Muuduko 18
18
Gooti tool, “Sarav kwolaiyo pwol yomaronokwono,” adoka tovinokwono
1To'no'gwowi lukomgu Eburaiyamol Mamureyolluro iko tooro adaiyajupo tomuu kuuno mwaloduke toga Gooti Yawel abwiyalo'nokaikono. Toro abwiyalo'noka toga kuujo bwotonyo doduke tovino tov Eburaiyamol gami sel ago tovuro noullo toru amwalokaikono. 2#Hib. 13:2Toro mwalno sumaiyokwe a'mwo pworapwol tooro wobo toru boda'mdopure toorai abiloonyopiyokaikono. Toro biloonyopino sumaiyokwe a'mwo su toorai wuuru'mallo'moneyokwe kano kano abolokwokaikono. Toro bolokwino sumaiyokwe kwako tovi kwolomuulo'narokaikono. 3Wolomuulo'na'no sumaiyokwe a'mwo su tooraida'ai pwollu aro kuudokaikono. “Mi agutoloo, nuu gumoro womdo gujo'moneyokwe tekwonyugono. Toro tekwonyu guu mwonanuwolo'binono. Guu ilaiyo agujuno'ji tov moro ago tovi nokwo mwalbinekudukono? 4Aki moro womdokwe pwol kemi suvlo tonyu yal'mo'nyo'mo wonyo tov nyuromokabwonekono. Aki kevu iko akalluro du'gurolo towai iruko nokwo mwalpinorekikono. 5Kevu iruko mwalodopure toga nuvu wosamujuko pun ikumokamonyugono. Toro toorekul me'no nopiyopi toga jurogudo maropi puuto tovi aki aiko te nokwo plapinorekikono. Kevu moro ago akaru'no abonyuru'ma'mapo toorekullu nuvu su toro ikullo'mo anyunadopiyo.” Kuudokaikono. Eburaiyamol toro kuudoka tovi kuudoporogano. “Ilaiyokwono. Su toro anekudumado tov kuvinono nokwo nekullubinekugono.”
6Toruda'ai Eburaiyamol sel ago tovi yere kuula'no gami abolo Saravi auluudokaikono. “Guu flauwa sugudo pun kuto puruvapuruv tovida'ai dodoluvaguro'mwojono. Toro doluvaguro'mwojo'bi doto yere jono.” Kuudokaikono. 7Eburaiyamol toro wuujuno sumaiyokwe toga bolokwo'no gami buulmokau wuulo ki'duvolodopure tooraiyomno kano kano avlavokaikono. Toro tool buulmokau aiyobwopto sugudo pwol yenyubworoma'no sumaiyokwe gami womdokwe pwollu doto yono'moneyokweyo'mo kuumallokaikono. Toro kuumalloka tovi womdokwe tool yere sovrowosokaikono. 8Toro te buulmokau muugupto togai'aro buulmokau amuunallo wuullokwe togai'aro aki buulmokau amuunallo pollodeyokwe togai'aro ton so'moveralokaikono. Toro togai irolomwora'no sumaiyokwe Eburaiyamol a'mwo pworapwol toorai kuumokabokaikono. Toro te a'mwo pworapwol su tooro iko toolluro du'gurolo towai nomwalodopure toga Eburaiyamol a'mwo su toorai wobo toru amollodaiyajukekono.
9Toruda'ai a'mwo su tooro Eburaiyamollu aro kuudoganoporogano. “Gumoro abolo Sarav gadomuu domwallo?” Toro kuudoganopo toorai Eburaiyamol kuudokaikono. “Sel ago akavi nomwallo.” 10#Rm. 9:9Toro kuudoka tovi Gooti Yawel aro kuudokaikono. “Nuvu kworomo aikomguda'ai tovi lobako akalbusuko toga akawai'no aikomgu nobumonyugono. Su toro toga gumoro abolo Sarav kwolaiyo pwol me'no mulomwora'dowo'jure tovi nobumonyugono.” Kuudokaikono.
