LUK 16
16
Kire-set Hem Kihon Salchakthe
1Laparake Jisu adun helyok pulo, “Dakne bak ihut hem-kime arleng kido, aro anang hem apuru kihonpi salchakthe kido; aro anang hem apuru kihonpi salchakthepo boi-bihini hel lapara panghon pido pusi anangyok ado kolo. 2Lasi anang salchakthe poyok taramsi pulo, “Ne lamehel pot te nang lam arju hlongdo? Nang kilang salchakthe alekha ne paklang, piyok pu tene nang nehem kilang salchakthe aro chiplang un-eh ye.” 3Laparake labang kihon apuru salchakthe po abithang chipulo, “Ne hemphupo apuru asal para neterek do, la-apot ne pot tiki nangbo? Lungle kitak yokta nejakong ingjongo, aro kachohang-wor ayok ta ne tharak meme. 4Konam ne kilangpon phuphang nepatikang tene, arleng hel anali hemlong ne chingden pameyok nekataram amun pot tikinange, ne thekngo.” 5Lasi, anang bithang ahemphu poyok abangten dhar kicho abangyok taramsi, angopo yok arjulo, “Nang nehemphu po yok konbak kipime dolang?” Anang pulo,“Pharo isi amon olip ajangthu.” 6La amun puru salchakthepo pulo, “Nang, labang alekha enot, iningot, kep phongo pune winot.” 7La-amun prek ihutpo yok arjulo, “Nangke konbak kipime dolang?” Anang pulo, “Ata bosta phoro isi.” La amun puru salchakthepo anangyok pulo, nang labang alekha alo enot, angkol phili pune winot.” 8Labang kamango puru salchakthepo aphel-ango chilang si labadi kire asal katiki apot parklamo; piyok pu tene katha-ang kido asoyok ke labang owe aso-su hel abithang ajat aphan arleng hel akire chot. 9Aro ne naliyok thando, nali apuru pensi khoi chibiman la-amun labang or-ro pu tene, anali ki-or-eh len kido ahem long naliyok chidenge. 10“Inghosi akibekso alamyokta krolman anangke layok ongchot yokta krolman; aro inghosi bekso alam yokta mengme, anangke akithe alam yokta kimengme det. 11Lasi nali apuru helyok krol thekthe, tene khanangke ingho naliyok krolsi pi ye? 12Aro bang ihut abihini yok krol thekthe yongo, tene nali abithang abihini yongta nali rideng inghote piye? 13Murkiya ihut bang-hini ahemphu long sal tiki un-eh, piyok pu tene anang ihut yok ke seye, prek ihut yok ke nengdoknge, lale ihut yok ke neng pangsame aro kamprek yok ke lang morek nge. Nali Arnam aro boi bihini apuru inan tiki un-eh.”
Kanong Aro Arnam-Longri
14Pharisi hel, nohok alot kido, lamehel ahuwit alam arjulo, aro anali Jisu yok patharakngo. 15Lasi anang analiyok pulo, “Nali bang angot abithangyok dhorom kangthir kapaklang abang; manta Arnam ke nali ingthin thek kreng; piyok pu tene arleng asitem pot akime banta pusi chiron, Arnam amahang semsemke, labang ke akisim. 16“Johon Baptist po kiwang apor yok kanong aro turki hel lamthe mengsi kido. Laparake Arnam-alongri aphan kime- alamthe paharo, aro abangten abithang aneng pensi lut pondo. 17Manta kanong alam ithe kiprel yok ke ethakpe pen pirthimipe kiprelsi jalso chot. 18Ingho abithang apiso yok sesi bang apiso en phakdo anangke kangho donerdo aro inghosi apihan yok sesi bang apihan en-phakdo anangta kangho donerman.
