Markus 15
15
Mwopp dum kihh Jesu dyeell tekhem Govno Bilatus
(Mat 27:1,2,11-14; Luk 23:1-5; Yoh 18:28-38)
1Dooldyeell, bhi prist wu'nan kihh mwoohnan mwopp kihh Mhikamm-w'aar, kihhsheh kihh mhi To'ng-Mhi'nan ni mwopp bheett bii w'u p'ee sh'in kihh Jesu. 2Bhi mwopp dyan nyi kihh tengg, mwopp dum pihh Bilatus. Bhi Bilatus nang phi Jesu le, “A gha a Miskakhamm khi Zhepp Yahuda shi aa'?”
Jesu lapp nyi satt le, “Ghi satt a nyi seh.” 3Prist Wu'nan ni mwopp ji kihh v'ur waamatt dhess kaah Jesu. 4Bhi Bilatus waa nang dyi phi Jesu le, “Kan gha p'ee pring mee'bii maah? Kan ghi klihng v'ur bii w'u mwopp phi satt nyi kaah gha seh maah?”
5Weett kihhsheh bhi baah Jesu pring mee'bii mou, bhi bii ni aa'phi Bilatus pwetd.
6Gyet sh'i Ku'khur Mettkaah bhi govno kihh lokhot kihh shang m'ee laa'shakhat w'u gurum ni mwopp dhang phi nyi tihh shang. 7Gyet m'ee gurum w'u shumm nyi a Barabbas nhighin luh'shakhat kihshag kihh mhinin mhi-pwoobhangg mwopp w'u gyet mwopp sh'in tu'kaah sh'i m'ee pwoobhangg w'u gyet mwopp sh'in. 8Dw'uu gurum ni mwopp dhang phi Bilatus le gw'ar sh'in bii w'u gw'ar kihh lokhot sh'in nyi runn.
9Bhi Bilatus nang phi mwopp le, “Wu kihh dh'om tihh a shang a Miskakhamm khi Zhepp Yahuda shi wunn bwaatt?” 10Bilatus nang kihhsheh pee'rooh man le a zhikhirr kyekk l'e tihh mwopp ji kihh Jesu riy. 11Bhi prist wu'nan mwopp zhwag gurum ni mwopp le nw'aa dhang phi Bilatus tihh gw'ar shang diy a Barabbas, tapp a Jesu mou.
12Bilatus nang phi mwopp le, “T'o, dheeh a'n p'ee sh'in mihyeh kihh gwooh w'u wu kihh peet miskakhamm khi Zhepp Yahuda seh?”
13Bhi mwopp lapp nyi bi'eem phishag kihh dhekheh ru bhall-bhall le, “Ghi pwas nyi kih sheepmuutt oou!”
14Bhi Bilatus nang phi mwopp le, “Hah, a'n p'ee pwas nyi a p'ee mihyeh? Sh'in a m'ee wu'bis wu'ranggyeh?”
Weett kihhsheh bhi mwopp sihkhitt shatt waaw chapp-chapp mwopp le, “Ghi pihpwas nyi ee'h 'y!”
15Pee'rooh Bilatus kihh t'ang sh'in bii w'u tihh rett diy yit dw'uu gurum ni mwopp, bhi shang Barabbas luh'shakhat. Bwoonrooh l'e tihh mwopp fwa gw'am diy Jesu, bhi pihh nyi tihh mwopp dum pwas kih sheepmuutt.