Toro wuudoduke toga Sarav a'mwo su toolluro buulo tomuu davo'no gami sel ago tovuro noullo toruda'ai au'nallajukokwono. 11Toro au'nallajuko Sarakwe Eburaiyameke teyaul yadaiyo kwolaboleyaukono. Aki Sarav kwolaiyo nyomallo'mo toga me'no kuuwolo'nyajukobuukono. 12#1Pt. 3:6Toro tovino tov Sarav wuu'nyuno sumaiyokwe kakwo sajunokakwono. Toro tov aro sajunokakwono. “Nuu yago kuunodo tobuunyugono. Moro kwolo mi aguto nyumo'nodowodo su tool nuvubusuko yadaiyekwogano. Toro tobuunyu kwolaiyo yomallo'mo tovino ilaiyo nokwo ibwosunmobuunyudukono? Awiyo, nuu yadaiyo kuunodo tobuunyu ilaiyo su tov ku'nono mibwosunmobuunyugono.” Sajunokakwono.
13Toro sajunoka tovino Gooti Yawel Eburaiyamollu samuugojokaikono. “Saravuro, Nuu yadaiyo tobuunyu kwolaiyo ku'nono mimo'numo'migono, kuudo yau'dowo kakwo adumoka tov burowo'nyo kavlo tovino'mdeyo?” Samuugojokaikono. 14#Lk. 1:37Toro wuudoganyuno sumaiyokwe aro kuudokaikono. “Nuu Gooti Yawenyu yiuwi'nokai yo'mo nyunodowodo su ton jurogudo manyumo'nodowodonyugono. Toro te nuu aikomguda'ai kworomo tovi lobako akalbusuko me'no ajagubwemo toga Sarav kwolaiyo pwol me'no mulomwora'dowo'jure toga akawai'no aikomgu nomonyugono.” Kuudokaikono. 15Gooti Yawel Eburaiyamollu toro kuudoka tovi Sarav wuu'no'no luko ino sumaiyokwe kuunano aro sokuu'nuudokakwono. “Nuu kakwo madumo'migono.” Toro kuudoka kuvi kuruv Gooti Yawel kuudokaikono. “Awiyo, guu kakwo me'no adumodo'guugono.” Kuudokaikono.
Gooti Yawel wagwolago Soodoomda'ai toorai wono'no kaiyako mollounapiyo'mo kwinoka tovinokwono
16Toruda'ai a'mwo pworapwol tooro wuugollu'movo'mno pla'mdopure toorai Eburaiyamol puuto tomuu iwapiyo'moneyokwe amjomokavlavokaikono. Toro tooro wolno sumaveyokwe wagwolago Soodoom toru wo'duke tovi kwolomuugonallajuporogano.
17Toro wolomuugona'no sumaveyokwe Gooti Yawel sajunokaikono. “Moro nyumo tovino Eburaiyamollu yiulo mwimiyo. 18Aro tovinokwono. Eburaiyamolluro jukweyago kwolaiyo tooro bwotonyago imo'nopi kantri jurogudo puruv imo'nupinorogano. Aki Eburaiyamollu'aro moro sugudo kuubwemi tov yiuwi'nokai a'mwo abolo kwako akavi mwalodupudo kunyuda'aiyo'mokwono. 19Aki gamoro kwoloraiyo togai'aro gamoro jukweyago lukomgu sumo'nupi togai'aro ton nuu Aguto toonyuro puuto tovi neya uumjunpuro. Puuto su tovi uumjunpino'moneyokwe moro sugupasudo togai'aro pasudo idopto'nodo togai'aro tonyu neya ipureyokwe yodubwosumovlaiyo'mo ajesekono. Toro sodubwosumovlawo'ji tovida'ai mi ilaiyo anumjunpi tov moro subuu'yamju Eburaiyamollu aduuwiyo tov kuvinono wimo'nonorogano.” Gooti Yawel toro sajunokaikono.