Hem Kime Arleng Pen Lajarpo
19Dakne ihut hem kime arleng kido; anang hapek arohon aro kang-ar ape chi-iksi, ajatjat kicho honjoksi arnita nengrong kido. 20Aro hem honthulong Lajaras pusi ihut kicho kangwe arleng kido, anang abang amek detsi kido, 21aro labang hem-kime kicho ahong para kachidat helsi anang chipangkrang aneng kido; hik hel wange aro anang abang amek chongleknge ladisi kido. 22Arni damtangsi kicho kangwe arlengpo thilo, aro Arnam tharlon hel Abraham po adung anangyok pono. La-aphel labang hem-kime arlengpo ta thilo aro thiri long bilo. 23Jom along ke, lalong anang aduk hlongo, anang lango aro akahlo long Abraham po yok aro anang kung Lajar po yokta thekngo. 24Anang hangwongsi pulo, “O pa Abraham po, neyok jinsonot, Lajaras po ari munso kijok alang bekso, nedelong pangsam ayok tolnot, piyok pu tene labang me akarlong ne aduk ongdo.” 25Manta Abraham po pulo, “Oso po, nang ke hrengsi kido amun nangbithang kime abihini pen nengrong kido, aro Lajaras po akangho abihini kihlong; manta minonke anang holek long nengsam hlongdo, aro nangke aduk hlong do, labang chipurki. 26La-aparke, hali pen nang sitem, karnuk harang dokuk do; la-long anengdo yong ta, arleng holek para nangdung longyok arpatke dam un-eh; aro nang kido para ta chirpat ke hali dung wang un-eh.” 27La-amun hem-kimepo pulo, “Tene O pa Abraham, nang chirdom do, Lajaras po yok ne pa ahemyok tol not— 28piyok pu tene nemuso bang-phongo do— Lajaras po lahel yok pasarekdam une, lale tene labang aduk-ong athem wanghlonge.” 29Abraham po pulo, “Nang musohel yok meso kapadoyok ke Mosi po pen turkihel alamthe do; nang musohel anali kithan hel parju nang.” 30Aro hem kimepo pulo, “Ladi kalek, pa Abraham po; manta kithi asitem para inghone bak ihut lahel adung dam tenesi analipap aneng chipharlepme.” 31Abraham po anangyok pulo, “Mosi po aro turki hel alamthe onene, pu tene inghone bak kithi asitem para burphak yongta, anali krol penpe ye.”
Currently Selected:
LUK 16: AMRI-BSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
LUK 16
16
Kire-set Hem Kihon Salchakthe
1Laparake Jisu adun helyok pulo, “Dakne bak ihut hem-kime arleng kido, aro anang hem apuru kihonpi salchakthe kido; aro anang hem apuru kihonpi salchakthepo boi-bihini hel lapara panghon pido pusi anangyok ado kolo. 2Lasi anang salchakthe poyok taramsi pulo, “Ne lamehel pot te nang lam arju hlongdo? Nang kilang salchakthe alekha ne paklang, piyok pu tene nang nehem kilang salchakthe aro chiplang un-eh ye.” 3Laparake labang kihon apuru salchakthe po abithang chipulo, “Ne hemphupo apuru asal para neterek do, la-apot ne pot tiki nangbo? Lungle kitak yokta nejakong ingjongo, aro kachohang-wor ayok ta ne tharak meme. 4Konam ne kilangpon phuphang nepatikang tene, arleng hel anali hemlong ne chingden pameyok nekataram amun pot tikinange, ne thekngo.” 5Lasi, anang bithang ahemphu poyok abangten dhar kicho abangyok taramsi, angopo yok arjulo, “Nang nehemphu po yok konbak kipime dolang?” Anang pulo,“Pharo isi amon olip ajangthu.” 6La amun puru salchakthepo pulo, “Nang, labang alekha enot, iningot, kep phongo pune winot.” 7La-amun prek ihutpo yok arjulo, “Nangke konbak kipime dolang?” Anang pulo, “Ata bosta phoro isi.” La amun puru salchakthepo anangyok pulo, nang labang alekha alo enot, angkol phili pune winot.” 8Labang kamango puru salchakthepo aphel-ango chilang si labadi kire asal katiki apot parklamo; piyok pu tene katha-ang kido asoyok ke labang owe aso-su hel abithang ajat aphan arleng hel akire chot. 9Aro ne naliyok thando, nali apuru pensi khoi chibiman la-amun labang or-ro pu tene, anali ki-or-eh len kido ahem long naliyok chidenge. 10“Inghosi akibekso alamyokta krolman anangke layok ongchot yokta krolman; aro inghosi bekso alam yokta mengme, anangke akithe alam yokta kimengme det. 11Lasi nali apuru helyok krol thekthe, tene khanangke ingho naliyok krolsi pi ye? 12Aro bang ihut abihini yok krol thekthe yongo, tene nali abithang abihini yongta nali rideng inghote piye? 13Murkiya ihut bang-hini ahemphu long sal tiki un-eh, piyok pu tene anang ihut yok ke seye, prek ihut yok ke nengdoknge, lale ihut yok ke neng pangsame aro kamprek yok ke lang morek nge. Nali Arnam aro boi bihini apuru inan tiki un-eh.”