Mhi'lek mwopp nwang'zhung Jesu
(Mat 27:27-31; Yoh 19:2-3)
16A nyi seh, bhi mhi'lek ni mwopp dhel kihh Jesu dhighin luhfwaann khi Govno ni w'u mwopp kihh peet Pretoriyum, bhi mwopp perrep kapp mhi'lek w'u dhighin kampani mhi'lek ni mwopp lhija okhor Jesu. 17Mwopp lop m'ee bh'aar w'u a shik glum'paatt nyi, yakhal mwopp mwet ghir kaa gossoklong se mwopp byang kaah nyi. 18Bhi mwopp y'aa peet nyi satt kihh dhekheh ruh bhall-bhall le, “Mu tog kihh gha 'y, Daah miskakhamm khi Zhepp Yahuda!” 19Mwopp m'ang kaah nyi sram kihh kam wu'ba'ba, yakhal mwopp kihh pwas zool shenn kih nyi. Mwopp kihh kwarram kih fr'um ruh mwopp kihh sh'in togpee fwaann mhi nwang'zhung diy nyi. 20Bwoonrooh mwopp nwang'zhung nyi matt, bhi mwopp shang bh'aar w'u a glum'paatt seh lhi'baa, bhi mwopp rwan looh mhinyi nyi. Bhi mwopp put kihh nyi p'ee dum pwas kih sheepmuutt.
Mwopp pwas Jesu kih sheepmuutt
(Mat 27:32-44; Luk 23:26-43; Yoh 19:17-27)
21M'ee Gu-Siiren w'u shumm nyi a Siman, puup khi Alekzanda mwopp kihh Rufus, gyet kih tong kihtekhell ji p'ee dhel dhighin khishikhitt Urshalima, bhi mwopp le'ching nyi tihh m'ang sheepmuutt khi Jesu ni diy. 22Mwopp dum kihh Jesu m'ee pee w'u mwopp kihh peet Golgota (shiiy khi Golgota ni a Kih Yesskaah.) 23Kaarooh mwopp dum wull, bhi mwopp pihh am'anab w'u roob kihh m'ee yen tu'shwal w'u mwopp kihh peet mirh nyi, dhangg dh'om shwaa nyi mou. 24Bwoonrooh mwopp pwas nyi, bhi mwopp shap looh'lop khinyi shut sh'i wangg'mang tihh mwopp naah bii w'u kooh a meeh ruh wu'rangg p'ee kad nyi diy. 25Mwopp pwas Jesu ni a kaa gonggpee wu'pwoghofeerr se. 26Ra'n-sattshiiy wu'bis w'u mwopp le gw'ar sh'in seh a kihhshe: MISKAKHAMM KHI ZHEPP YAHUDA.
27Mwopp pwas m'ee watt mwopp vel zag kihshag kihh Jesu, wu'zeh sarrsoh, wu'zeh sarr'kul, kooh meehrangg kih sheepmuutt m'iin. 28A kihhsheh bhi Ran'wubhangg gam w'u satt le, “Mwopp m'ang nyi a kihmeh dhighin mhi-dhakk'wubis mwopp.”#15:28 Pakk r'an ni mwopp kihh ta'ng w'u 28 mou. 29Gurum w'u mwopp kihh ja dhel arr nhighin mwopp kihh fullup Jesu pwetd, mwopp kihh giht kaah ruh mwopp kihh satt le, “Kongg e'h! Gha w'u ghi le gha p'ee mak rumm LuhNaan yakhal ghi shikhir ghi dyik dhighin t'eer kunn shi, 30dheeh ghi bham sak ghi sam dhak kih sheepmuutt o'h!”
31Prist wu'nan kihh Mhikamm-w'aar mwopp kihh nwang'zhung nyi a kihhsheh zag, mwopp kihh satt shag le, “Bham mwoohzeh dhangg baah mak bham shin mou! 32Mu tong tihh mu naah kihpee Kristi kihh Miskakhamm khi Isra'ila mhize kihh sam diy kih sheepmuutt, bhi munn p'ee pihhzeenn nyi.” Watt w'u mwopp pwas mwopp kihshag kihh nyi seh mwopp m'ang nyi fullup zag.