20Toro yajunyuno sumaiyokwe Gooti Yawel Eburaiyamollu kuudokaikono. “Wagwolago Soodoomke Goomoorake tovallu amwakopo tooro a'mwo kirovanyuvanyu kuumwiyo imo'nodupudorogano. Toro tooro yiuno ma'no ma'no yomjomwekovla'mdupudorogano. Toro tooraino deko bwotonyago ilodopiyabodupudo tonyu nuu me'no wuu'nodumdokwono. 21Toro wuu'nodumdo tovino nebalo'mdukoneyokweyo'mo kuudo nyouroma'monyugono. Toro toonyu wola'mi wonomollumonyugono.” Kuudokaikono.
22Toro wuujuno sumaiyokwe Gooti Yawel Eburaiyameke kuuno mwaloduke toga a'mwo gabovo tooral Soodoom'no kwolalorakono. 23Toro te Eburaiyamol Gooti Yawellu wobo toru wino sumaiyokwe kuudoganokaikono. “Guu a'mwo kirovanyuvanyu kuumwiyo toorogai'aro a'mwo sugudo yodupudo toorogai'aro toorai aval'no romiyebuuropibino'mekudukono? 24Guu toro romiyebuuropiyo'mo kweku kuruv a'mwo 50-pela sugudo yodupudo tooro wagwolago su tovi mwalodopure kwonbi to'gwowi yiuwi'nokai wagwolago tovida'ai amwakopo toorai noromiyebuuropibinekudukono oo guu a'mwo 50-pela sugudo su tooraino kuudo yauro'bi yiuwi'nokai wagwolago mwalodupudo tonyu nokwo wonyapino ibinekudukono?” Kuudoganokaikono. 25Eburaiyamol toro wuudoganyuno sumaiyokwe aki aro kuudokaikono. “Awiyo, guu yiuwi'nokai tonyu ku'nono maromiyebuuropibinekugono. Kuudo saguu'mono. Guu yiuwi'nokai a'mwo abolo kwako akavi mwalodupudo tonyu kooti yogalo duuwiyodumdo tooku yiuno sugudo to'no yokwekugono. Toro tooku yiuwi'nokai a'mwo ma'no ma'no yodupudo toorai airumwallubi toga a'mwo sugudo yodupudo tooraino'gwowi aval'no mwibinekudeyo. Kuudo saguu'mono.” Kuudokaikono.
26Eburaiyamol toro wuujuno sumaiyokwe Gooti Yawel aro kuudokaikono. “Nuu wagwolago Soodoom toru 50-pela a'mwo sugudo yodupudo toorai kwonmi tov a'mwo su tooraino kuudo yauro'mi yiuwi'nokai wagwolago tovida'ai amwakopo tonyu maromiyebuuropimonyugono.” Kuudokaikono.
27Gooti Yawel toro wuujuno sumaiyokwe Eburaiyamol aro kuudokaikono. “Agutoloo, nuu kwako akavida'ai tekwonyu gumi gudoganyo'mo tov mi anuwoso. Toro tekwonyu guu yogalo nomodanyurugolbiyo. Toro te aro gudoganumo'mekwonyugono. 28Wagwolago akaibivi 50-pela a'mwo sugudo yodupudo tooro mamwalodopure kuruv yiuno 45-pela a'mwo sugudo yodupudo toorono kwonbi to'gwowi yiuwi'nokai wagwolago tovida'ai amwakopo toorai noromiyebuuropibinekudukono?” Kuudoganokaikono. Toro kuudoganoka tovi Gooti Yawel kuudokaikono. “Nuu 45-pela a'mwo sugudo yodupudo toorai kwonmi kuruv yiuwi'nokai tonyu maromiyebuuropimonyugono.” Kuudokaikono. 29Aki Eburaiyamol aki aiko te kuudoganokaikono. “Yiuno 40-pela a'mwo sugudo yodupudo toorono kwonbi kuruv wagwolago tovi kaiyako nyugolbinekudukono?” Toro kuudoganoka tovi Gooti Yawel kuudokaikono. “Nuu 40-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.
