kiwang anengkan athe wang, tene meye, lane athe wangwe tene, nang arongpe pathu det une.”
Phangkuk Arloso Ihut Kisang-Arni Jisu Kapame
10Kisang-arni Jisu Arnam ahem isi long paklangsi kido. 11Aro langot, nengkan kere-nar kep para kangho ajiuli kachu-usi kisohap ihut arloso kido; anang chinghum detno aro arjap dingke do un-eh. 12Konam Jisu anangyok thekngo, anangyok taramsi pulo, “Ei arloso pe, nang kisohap para jokngot?” 13Aro anang ari anang thak batno aro photsi arjap uno aro Arnam yok parklamo. 14Manta Jisu kisang-arni kiso kapame apot, Arnam ahem kido phu-phangpo aneng kangsi, angpudun si arleng hel thano, “Ni-kansi ili sal tiki un, ladi ni-thorok do; lasi la-arni helke kiso pame un, manta kisang-arni ke wangek.” 15Lalong Hemphu anang yok pulo, “Ei nali nengsik abang, kisang-arni nali chorong lale abithang noselmurep yok hlosi lang kapajun yok wet ponpe ma? 16Holek, kidam nengkan kere-nar kep para si-ik hapsi kido Abraham po achinir labang asope, anang yok kisang-arni phlok un-eh ye ma?” 17Anang ladi kipu amun ahuwit anang huturhel chitharak ngo; aro ahuwit arleng hel anang para ahuwit jortang kido asal katiki theksi aneng arong do detno.
Jamu Amu Athenghlan
(Mot. 13:31-32; Mrk. 4:30-32)
18Lasi Jisu pulo, “Arnam-alongri ke pot badi? Aro pot pente ne labang pangbar nang? 19Labang poke imu jamu amu badi, ihut arleng anang barik long ripmo aro bangpo thesi arong chiplango aro anang angsong wohel wangsi labang arolong atar pataro, longri po labadi.”
Thengkur Athenghlan Alam
(Mot. 13:33)
20Aro anang pu phakngo, “Ne pot pen Arnam-alongri pangbar nang? 21Jipe athengkur ihut arloso pe ensi, ho-thom him aduk long, ajaldung kang detde leng yok dip klaksi bilo, bangpo badi labang alongri.”
Owa Akibek
(Mot. 7:13-14)
22Jisu rongso pen rongpe hel asitem anang damo, aro arleng helyok paharsi paklangsi, Jerusalem yok damo. 23Inghone bakpo anangyok arjulo, “Hemphu, inghosi joknge, anali bekso det ma?” 24Jisu analiyok pu phakngo, “Owa akibek aga kilut dam yok nali mesone tiki; piyok pu tene ako-ong arleng, ne nali thando, kidam yok bisare aro lutdun un-eh ye. 25Konam hempo ahemphu thure aro owapo inghap klaknge, aro nali mokol along arjapsi dohlonge aro owalong arki pisi puye, “Hemphu, haliyok owapo ingpu pinot,” laparake anang wang puye, “Nali daklong abang, ne nali chinine.” 26La-amun nali ke pu ye, “Nang pensi hali cholo aro juno, aro hali duwar long nang paklango.” 27Manta anang puye, “Ne nali thando, nali daklong parasi wangdo, ne nali chinine; ei nali kangho katiki abang, nedung para damot!” 28Konam nali Abraham po, Aijak po, Jakup po aro turki hel ahuwityok Arnam longri long kido abang, aro nali bithang yok, mokol nali kiwar thek hlonge, la-amun lalong suru ching-ak hlonge aro aso chingkrep hlonge. 29Laparake ni-hang, ni-chel, ni-tang pen ni-ting para arleng hel wangsi Arnam-alongri long chojun ahong long ininge. 30Aro langot, angkhan ango abang kapaphel chiplange, aro angkhan kapaphel abang ango kachiplange abang do ye.”