Muutt khi Jesu
(Mat 27:45-56; Luk 23:44-49; Yoh 19:28-30)
33Gonggpee wu'kaghapaad baa'vel mhi puus bhi pee taah'kwoo koohneeh dhighin yill ni, harr sam wull gonggpee wu'kunn. 34Kaarooh gonggpee wu'kunn wull, bhi Jesu eep dhekheh niy satt le, “Eloi, Eloi, lama sabak-tani?” Shiiy khinyi a, “Daah Naan keena, Daah Naan keena, ghi shikhir kihbwoon gha a'n a ranggyeh?”#15:34 KoogNaan 22:1
35Kaarooh pakk mwooh kihh dyarrang kuss mwopp klihng bii w'u satt seh, bhi mwopp satt le, “Hy'e! Wu klihng a'ng? Nyi phi peet a Iliya 'y.” 36Bhi m'ee gurum shi dum log lizpuz kihh am'anab wu'dhood bwakhat pwoo kam, tupp pwoo Jesu tihh shwaa. Gwoh ni satt le, Yet nyi diy. Yet tihh mu naah kihpee Iliya kihh shang nyi diy lhi'baa kih sheepmuutt ni.
37Jesu eep dhekheh niy bhall-bhall, bhi sihkhitt n'ook mhi muutt del. 38Bhi fwaat-pwooluh mhi LuhNaan tee sag sam putt, shap vel. 39Kaarooh kaptin khi mhi'lek wu'dyinn kihh dharr kihkyeen Jesu klihng dhekheh nyi, yakhal naah arr w'u m'uut diy, bhi satt le, “Baah m'ee satt kihhshe, gwoh mhize ni a L'aa khi Naan kan!”
40M'ee shwarab mwopp gyet nhighin; mwopp dyarrang zhong-zhong mwopp kihh naah bii w'u kihh dum diy. Dhighin shwarab mhizeh ni mwopp bhi gyet Maryamu Magdalin, kihh Maryamu w'u a nhikhin khi Yakub wu'shomm mwopp kihh Joses, kihh Salomi nhighin. 41Shwarab mhizeh ni mwopp a mwooh gyet mwopp tong Galili ka diy dang Jesu tihh mwopp kihh lyap bii'kwatshiin khinyi diy. Pakk m'ee shwarab dyi dhess w'u gyet mwopp tong Galili ka dang nyi mwopp nhighin zag.
Mwopp wum Jesu
(Mat 27:57-61; Luk 23:50-56; Yoh 19:38-42)
42Nyi gyet a p'ar puus w'u mwopp kihh peet Puus Dhakkshik; kih dhi'dhaarr ni bhi a Puus Nookdyi. Kaarooh kan'sihkhin kihh t'ang sh'in, 43bhi Yusufu w'u a m'ee Gu-Arimatiya ji. Nyi gyet a m'ee gwooh bhall-bhall dhighin To'ng-Mhi'nan ni. Gwoh ni gyet a m'ee gwooh kihh le'yit naah ji khi dhenglong khi Naan. Bhi gan-en niy dum nang kumm Jesu diy phi Bilatus. 44Aa'phi Bilatus pwetd kihh rooh klihng kan Jesu baa shikhir m'uut. Bhi peet kaptin khi mhi'lek wu'dyinn nhighin seh nang kooh kyed Jesu baa shikhir m'uut aa'h. 45Kaarooh Bilatus klihng phi Kaptin nyi le nyi a kihhsheh, bhi pihh kumm Jesu ni Yusufu. 46Bhi Yusufu dum seett fwaat linen, bhi shang kumm Jesu kih sheepmuutt mwet dhighin, bhi dum dhen dhighin m'ee kihshirr w'u mwopp slak shi'bwut pangg, bhi byit gag m'ee elleng oghod phi kihshirr ni diy. 47Maryamu Magdalin mwopp kihh Maryamu w'u a nhikhin khi Joses mwopp naah pee w'u mwopp wum Jesus ni diy.