30Aki Eburaiyamol aro kuudokaikono. “Agutoloo, nuu aki aiko te agudoganmi tekwonyuno surodo'mo nonyubiyo.” Toro wuujuno sumaiyokwe kuudoganokaikono. “Guu yiuno 30-pela a'mwo sugudo yodupudo toorai kwonbi kuruv wagwolago tovi kaiyako nyugolbinekudukono?” Toro kuudoganoka tovi Gooti Yawel kuudokaikono. “Nuu 30-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono. 31Aki Eburaiyamol kuudokaikono. “Agutoloo, aki aiko te gumi gudoganyo'mo tov mi anuwoso. Toro tekwonyu guu yogalo nomodanyurugolbiyo. Toro te aro gudoganumo'mekwonyugono. Wagwolago akaibivi yiuno 20-pela a'mwo sugudo yodupudo toorai kwonbi kuruv kaiyako nyugolbinekudukono?” Kuudoganokaikono. Toro kuudoganoka tov Gooti Yawel kuudokaikono. “Nuu 20-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono. 32Toro kuudoka tool Eburaiyamol kuudokaikono. “Agutoloo, nuu aiyowo'mo gumi gudoganodo'mure toga guu surodo'mo nonyubiyo. Toro te aiyowo'mo tov aro gudoganumo'mekwonyugonoo. Wagwolago akaibivi yiuno a'mwo atousal sugudo yodupudo toorai kwonbi kuruv kaiyako nyugolbinekudukono?” Toro kuudoganoka tovi Gooti Yawel aro kuudokaikono. “Nuvu a'mwo atousal sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.
33Gooti Yawel Eburaiyameke kuuguudo me'no dopino sumaiyokwe kuugollu'movokaikono. Aki Eburaiyamol gami sel ago tovino aikomgu avlavokaikono.
Currently Selected:
Muuduko 18: SMB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2022: Ethnos360 Sanford, Florida
Muuduko 18
18
Gooti tool, “Sarav kwolaiyo pwol yomaronokwono,” adoka tovinokwono
1To'no'gwowi lukomgu Eburaiyamol Mamureyolluro iko tooro adaiyajupo tomuu kuuno mwaloduke toga Gooti Yawel abwiyalo'nokaikono. Toro abwiyalo'noka toga kuujo bwotonyo doduke tovino tov Eburaiyamol gami sel ago tovuro noullo toru amwalokaikono. 2#Hib. 13:2Toro mwalno sumaiyokwe a'mwo pworapwol tooro wobo toru boda'mdopure toorai abiloonyopiyokaikono. Toro biloonyopino sumaiyokwe a'mwo su toorai wuuru'mallo'moneyokwe kano kano abolokwokaikono. Toro bolokwino sumaiyokwe kwako tovi kwolomuulo'narokaikono. 3Wolomuulo'na'no sumaiyokwe a'mwo su tooraida'ai pwollu aro kuudokaikono. “Mi agutoloo, nuu gumoro womdo gujo'moneyokwe tekwonyugono. Toro tekwonyu guu mwonanuwolo'binono. Guu ilaiyo agujuno'ji tov moro ago tovi nokwo mwalbinekudukono? 4Aki moro womdokwe pwol kemi suvlo tonyu yal'mo'nyo'mo wonyo tov nyuromokabwonekono. Aki kevu iko akalluro du'gurolo towai iruko nokwo mwalpinorekikono. 5Kevu iruko mwalodopure toga nuvu wosamujuko pun ikumokamonyugono. Toro toorekul me'no nopiyopi toga jurogudo maropi puuto tovi aki aiko te nokwo plapinorekikono. Kevu moro ago akaru'no abonyuru'ma'mapo toorekullu nuvu su toro ikullo'mo anyunadopiyo.” Kuudokaikono. Eburaiyamol toro kuudoka tovi kuudoporogano. “Ilaiyokwono. Su toro anekudumado tov kuvinono nokwo nekullubinekugono.”