Jisu Jerusalemyok Aneng Kido
(Mot. 23:37-39)
31La-amunsi angkhan Pharisi hel Jisu adung wangsi anangyok pulo, “Nang holek para dakne bakyok dam mot, piyok pu tene Herod po nangyok kamari yok oledo.” 32Jisu anali yok pu phakngo, “Damne labang mingsurung poyok than, langot, mini aro minapyok ke ne si-ik hel ujhardo aro kiso pamedo aro ni-thom arni ne sal patange. 33Yongta mini, minap aro aphel arni nebithang dampen hlonge; piyok pu tene turki ihut Jerusalem para mokol along mari un-eh.” 34Ei Jerusalem, Jerusalem, turki helyok kamari arongpe, aro holek wang kitol abang yok arlong kiwar arongpe! Ne wope awengkong arlo aso helyok kachikruk badi, ne nali so-suhel konbak kachikruk ponyok hrilo, aro nali chikengke yongo! 35Langot, nang hempo nangyok tikango aro ne nali than bang, “Inghosi Hemphu amen pen wangsi do, anang bor-eh chok, labang alam nali chipupe lengke, nali nethek hlonghle ye.”
Currently Selected:
LUK 13: AMRI-BSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
LUK 13
13
Pap Aneng Kachipharlep Aro Kithi Alam
1La-apor angkhan arleng lalong wangdosi, Pilat po pot badi Galili kido arleng hel awi kili, anali Arnam yok buli kipi amun marilo, anali lam Jisu yok parjulo. 2Anang analiyok pulo, “Piyok pu tene Galili abang labadi duk kicho Galili abangyok papchot arleng pusi nali chiron do ma? 3Ne naliyok thando, ladi kalek; manta nali pap para aneng chipharleple lengke nali ahuwit ta ladisi prel detne. 4Lale tene Silom long kikem arlonghel anali athak kikrepsi kere narkep arleng thilo, Jerusalem long kido arlengyok ke kamprek hel inghochot pusi nali chirondo ma? 5Ne nali thando, ladi kalek; manta nali pap para chipharleple tene nali ahuwit ta ladisi prel det hlonge.”
Athe Kiwangwe Dumuru Arong Athenghlan
6Aro anang labang athenghlan analiyok pulo, “Ihut arleng anang barik long ki-eh dumuru arong irong kido; anang wangsi athe lang damo manta ipum athe hlonghle yongo.” 7Lasi anang barik kilangpo yok pulo, “Langot, labang nengkan kithom wangsi labang dumuru arongpe athe wang lango aro minonta jatsi thek hlonghle yongot. Labang arongpe yok thunot; anang piyok lungle yok ta pangho ye? 8Aro la-amun anang barik ahemphu yok pulo, “Oh hemphu, labang nengkan isi inghongot, 9Arongpe akung kung ne tuksi aser pido; kiwang anengkan athe wang, tene meye, lane athe wangwe tene, nang arongpe pathu det une.”
Phangkuk Arloso Ihut Kisang-Arni Jisu Kapame
10Kisang-arni Jisu Arnam ahem isi long paklangsi kido. 11Aro langot, nengkan kere-nar kep para kangho ajiuli kachu-usi kisohap ihut arloso kido; anang chinghum detno aro arjap dingke do un-eh. 12Konam Jisu anangyok thekngo, anangyok taramsi pulo, “Ei arloso pe, nang kisohap para jokngot?” 13Aro anang ari anang thak batno aro photsi arjap uno aro Arnam yok parklamo. 14Manta Jisu kisang-arni kiso kapame apot, Arnam ahem kido phu-phangpo aneng kangsi, angpudun si arleng hel thano, “Ni-kansi ili sal tiki un, ladi ni-thorok do; lasi la-arni helke kiso pame un, manta kisang-arni ke wangek.” 15Lalong Hemphu anang yok pulo, “Ei nali nengsik abang, kisang-arni nali chorong lale abithang noselmurep yok hlosi lang kapajun yok wet ponpe ma? 16Holek, kidam nengkan kere-nar kep para si-ik hapsi kido Abraham po achinir labang asope, anang yok kisang-arni phlok un-eh ye ma?” 17Anang ladi kipu amun ahuwit anang huturhel chitharak ngo; aro ahuwit arleng hel anang para ahuwit jortang kido asal katiki theksi aneng arong do detno.
