Jon 3
3
Jisas tedoptop mini Nikodimas
1Aji tedok tei han ah Nikodimas, tei salenan Jiusni bi tei temui ni ajinan goah tewuhu Temwat. 2Mapma ben Jisas bung bi bep mini nuhu, “Subu, kam maililngi nuhu kobi sesesrakan niah God tesro kik. Aji bat ba leli ililnan rowok tegol nga niah kom leli tigoah God bat ba beji tenga.” 3Jisas balu ini bep nuhu, “Mwetaknga letlet nam bep mini kik, aji manba kita ut kokon nga non God tigiah man ba wo mwetak tenga.” 4Nikodimas muhleli ini nuhu, “Manei gavak nagoah aji man wo mwetak entoran mwegawute? Man muban mwetakle jinen dajin i vakaruan?” 5Jisas balu ini bep nuhu, “Mwetaknga letlet nam bep mini kik, aji man ba van nga le ut kokon non God tigoah man bawo mwetak tenga le sileng bi le Tabite Kokon. 6Goah rabo li tonian non aji ba rabi aji. Ba Tabite Kokon maskani masen teraba mini goah rabo le tabite kokon. 7Kon batkoh tean u goah nam bep mini kik nuhu kon bo mwetak radanae. 8Leng mwiri ban li halan bi kom rongo dalen ah mweleli, ba kot baililngi ut nga ah mapma iginan. Bi tedapmak nanong u ajini niah rabo le Tabite Kokon.” 9Nikodimas muhleli ini nuhu, “Halan gavak nagoah man dapmak?” 10Jisas balu ini nuhu, “Ko bi moan sesesrakan non Isrelni bi kom leklegini vehuran ngama ahe?” 11Mwetaknga letlet nambep mini kik, gema kabep apma ah kamaililngi bi ka bep seresere apma ah gam gita. Ba nan nga ba aji rei gimi tebulong ah nemamko u lepnan noma toptowan. 12Kot ba vihni mwetaknga nak nga entorah nam bep leut at li uruu ahe. Ba mangai gavak nagoah kon bihni mwetaknga nak entorah nan bep leut at mere? 13Bi aji rei gimi tebado sak tenga mere. Nana nante niah nam bi Nujun Aji, niah nat temlu dini ut mere bi nam sipma tavan.
14Tapmak goah tei mate, ba Moses tedakrani topmin teltel li vini tebu. Ba ran leli nana natapmak, nana niah nambi Nujun Aji 15u gonani aji sera ah ran bihni mwetaknanan ba ran ba mat nga, ba ran butdihi masradaan. 16God temwegololo basla i tarut at li uruu, bi maskani Nujun niah tekaji bamte nuhu aji seranae niah ran bihni mwetaknga nan ba ran ba mat nga ba ran butdihi masradaan. 17God teba sote Nujun naga mwisipma li uruu nuhu nema sipma ne sasate nokon tarut at li uruu ba tesipma nuhu nema vamwesa ni.
18Aji nan ah bihni mwetaknganan Nujun God ba man badi nga le sasaran. Ba u aji ah teba vihni mwetaknga nan Nujun God nga ba man di le sasaran u gonani teba vihni mwetaknga nan Nujun God nga niah bwaleh. 19Halan veveikan ba tedapmak naahe, hee, tesipma li uruu ba tarutni ram doni wulmet ngate tokol vali hee, u gonani no lelian ba mwe gapma. 20Aji ah non lelian mwe gapma ba barik hee. Man bapma nga le hee u gonani bihriani goah man got sereserean na non kapmwaan. 21Aji ah mwe leli leut ah mwetaknga ba mapma le hee, nuhu nema gitan na non uman nuhu mamko mini God.
Jon te doptop mwetak nokon Jisas
22Tei limalen ba Jisas mini non tarutni ra ban li vini ah Jidia bi ram doksi tewep iginan. Entorah rat tok iginan ba Jisas mwe lehvi tarutni. 23Jon temu lehvi tarutni dobo Aenon sasari ut ah rat tehu i Selim, gonani sileng tei kawu iginan. Tarutni hal kawu lengleng rat tepma ben Jon bi mwe lehvini. 24Tei rat badolngi Jon nga le valin illan ento nanong.