6Toruda'ai Eburaiyamol sel ago tovi yere kuula'no gami abolo Saravi auluudokaikono. “Guu flauwa sugudo pun kuto puruvapuruv tovida'ai dodoluvaguro'mwojono. Toro doluvaguro'mwojo'bi doto yere jono.” Kuudokaikono. 7Eburaiyamol toro wuujuno sumaiyokwe toga bolokwo'no gami buulmokau wuulo ki'duvolodopure tooraiyomno kano kano avlavokaikono. Toro tool buulmokau aiyobwopto sugudo pwol yenyubworoma'no sumaiyokwe gami womdokwe pwollu doto yono'moneyokweyo'mo kuumallokaikono. Toro kuumalloka tovi womdokwe tool yere sovrowosokaikono. 8Toro te buulmokau muugupto togai'aro buulmokau amuunallo wuullokwe togai'aro aki buulmokau amuunallo pollodeyokwe togai'aro ton so'moveralokaikono. Toro togai irolomwora'no sumaiyokwe Eburaiyamol a'mwo pworapwol toorai kuumokabokaikono. Toro te a'mwo pworapwol su tooro iko toolluro du'gurolo towai nomwalodopure toga Eburaiyamol a'mwo su toorai wobo toru amollodaiyajukekono.
9Toruda'ai a'mwo su tooro Eburaiyamollu aro kuudoganoporogano. “Gumoro abolo Sarav gadomuu domwallo?” Toro kuudoganopo toorai Eburaiyamol kuudokaikono. “Sel ago akavi nomwallo.” 10#Rm. 9:9Toro kuudoka tovi Gooti Yawel aro kuudokaikono. “Nuvu kworomo aikomguda'ai tovi lobako akalbusuko toga akawai'no aikomgu nobumonyugono. Su toro toga gumoro abolo Sarav kwolaiyo pwol me'no mulomwora'dowo'jure tovi nobumonyugono.” Kuudokaikono.
Toro wuudoduke toga Sarav a'mwo su toolluro buulo tomuu davo'no gami sel ago tovuro noullo toruda'ai au'nallajukokwono. 11Toro au'nallajuko Sarakwe Eburaiyameke teyaul yadaiyo kwolaboleyaukono. Aki Sarav kwolaiyo nyomallo'mo toga me'no kuuwolo'nyajukobuukono. 12#1Pt. 3:6Toro tovino tov Sarav wuu'nyuno sumaiyokwe kakwo sajunokakwono. Toro tov aro sajunokakwono. “Nuu yago kuunodo tobuunyugono. Moro kwolo mi aguto nyumo'nodowodo su tool nuvubusuko yadaiyekwogano. Toro tobuunyu kwolaiyo yomallo'mo tovino ilaiyo nokwo ibwosunmobuunyudukono? Awiyo, nuu yadaiyo kuunodo tobuunyu ilaiyo su tov ku'nono mibwosunmobuunyugono.” Sajunokakwono.
13Toro sajunoka tovino Gooti Yawel Eburaiyamollu samuugojokaikono. “Saravuro, Nuu yadaiyo tobuunyu kwolaiyo ku'nono mimo'numo'migono, kuudo yau'dowo kakwo adumoka tov burowo'nyo kavlo tovino'mdeyo?” Samuugojokaikono. 14#Lk. 1:37Toro wuudoganyuno sumaiyokwe aro kuudokaikono. “Nuu Gooti Yawenyu yiuwi'nokai yo'mo nyunodowodo su ton jurogudo manyumo'nodowodonyugono. Toro te nuu aikomguda'ai kworomo tovi lobako akalbusuko me'no ajagubwemo toga Sarav kwolaiyo pwol me'no mulomwora'dowo'jure toga akawai'no aikomgu nomonyugono.” Kuudokaikono. 15Gooti Yawel Eburaiyamollu toro kuudoka tovi Sarav wuu'no'no luko ino sumaiyokwe kuunano aro sokuu'nuudokakwono. “Nuu kakwo madumo'migono.” Toro kuudoka kuvi kuruv Gooti Yawel kuudokaikono. “Awiyo, guu kakwo me'no adumodo'guugono.” Kuudokaikono.