Currently Selected:
Markus 15: Chakfem
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
©️2022 Luke Initiative for Scripture Translation
Markus 15
15
Mwopp dum kihh Jesu dyeell tekhem Govno Bilatus
(Mat 27:1,2,11-14; Luk 23:1-5; Yoh 18:28-38)
1Dooldyeell, bhi prist wu'nan kihh mwoohnan mwopp kihh Mhikamm-w'aar, kihhsheh kihh mhi To'ng-Mhi'nan ni mwopp bheett bii w'u p'ee sh'in kihh Jesu. 2Bhi mwopp dyan nyi kihh tengg, mwopp dum pihh Bilatus. Bhi Bilatus nang phi Jesu le, “A gha a Miskakhamm khi Zhepp Yahuda shi aa'?”
Jesu lapp nyi satt le, “Ghi satt a nyi seh.” 3Prist Wu'nan ni mwopp ji kihh v'ur waamatt dhess kaah Jesu. 4Bhi Bilatus waa nang dyi phi Jesu le, “Kan gha p'ee pring mee'bii maah? Kan ghi klihng v'ur bii w'u mwopp phi satt nyi kaah gha seh maah?”
5Weett kihhsheh bhi baah Jesu pring mee'bii mou, bhi bii ni aa'phi Bilatus pwetd.
6Gyet sh'i Ku'khur Mettkaah bhi govno kihh lokhot kihh shang m'ee laa'shakhat w'u gurum ni mwopp dhang phi nyi tihh shang. 7Gyet m'ee gurum w'u shumm nyi a Barabbas nhighin luh'shakhat kihshag kihh mhinin mhi-pwoobhangg mwopp w'u gyet mwopp sh'in tu'kaah sh'i m'ee pwoobhangg w'u gyet mwopp sh'in. 8Dw'uu gurum ni mwopp dhang phi Bilatus le gw'ar sh'in bii w'u gw'ar kihh lokhot sh'in nyi runn.
9Bhi Bilatus nang phi mwopp le, “Wu kihh dh'om tihh a shang a Miskakhamm khi Zhepp Yahuda shi wunn bwaatt?” 10Bilatus nang kihhsheh pee'rooh man le a zhikhirr kyekk l'e tihh mwopp ji kihh Jesu riy. 11Bhi prist wu'nan mwopp zhwag gurum ni mwopp le nw'aa dhang phi Bilatus tihh gw'ar shang diy a Barabbas, tapp a Jesu mou.
12Bilatus nang phi mwopp le, “T'o, dheeh a'n p'ee sh'in mihyeh kihh gwooh w'u wu kihh peet miskakhamm khi Zhepp Yahuda seh?”
13Bhi mwopp lapp nyi bi'eem phishag kihh dhekheh ru bhall-bhall le, “Ghi pwas nyi kih sheepmuutt oou!”
14Bhi Bilatus nang phi mwopp le, “Hah, a'n p'ee pwas nyi a p'ee mihyeh? Sh'in a m'ee wu'bis wu'ranggyeh?”
Weett kihhsheh bhi mwopp sihkhitt shatt waaw chapp-chapp mwopp le, “Ghi pihpwas nyi ee'h 'y!”
15Pee'rooh Bilatus kihh t'ang sh'in bii w'u tihh rett diy yit dw'uu gurum ni mwopp, bhi shang Barabbas luh'shakhat. Bwoonrooh l'e tihh mwopp fwa gw'am diy Jesu, bhi pihh nyi tihh mwopp dum pwas kih sheepmuutt.