Jamu Amu Athenghlan
(Mot. 13:31-32; Mrk. 4:30-32)
18Lasi Jisu pulo, “Arnam-alongri ke pot badi? Aro pot pente ne labang pangbar nang? 19Labang poke imu jamu amu badi, ihut arleng anang barik long ripmo aro bangpo thesi arong chiplango aro anang angsong wohel wangsi labang arolong atar pataro, longri po labadi.”
Thengkur Athenghlan Alam
(Mot. 13:33)
20Aro anang pu phakngo, “Ne pot pen Arnam-alongri pangbar nang? 21Jipe athengkur ihut arloso pe ensi, ho-thom him aduk long, ajaldung kang detde leng yok dip klaksi bilo, bangpo badi labang alongri.”
Owa Akibek
(Mot. 7:13-14)
22Jisu rongso pen rongpe hel asitem anang damo, aro arleng helyok paharsi paklangsi, Jerusalem yok damo. 23Inghone bakpo anangyok arjulo, “Hemphu, inghosi joknge, anali bekso det ma?” 24Jisu analiyok pu phakngo, “Owa akibek aga kilut dam yok nali mesone tiki; piyok pu tene ako-ong arleng, ne nali thando, kidam yok bisare aro lutdun un-eh ye. 25Konam hempo ahemphu thure aro owapo inghap klaknge, aro nali mokol along arjapsi dohlonge aro owalong arki pisi puye, “Hemphu, haliyok owapo ingpu pinot,” laparake anang wang puye, “Nali daklong abang, ne nali chinine.” 26La-amun nali ke pu ye, “Nang pensi hali cholo aro juno, aro hali duwar long nang paklango.” 27Manta anang puye, “Ne nali thando, nali daklong parasi wangdo, ne nali chinine; ei nali kangho katiki abang, nedung para damot!” 28Konam nali Abraham po, Aijak po, Jakup po aro turki hel ahuwityok Arnam longri long kido abang, aro nali bithang yok, mokol nali kiwar thek hlonge, la-amun lalong suru ching-ak hlonge aro aso chingkrep hlonge. 29Laparake ni-hang, ni-chel, ni-tang pen ni-ting para arleng hel wangsi Arnam-alongri long chojun ahong long ininge. 30Aro langot, angkhan ango abang kapaphel chiplange, aro angkhan kapaphel abang ango kachiplange abang do ye.”
Jisu Jerusalemyok Aneng Kido
(Mot. 23:37-39)
31La-amunsi angkhan Pharisi hel Jisu adung wangsi anangyok pulo, “Nang holek para dakne bakyok dam mot, piyok pu tene Herod po nangyok kamari yok oledo.” 32Jisu anali yok pu phakngo, “Damne labang mingsurung poyok than, langot, mini aro minapyok ke ne si-ik hel ujhardo aro kiso pamedo aro ni-thom arni ne sal patange. 33Yongta mini, minap aro aphel arni nebithang dampen hlonge; piyok pu tene turki ihut Jerusalem para mokol along mari un-eh.” 34Ei Jerusalem, Jerusalem, turki helyok kamari arongpe, aro holek wang kitol abang yok arlong kiwar arongpe! Ne wope awengkong arlo aso helyok kachikruk badi, ne nali so-suhel konbak kachikruk ponyok hrilo, aro nali chikengke yongo! 35Langot, nang hempo nangyok tikango aro ne nali than bang, “Inghosi Hemphu amen pen wangsi do, anang bor-eh chok, labang alam nali chipupe lengke, nali nethek hlonghle ye.”
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.