Gooti Yawel wagwolago Soodoomda'ai toorai wono'no kaiyako mollounapiyo'mo kwinoka tovinokwono
16Toruda'ai a'mwo pworapwol tooro wuugollu'movo'mno pla'mdopure toorai Eburaiyamol puuto tomuu iwapiyo'moneyokwe amjomokavlavokaikono. Toro tooro wolno sumaveyokwe wagwolago Soodoom toru wo'duke tovi kwolomuugonallajuporogano.
17Toro wolomuugona'no sumaveyokwe Gooti Yawel sajunokaikono. “Moro nyumo tovino Eburaiyamollu yiulo mwimiyo. 18Aro tovinokwono. Eburaiyamolluro jukweyago kwolaiyo tooro bwotonyago imo'nopi kantri jurogudo puruv imo'nupinorogano. Aki Eburaiyamollu'aro moro sugudo kuubwemi tov yiuwi'nokai a'mwo abolo kwako akavi mwalodupudo kunyuda'aiyo'mokwono. 19Aki gamoro kwoloraiyo togai'aro gamoro jukweyago lukomgu sumo'nupi togai'aro ton nuu Aguto toonyuro puuto tovi neya uumjunpuro. Puuto su tovi uumjunpino'moneyokwe moro sugupasudo togai'aro pasudo idopto'nodo togai'aro tonyu neya ipureyokwe yodubwosumovlaiyo'mo ajesekono. Toro sodubwosumovlawo'ji tovida'ai mi ilaiyo anumjunpi tov moro subuu'yamju Eburaiyamollu aduuwiyo tov kuvinono wimo'nonorogano.” Gooti Yawel toro sajunokaikono.
20Toro yajunyuno sumaiyokwe Gooti Yawel Eburaiyamollu kuudokaikono. “Wagwolago Soodoomke Goomoorake tovallu amwakopo tooro a'mwo kirovanyuvanyu kuumwiyo imo'nodupudorogano. Toro tooro yiuno ma'no ma'no yomjomwekovla'mdupudorogano. Toro tooraino deko bwotonyago ilodopiyabodupudo tonyu nuu me'no wuu'nodumdokwono. 21Toro wuu'nodumdo tovino nebalo'mdukoneyokweyo'mo kuudo nyouroma'monyugono. Toro toonyu wola'mi wonomollumonyugono.” Kuudokaikono.
22Toro wuujuno sumaiyokwe Gooti Yawel Eburaiyameke kuuno mwaloduke toga a'mwo gabovo tooral Soodoom'no kwolalorakono. 23Toro te Eburaiyamol Gooti Yawellu wobo toru wino sumaiyokwe kuudoganokaikono. “Guu a'mwo kirovanyuvanyu kuumwiyo toorogai'aro a'mwo sugudo yodupudo toorogai'aro toorai aval'no romiyebuuropibino'mekudukono? 24Guu toro romiyebuuropiyo'mo kweku kuruv a'mwo 50-pela sugudo yodupudo tooro wagwolago su tovi mwalodopure kwonbi to'gwowi yiuwi'nokai wagwolago tovida'ai amwakopo toorai noromiyebuuropibinekudukono oo guu a'mwo 50-pela sugudo su tooraino kuudo yauro'bi yiuwi'nokai wagwolago mwalodupudo tonyu nokwo wonyapino ibinekudukono?” Kuudoganokaikono. 25Eburaiyamol toro wuudoganyuno sumaiyokwe aki aro kuudokaikono. “Awiyo, guu yiuwi'nokai tonyu ku'nono maromiyebuuropibinekugono. Kuudo saguu'mono. Guu yiuwi'nokai a'mwo abolo kwako akavi mwalodupudo tonyu kooti yogalo duuwiyodumdo tooku yiuno sugudo to'no yokwekugono. Toro tooku yiuwi'nokai a'mwo ma'no ma'no yodupudo toorai airumwallubi toga a'mwo sugudo yodupudo tooraino'gwowi aval'no mwibinekudeyo. Kuudo saguu'mono.” Kuudokaikono.