Mhi'lek mwopp nwang'zhung Jesu
(Mat 27:27-31; Yoh 19:2-3)
16A nyi seh, bhi mhi'lek ni mwopp dhel kihh Jesu dhighin luhfwaann khi Govno ni w'u mwopp kihh peet Pretoriyum, bhi mwopp perrep kapp mhi'lek w'u dhighin kampani mhi'lek ni mwopp lhija okhor Jesu. 17Mwopp lop m'ee bh'aar w'u a shik glum'paatt nyi, yakhal mwopp mwet ghir kaa gossoklong se mwopp byang kaah nyi. 18Bhi mwopp y'aa peet nyi satt kihh dhekheh ruh bhall-bhall le, “Mu tog kihh gha 'y, Daah miskakhamm khi Zhepp Yahuda!” 19Mwopp m'ang kaah nyi sram kihh kam wu'ba'ba, yakhal mwopp kihh pwas zool shenn kih nyi. Mwopp kihh kwarram kih fr'um ruh mwopp kihh sh'in togpee fwaann mhi nwang'zhung diy nyi. 20Bwoonrooh mwopp nwang'zhung nyi matt, bhi mwopp shang bh'aar w'u a glum'paatt seh lhi'baa, bhi mwopp rwan looh mhinyi nyi. Bhi mwopp put kihh nyi p'ee dum pwas kih sheepmuutt.
Mwopp pwas Jesu kih sheepmuutt
(Mat 27:32-44; Luk 23:26-43; Yoh 19:17-27)
21M'ee Gu-Siiren w'u shumm nyi a Siman, puup khi Alekzanda mwopp kihh Rufus, gyet kih tong kihtekhell ji p'ee dhel dhighin khishikhitt Urshalima, bhi mwopp le'ching nyi tihh m'ang sheepmuutt khi Jesu ni diy. 22Mwopp dum kihh Jesu m'ee pee w'u mwopp kihh peet Golgota (shiiy khi Golgota ni a Kih Yesskaah.) 23Kaarooh mwopp dum wull, bhi mwopp pihh am'anab w'u roob kihh m'ee yen tu'shwal w'u mwopp kihh peet mirh nyi, dhangg dh'om shwaa nyi mou. 24Bwoonrooh mwopp pwas nyi, bhi mwopp shap looh'lop khinyi shut sh'i wangg'mang tihh mwopp naah bii w'u kooh a meeh ruh wu'rangg p'ee kad nyi diy. 25Mwopp pwas Jesu ni a kaa gonggpee wu'pwoghofeerr se. 26Ra'n-sattshiiy wu'bis w'u mwopp le gw'ar sh'in seh a kihhshe: MISKAKHAMM KHI ZHEPP YAHUDA.
27Mwopp pwas m'ee watt mwopp vel zag kihshag kihh Jesu, wu'zeh sarrsoh, wu'zeh sarr'kul, kooh meehrangg kih sheepmuutt m'iin. 28A kihhsheh bhi Ran'wubhangg gam w'u satt le, “Mwopp m'ang nyi a kihmeh dhighin mhi-dhakk'wubis mwopp.”#15:28 Pakk r'an ni mwopp kihh ta'ng w'u 28 mou. 29Gurum w'u mwopp kihh ja dhel arr nhighin mwopp kihh fullup Jesu pwetd, mwopp kihh giht kaah ruh mwopp kihh satt le, “Kongg e'h! Gha w'u ghi le gha p'ee mak rumm LuhNaan yakhal ghi shikhir ghi dyik dhighin t'eer kunn shi, 30dheeh ghi bham sak ghi sam dhak kih sheepmuutt o'h!”
31Prist wu'nan kihh Mhikamm-w'aar mwopp kihh nwang'zhung nyi a kihhsheh zag, mwopp kihh satt shag le, “Bham mwoohzeh dhangg baah mak bham shin mou! 32Mu tong tihh mu naah kihpee Kristi kihh Miskakhamm khi Isra'ila mhize kihh sam diy kih sheepmuutt, bhi munn p'ee pihhzeenn nyi.” Watt w'u mwopp pwas mwopp kihshag kihh nyi seh mwopp m'ang nyi fullup zag.