25Datngin tarutni non Jon ra bawo nebwalwalule mini Jiusni u halan no lehlehvikan u goah rat leli ba nokon mamji tei tekabis. 26Tarut non Jon ra ban ben bi ra bep mini nuhu, “Sesesrakan, ko bihni aji nge ah tedi bem almaun sileng ah Jodan. Aji ah kot top rorop ini? Nanong ba aji sera nae ra ban bi mwi lehvi ni.” 27Jon balu ini bep nuhu, “Aji man ba li apma bwaleh nga nante ah God man neskani mini. 28Gimi nahe niah kan bep seresere apma ah nat vep niah nat vep nuhu nat baite Kraes nga, ba nat tepma bawo noh nan dumu ini. 29Aji dalma niah mwe gamra lak, ba bibi ni niah mwatkae aji havin ah telak ini. Bi teman niah mwatkae ba rongnan nokon mwegabis entorah mo rongo dalen aji dalma niah mwe lak. Nam bwewe nai rongnan nokok tekabis tapmak teman aji dalma nanong. 30Roron Jisas man miu, bi ban lilwi ut. Ba nana ba nan gam banvan nge.”
Aji ah te sipma mere le bini
31Aji ah te sipma mere ba ni mere ngate sasviri go sera ah ram di li tan. Ba u goah ram di li tan ba ra bi non ut li tan bi ram mwatwo leut at li tan. Ba aji ah te sipma mere dini ut le bini ba ni mere ngate sasviri go sera goah ram di li tan. 32Bep seresere apma ah te kita bi te rongo ba aji tebulong ah nema lep gogo non toptopan. 33Aji ah mwelep gogo non toptowan ba mwe sesra nuhu God ba bi mwetaknga. 34Aji ah God tesro ba bep dalen God, bi aji nanong ba te wewe lip i Tabite Kokon. 35Tadat te kaji bamte nana niah nambi Nujun. Teskak sera leutnae vali non rowok tegol. 36Aji ah bihni mwetaknga nan Nujun ba man mas l masradaan. Ba aji ah teba vihni mwetaknga nan Nujun nga ba manba wutdihi masradaan nga. Gonani lelekakat non God ba mandi rada li aji nanong, bi man ba van tenga dini.
Published by the Bible Society of the South Pacific in 1977.
Jon 3
3
Jisas tedoptop mini Nikodimas
1Aji tedok tei han ah Nikodimas, tei salenan Jiusni bi tei temui ni ajinan goah tewuhu Temwat. 2Mapma ben Jisas bung bi bep mini nuhu, “Subu, kam maililngi nuhu kobi sesesrakan niah God tesro kik. Aji bat ba leli ililnan rowok tegol nga niah kom leli tigoah God bat ba beji tenga.” 3Jisas balu ini bep nuhu, “Mwetaknga letlet nam bep mini kik, aji manba kita ut kokon nga non God tigiah man ba wo mwetak tenga.” 4Nikodimas muhleli ini nuhu, “Manei gavak nagoah aji man wo mwetak entoran mwegawute? Man muban mwetakle jinen dajin i vakaruan?” 5Jisas balu ini bep nuhu, “Mwetaknga letlet nam bep mini kik, aji man ba van nga le ut kokon non God tigoah man bawo mwetak tenga le sileng bi le Tabite Kokon. 6Goah rabo li tonian non aji ba rabi aji. Ba Tabite Kokon maskani masen teraba mini goah rabo le tabite kokon. 7Kon batkoh tean u goah nam bep mini kik nuhu kon bo mwetak radanae. 8Leng mwiri ban li halan bi kom rongo dalen ah mweleli, ba kot baililngi ut nga ah mapma iginan. Bi tedapmak nanong u ajini niah rabo le Tabite Kokon.” 9Nikodimas muhleli ini nuhu, “Halan gavak nagoah man dapmak?” 10Jisas balu ini nuhu, “Ko bi moan sesesrakan non Isrelni bi kom leklegini vehuran ngama ahe?” 11Mwetaknga letlet nambep mini kik, gema kabep apma ah kamaililngi bi ka bep seresere apma ah gam gita. Ba nan nga ba aji rei gimi tebulong ah nemamko u lepnan noma toptowan. 12Kot ba vihni mwetaknga nak nga entorah nam bep leut at li uruu ahe. Ba mangai gavak nagoah kon bihni mwetaknga nak entorah nan bep leut at mere? 13Bi aji rei gimi tebado sak tenga mere. Nana nante niah nam bi Nujun Aji, niah nat temlu dini ut mere bi nam sipma tavan.