26Eburaiyamol toro wuujuno sumaiyokwe Gooti Yawel aro kuudokaikono. “Nuu wagwolago Soodoom toru 50-pela a'mwo sugudo yodupudo toorai kwonmi tov a'mwo su tooraino kuudo yauro'mi yiuwi'nokai wagwolago tovida'ai amwakopo tonyu maromiyebuuropimonyugono.” Kuudokaikono.
27Gooti Yawel toro wuujuno sumaiyokwe Eburaiyamol aro kuudokaikono. “Agutoloo, nuu kwako akavida'ai tekwonyu gumi gudoganyo'mo tov mi anuwoso. Toro tekwonyu guu yogalo nomodanyurugolbiyo. Toro te aro gudoganumo'mekwonyugono. 28Wagwolago akaibivi 50-pela a'mwo sugudo yodupudo tooro mamwalodopure kuruv yiuno 45-pela a'mwo sugudo yodupudo toorono kwonbi to'gwowi yiuwi'nokai wagwolago tovida'ai amwakopo toorai noromiyebuuropibinekudukono?” Kuudoganokaikono. Toro kuudoganoka tovi Gooti Yawel kuudokaikono. “Nuu 45-pela a'mwo sugudo yodupudo toorai kwonmi kuruv yiuwi'nokai tonyu maromiyebuuropimonyugono.” Kuudokaikono. 29Aki Eburaiyamol aki aiko te kuudoganokaikono. “Yiuno 40-pela a'mwo sugudo yodupudo toorono kwonbi kuruv wagwolago tovi kaiyako nyugolbinekudukono?” Toro kuudoganoka tovi Gooti Yawel kuudokaikono. “Nuu 40-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.
30Aki Eburaiyamol aro kuudokaikono. “Agutoloo, nuu aki aiko te agudoganmi tekwonyuno surodo'mo nonyubiyo.” Toro wuujuno sumaiyokwe kuudoganokaikono. “Guu yiuno 30-pela a'mwo sugudo yodupudo toorai kwonbi kuruv wagwolago tovi kaiyako nyugolbinekudukono?” Toro kuudoganoka tovi Gooti Yawel kuudokaikono. “Nuu 30-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono. 31Aki Eburaiyamol kuudokaikono. “Agutoloo, aki aiko te gumi gudoganyo'mo tov mi anuwoso. Toro tekwonyu guu yogalo nomodanyurugolbiyo. Toro te aro gudoganumo'mekwonyugono. Wagwolago akaibivi yiuno 20-pela a'mwo sugudo yodupudo toorai kwonbi kuruv kaiyako nyugolbinekudukono?” Kuudoganokaikono. Toro kuudoganoka tov Gooti Yawel kuudokaikono. “Nuu 20-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono. 32Toro kuudoka tool Eburaiyamol kuudokaikono. “Agutoloo, nuu aiyowo'mo gumi gudoganodo'mure toga guu surodo'mo nonyubiyo. Toro te aiyowo'mo tov aro gudoganumo'mekwonyugonoo. Wagwolago akaibivi yiuno a'mwo atousal sugudo yodupudo toorai kwonbi kuruv kaiyako nyugolbinekudukono?” Toro kuudoganoka tovi Gooti Yawel aro kuudokaikono. “Nuvu a'mwo atousal sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.
33Gooti Yawel Eburaiyameke kuuguudo me'no dopino sumaiyokwe kuugollu'movokaikono. Aki Eburaiyamol gami sel ago tovino aikomgu avlavokaikono.
© 2022: Ethnos360 Sanford, Florida