Muutt khi Jesu
(Mat 27:45-56; Luk 23:44-49; Yoh 19:28-30)
33Gonggpee wu'kaghapaad baa'vel mhi puus bhi pee taah'kwoo koohneeh dhighin yill ni, harr sam wull gonggpee wu'kunn. 34Kaarooh gonggpee wu'kunn wull, bhi Jesu eep dhekheh niy satt le, “Eloi, Eloi, lama sabak-tani?” Shiiy khinyi a, “Daah Naan keena, Daah Naan keena, ghi shikhir kihbwoon gha a'n a ranggyeh?”#15:34 KoogNaan 22:1
35Kaarooh pakk mwooh kihh dyarrang kuss mwopp klihng bii w'u satt seh, bhi mwopp satt le, “Hy'e! Wu klihng a'ng? Nyi phi peet a Iliya 'y.” 36Bhi m'ee gurum shi dum log lizpuz kihh am'anab wu'dhood bwakhat pwoo kam, tupp pwoo Jesu tihh shwaa. Gwoh ni satt le, Yet nyi diy. Yet tihh mu naah kihpee Iliya kihh shang nyi diy lhi'baa kih sheepmuutt ni.
37Jesu eep dhekheh niy bhall-bhall, bhi sihkhitt n'ook mhi muutt del. 38Bhi fwaat-pwooluh mhi LuhNaan tee sag sam putt, shap vel. 39Kaarooh kaptin khi mhi'lek wu'dyinn kihh dharr kihkyeen Jesu klihng dhekheh nyi, yakhal naah arr w'u m'uut diy, bhi satt le, “Baah m'ee satt kihhshe, gwoh mhize ni a L'aa khi Naan kan!”
40M'ee shwarab mwopp gyet nhighin; mwopp dyarrang zhong-zhong mwopp kihh naah bii w'u kihh dum diy. Dhighin shwarab mhizeh ni mwopp bhi gyet Maryamu Magdalin, kihh Maryamu w'u a nhikhin khi Yakub wu'shomm mwopp kihh Joses, kihh Salomi nhighin. 41Shwarab mhizeh ni mwopp a mwooh gyet mwopp tong Galili ka diy dang Jesu tihh mwopp kihh lyap bii'kwatshiin khinyi diy. Pakk m'ee shwarab dyi dhess w'u gyet mwopp tong Galili ka dang nyi mwopp nhighin zag.
Mwopp wum Jesu
(Mat 27:57-61; Luk 23:50-56; Yoh 19:38-42)
42Nyi gyet a p'ar puus w'u mwopp kihh peet Puus Dhakkshik; kih dhi'dhaarr ni bhi a Puus Nookdyi. Kaarooh kan'sihkhin kihh t'ang sh'in, 43bhi Yusufu w'u a m'ee Gu-Arimatiya ji. Nyi gyet a m'ee gwooh bhall-bhall dhighin To'ng-Mhi'nan ni. Gwoh ni gyet a m'ee gwooh kihh le'yit naah ji khi dhenglong khi Naan. Bhi gan-en niy dum nang kumm Jesu diy phi Bilatus. 44Aa'phi Bilatus pwetd kihh rooh klihng kan Jesu baa shikhir m'uut. Bhi peet kaptin khi mhi'lek wu'dyinn nhighin seh nang kooh kyed Jesu baa shikhir m'uut aa'h. 45Kaarooh Bilatus klihng phi Kaptin nyi le nyi a kihhsheh, bhi pihh kumm Jesu ni Yusufu. 46Bhi Yusufu dum seett fwaat linen, bhi shang kumm Jesu kih sheepmuutt mwet dhighin, bhi dum dhen dhighin m'ee kihshirr w'u mwopp slak shi'bwut pangg, bhi byit gag m'ee elleng oghod phi kihshirr ni diy. 47Maryamu Magdalin mwopp kihh Maryamu w'u a nhikhin khi Joses mwopp naah pee w'u mwopp wum Jesus ni diy.
©️2022 Luke Initiative for Scripture Translation