KEJADIAN 23
23
Sara Kidat ru Abraham Kibeli Tik Penep ha Kek
1Mase umur Sara 127 tahut, 2kek kidat ku Kiryat-Arba (ajehloh kote Hebron) ku tik Kanaan. Abraham kibekabong ru kijap ha danan ikenah ajeh.
3Telas ajeh Abraham kikos ju beg mayat ikenah lalu kiet nu mai Het de naigei ku tik ajeh. 4Kek kiurok, “Eng adeh mai aseg de nggei ku tik engkek. Ogloh ngbeli nupenadag tik supaye buleh ngcop kenah eng.”
5Mai Het naiberlag, 6“Cerngailoh, jen. Jik jihormat jen sebegei pemimpen de bekuasa ku engkap jik. Pilehloh penep de paleng bor ru coploh kenah jen ku pajeh. Pek mong numom pen ju engkap jik de jinyek pek jiha-og jen cop kenah jen ajeh.”
7Lalu Abraham kisujod ku ngar enai 8ru kiurok, “Amen engkesetuju ngcop kenah eng ku padeh, tulogloh semanj ju Efron kenon Zohar 9supaye kijual hug ku Makhpela ku beg iselai nu eng. Eng doh ngbayar dij iregak ru engkek doh engkejadi saksi tentang hal ajeh supaye tik ajeh kijadi hak eng.”
10Mase Abraham kibelwal, Efron mai Het ajeh mong kigigei ku pajeh, ku engkap mai Het de naibekumpol ku pintu gerbang kote ajeh. Ru bisaksi ya dikdij mai Het ku pajeh, Efron pen kiberlag nu Abraham, 11“Tok, jen! Cerngailoh, tik ajeh ngog nu jen ru hug ku pajeh pen ngog nu jen. Ku ngar bangse lieng sendiri, ngog tik ajeh nu jen. Jadi, coploh kenah jen de dat ajeh.”
12Lalu Abraham kisujod ku ngar mai Het ajeh 13ru kiberlag nu Efron ku ngar mai jengoi, “Cerngailoh eng. Eng ngha-bayar regak tik ajeh. Terimaloh duet eng supaye buleh ngcop kenah eng ku pajeh.”
14Efron kiberlag nu Abraham, 15“Tuan, amen jenha-panei, tik ajeh iregak 400 kepeg duet perak. Tapi regak ajeh pek jadi hal entoi ku antare har. Coploh taleh kenah jen ajeh.”
16Abraham kisetuju ru regak ajeh. Lalu kitimbang 400 kepeg duet perak kiguna tenimbang de biguna ya mai jelwal. Kibayar duet ajeh begei de biurok ya Efron ku ngar mai Het.
17Begei ajehloh tik hak Efron ku Makhpela, ku englag timur Mamre, kijadi hak Abraham. Hak ajeh temasok selai, hug, ru dikdij keneng jehuk de mong ku selai lei nu sempadan tik ajeh. 18Tik ajeh kijadi hak Abraham. Hal ajeh bisaksi ya dikdij mai Het de naibekumpol ku pintu gerbang kote. 19Telas ajeh Abraham kicop ikenah Sara ku tik Kanaan, ku kateh hug ku Makhpela. Tempat ajeh ku englag timur Mamre (hunen bigelar Hebron). 20Begei ajehloh tik ajeh ru hug de mong ku ikateh kijadi hak Abraham sebegei tik penep. Kek kibeli tik ajeh ju mai Het.
Currently Selected:
KEJADIAN 23: AEH
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 23
23
Sara Kidat ru Abraham Kibeli Tik Penep ha Kek
1Mase umur Sara 127 tahut, 2kek kidat ku Kiryat-Arba (ajehloh kote Hebron) ku tik Kanaan. Abraham kibekabong ru kijap ha danan ikenah ajeh.
3Telas ajeh Abraham kikos ju beg mayat ikenah lalu kiet nu mai Het de naigei ku tik ajeh. 4Kek kiurok, “Eng adeh mai aseg de nggei ku tik engkek. Ogloh ngbeli nupenadag tik supaye buleh ngcop kenah eng.”
5Mai Het naiberlag, 6“Cerngailoh, jen. Jik jihormat jen sebegei pemimpen de bekuasa ku engkap jik. Pilehloh penep de paleng bor ru coploh kenah jen ku pajeh. Pek mong numom pen ju engkap jik de jinyek pek jiha-og jen cop kenah jen ajeh.”
7Lalu Abraham kisujod ku ngar enai 8ru kiurok, “Amen engkesetuju ngcop kenah eng ku padeh, tulogloh semanj ju Efron kenon Zohar 9supaye kijual hug ku Makhpela ku beg iselai nu eng. Eng doh ngbayar dij iregak ru engkek doh engkejadi saksi tentang hal ajeh supaye tik ajeh kijadi hak eng.”
10Mase Abraham kibelwal, Efron mai Het ajeh mong kigigei ku pajeh, ku engkap mai Het de naibekumpol ku pintu gerbang kote ajeh. Ru bisaksi ya dikdij mai Het ku pajeh, Efron pen kiberlag nu Abraham, 11“Tok, jen! Cerngailoh, tik ajeh ngog nu jen ru hug ku pajeh pen ngog nu jen. Ku ngar bangse lieng sendiri, ngog tik ajeh nu jen. Jadi, coploh kenah jen de dat ajeh.”
12Lalu Abraham kisujod ku ngar mai Het ajeh 13ru kiberlag nu Efron ku ngar mai jengoi, “Cerngailoh eng. Eng ngha-bayar regak tik ajeh. Terimaloh duet eng supaye buleh ngcop kenah eng ku pajeh.”
14Efron kiberlag nu Abraham, 15“Tuan, amen jenha-panei, tik ajeh iregak 400 kepeg duet perak. Tapi regak ajeh pek jadi hal entoi ku antare har. Coploh taleh kenah jen ajeh.”
16Abraham kisetuju ru regak ajeh. Lalu kitimbang 400 kepeg duet perak kiguna tenimbang de biguna ya mai jelwal. Kibayar duet ajeh begei de biurok ya Efron ku ngar mai Het.
17Begei ajehloh tik hak Efron ku Makhpela, ku englag timur Mamre, kijadi hak Abraham. Hak ajeh temasok selai, hug, ru dikdij keneng jehuk de mong ku selai lei nu sempadan tik ajeh. 18Tik ajeh kijadi hak Abraham. Hal ajeh bisaksi ya dikdij mai Het de naibekumpol ku pintu gerbang kote. 19Telas ajeh Abraham kicop ikenah Sara ku tik Kanaan, ku kateh hug ku Makhpela. Tempat ajeh ku englag timur Mamre (hunen bigelar Hebron). 20Begei ajehloh tik ajeh ru hug de mong ku ikateh kijadi hak Abraham sebegei tik penep. Kek kibeli tik ajeh ju mai Het.
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.