14Tapmak goah tei mate, ba Moses tedakrani topmin teltel li vini tebu. Ba ran leli nana natapmak, nana niah nambi Nujun Aji 15u gonani aji sera ah ran bihni mwetaknanan ba ran ba mat nga, ba ran butdihi masradaan. 16God temwegololo basla i tarut at li uruu, bi maskani Nujun niah tekaji bamte nuhu aji seranae niah ran bihni mwetaknga nan ba ran ba mat nga ba ran butdihi masradaan. 17God teba sote Nujun naga mwisipma li uruu nuhu nema sipma ne sasate nokon tarut at li uruu ba tesipma nuhu nema vamwesa ni.
18Aji nan ah bihni mwetaknganan Nujun God ba man badi nga le sasaran. Ba u aji ah teba vihni mwetaknga nan Nujun God nga ba man di le sasaran u gonani teba vihni mwetaknga nan Nujun God nga niah bwaleh. 19Halan veveikan ba tedapmak naahe, hee, tesipma li uruu ba tarutni ram doni wulmet ngate tokol vali hee, u gonani no lelian ba mwe gapma. 20Aji ah non lelian mwe gapma ba barik hee. Man bapma nga le hee u gonani bihriani goah man got sereserean na non kapmwaan. 21Aji ah mwe leli leut ah mwetaknga ba mapma le hee, nuhu nema gitan na non uman nuhu mamko mini God.
Jon te doptop mwetak nokon Jisas
22Tei limalen ba Jisas mini non tarutni ra ban li vini ah Jidia bi ram doksi tewep iginan. Entorah rat tok iginan ba Jisas mwe lehvi tarutni. 23Jon temu lehvi tarutni dobo Aenon sasari ut ah rat tehu i Selim, gonani sileng tei kawu iginan. Tarutni hal kawu lengleng rat tepma ben Jon bi mwe lehvini. 24Tei rat badolngi Jon nga le valin illan ento nanong.
25Datngin tarutni non Jon ra bawo nebwalwalule mini Jiusni u halan no lehlehvikan u goah rat leli ba nokon mamji tei tekabis. 26Tarut non Jon ra ban ben bi ra bep mini nuhu, “Sesesrakan, ko bihni aji nge ah tedi bem almaun sileng ah Jodan. Aji ah kot top rorop ini? Nanong ba aji sera nae ra ban bi mwi lehvi ni.” 27Jon balu ini bep nuhu, “Aji man ba li apma bwaleh nga nante ah God man neskani mini. 28Gimi nahe niah kan bep seresere apma ah nat vep niah nat vep nuhu nat baite Kraes nga, ba nat tepma bawo noh nan dumu ini. 29Aji dalma niah mwe gamra lak, ba bibi ni niah mwatkae aji havin ah telak ini. Bi teman niah mwatkae ba rongnan nokon mwegabis entorah mo rongo dalen aji dalma niah mwe lak. Nam bwewe nai rongnan nokok tekabis tapmak teman aji dalma nanong. 30Roron Jisas man miu, bi ban lilwi ut. Ba nana ba nan gam banvan nge.”
Aji ah te sipma mere le bini
31Aji ah te sipma mere ba ni mere ngate sasviri go sera ah ram di li tan. Ba u goah ram di li tan ba ra bi non ut li tan bi ram mwatwo leut at li tan. Ba aji ah te sipma mere dini ut le bini ba ni mere ngate sasviri go sera goah ram di li tan. 32Bep seresere apma ah te kita bi te rongo ba aji tebulong ah nema lep gogo non toptopan. 33Aji ah mwelep gogo non toptowan ba mwe sesra nuhu God ba bi mwetaknga. 34Aji ah God tesro ba bep dalen God, bi aji nanong ba te wewe lip i Tabite Kokon. 35Tadat te kaji bamte nana niah nambi Nujun. Teskak sera leutnae vali non rowok tegol. 36Aji ah bihni mwetaknga nan Nujun ba man mas l masradaan. Ba aji ah teba vihni mwetaknga nan Nujun nga ba manba wutdihi masradaan nga. Gonani lelekakat non God ba mandi rada li aji nanong, bi man ba van tenga dini.
Published by the Bible Society of the South Pacific in 1977.