Kanong Aro Arnam-Longri
14Pharisi hel, nohok alot kido, lamehel ahuwit alam arjulo, aro anali Jisu yok patharakngo. 15Lasi anang analiyok pulo, “Nali bang angot abithangyok dhorom kangthir kapaklang abang; manta Arnam ke nali ingthin thek kreng; piyok pu tene arleng asitem pot akime banta pusi chiron, Arnam amahang semsemke, labang ke akisim. 16“Johon Baptist po kiwang apor yok kanong aro turki hel lamthe mengsi kido. Laparake Arnam-alongri aphan kime- alamthe paharo, aro abangten abithang aneng pensi lut pondo. 17Manta kanong alam ithe kiprel yok ke ethakpe pen pirthimipe kiprelsi jalso chot. 18Ingho abithang apiso yok sesi bang apiso en phakdo anangke kangho donerdo aro inghosi apihan yok sesi bang apihan en-phakdo anangta kangho donerman.
Hem Kime Arleng Pen Lajarpo
19Dakne ihut hem kime arleng kido; anang hapek arohon aro kang-ar ape chi-iksi, ajatjat kicho honjoksi arnita nengrong kido. 20Aro hem honthulong Lajaras pusi ihut kicho kangwe arleng kido, anang abang amek detsi kido, 21aro labang hem-kime kicho ahong para kachidat helsi anang chipangkrang aneng kido; hik hel wange aro anang abang amek chongleknge ladisi kido. 22Arni damtangsi kicho kangwe arlengpo thilo, aro Arnam tharlon hel Abraham po adung anangyok pono. La-aphel labang hem-kime arlengpo ta thilo aro thiri long bilo. 23Jom along ke, lalong anang aduk hlongo, anang lango aro akahlo long Abraham po yok aro anang kung Lajar po yokta thekngo. 24Anang hangwongsi pulo, “O pa Abraham po, neyok jinsonot, Lajaras po ari munso kijok alang bekso, nedelong pangsam ayok tolnot, piyok pu tene labang me akarlong ne aduk ongdo.” 25Manta Abraham po pulo, “Oso po, nang ke hrengsi kido amun nangbithang kime abihini pen nengrong kido, aro Lajaras po akangho abihini kihlong; manta minonke anang holek long nengsam hlongdo, aro nangke aduk hlong do, labang chipurki. 26La-aparke, hali pen nang sitem, karnuk harang dokuk do; la-long anengdo yong ta, arleng holek para nangdung longyok arpatke dam un-eh; aro nang kido para ta chirpat ke hali dung wang un-eh.” 27La-amun hem-kimepo pulo, “Tene O pa Abraham, nang chirdom do, Lajaras po yok ne pa ahemyok tol not— 28piyok pu tene nemuso bang-phongo do— Lajaras po lahel yok pasarekdam une, lale tene labang aduk-ong athem wanghlonge.” 29Abraham po pulo, “Nang musohel yok meso kapadoyok ke Mosi po pen turkihel alamthe do; nang musohel anali kithan hel parju nang.” 30Aro hem kimepo pulo, “Ladi kalek, pa Abraham po; manta kithi asitem para inghone bak ihut lahel adung dam tenesi analipap aneng chipharlepme.” 31Abraham po anangyok pulo, “Mosi po aro turki hel alamthe onene, pu tene inghone bak kithi asitem para burphak yongta, anali krol penpe ye.”
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.