متّای انجیل 7
7
دیگرؤنِ قضاوت نکونین
1«قضاوت نکونین تا شمره قضاوت نکونن. 2هیطوکه دیگرؤنِ قضاوت کؤئنین، شمرم قضاوت کوئنن و هؤ عیاره اَمره که وزن کؤئنین، شیمه بِه وزن کوئنن. 3چرِء بیشپیلِ تی برأره چیشمِ میئن اینی، امّا از کُنده ای که تی چیشمِ میئن دئنیِ ، واخُوب نیی؟ 4چطو تینی تی برأره بوگوی، ”بِئس، بدار بیشپیله تی چیشمای بیرون بأرم،“ حال اونکه یکته کُنده تی چیشمِ میئن دئنی؟ 5ای ریاکار، اوّل کُنده تی چیشمای بیرون بأر، بازین بهتر تینی بَینی تا بیشپیله تی برأره چیشموناجی بیرون بأری.
6«اوچی مقدسِ، سگؤنِ هندین و شیمه مرواریدؤنِ خوکؤنِ ورجه تؤنداین، نبی که اوشونه دمجَن و وگردَن و شمره حمله بکونن.
بخوأین، وأموجین، بکّوین
7«بخوأین که شمره هَدءه بنه. وأموجین، که یابنین؛ بکّوین، که در، شیمه به وأگوده بنه. 8چونکه هر کس بخوای، بدست أبِنه و هر کس وأموجنه، یابنه و هر کس کوتنِئنه، در اونه بِه واگوده بنه. 9کو یکته از شمه اگه اونه ریکای نون بخوای، اونه سنگ هدئنه؟ 10یا اگه ماهی بخوای، اونه میلون هدِئنه؟ 11پس، شمه که شرور ایسّین، دؤنین که باید شیمه زاکؤنِ، خوروم چی أن هَدین، چقدر بیشتر شیمه پئر که آسمؤنِ میئن ایسأ، اوشؤنی که اونای بخوائن، خوروم چی أن هدئنه. 12پس مردومِ اَمره، هوطو کردکار بکونین که، خوانین شیمه اَمره بکونَن. ایی ایسّه تورات خلاصه و پیغمبرون بنویشتهأن.
زیندیگی راه
13«تنگ درای بشین دیرون، چونکه فالِ او در و سَهلِ او راه که هلاکَ بوئنِ به خَتم بنه. و اوشؤنی که او راهِ دیرون شنن، زیادن. 14امّا تنگِ او در و سختِ او راه که زیندگیِ خَتم بنه و اوشونی که اونه یابنن کم ایسَن.
دار و اونه بار
15«دوروُغی پیغمبرؤنَ جی دوری بکونین. اوشؤن گوسندون رخت میئن شیمه ورجه هنن، امّا باطین میئن درنده وَرگون مورسون ایسّن. 16اوشونِ ایشونِ بارای شنأسنین. مگه انگورِ، تیفاجی و انجیره هرزه واشَ جی چینَن؟ 17هینه واسه هرته خوروم دار خوروم بار دِئنه، امّا بدِدار، بدِ بار. 18خوروم دار منئه بد بار بأری و بد دارم منِئه خوروم بار بأری. 19هرته دار که خوروم بار ندای، ببِه بنه و آتشِ میئن باگده بنه. 20هینه واسه اوشونِ ایشونِ بارای شنأسنین.
21«نه اینکه هرکس که مه ’آقا، آقا‘ دوخُوئنی، آسمؤنِ پادشاهی میئن دیرون شنه، بلکه فقط اونی که می پئره خواسته ایسّه که آسمونِ میئن ایسا، بجا اَبِنه. 22او روز میئن خیلی‌ین مه گونن که: ”آقا، آقا، مگه تی ایسمِ اَمره نبوّت نؤدیم؟ مگه تی ایسمِ اَمره دیوؤنِ بیرون توندایم؟ مگه تی ایسمِ أمره خیلی معجزه أن نودیم؟“ 23امّا مو اوشونه رو راست گونم که ”هرگی شمره نشناختم می جَی دورَه بین، ای بدکارؤن!“
بلد معمار و نادون معمار
24«پس هر کس می ایی گبؤنِ بشتؤئی و اوشؤنِ عمل بکونی، هو عاقل مرداکیِ موئنه که، خوشه خونَه سنگِ سر چاگوده. 25وختی بارون ببارسه و سیل راه دکته و باد بومَه و او خونه سر زور بارده، خرابَ نوُبو. چونکه اونه پَی سنگِ رو هنّه بو. 26امّا هرکی می ایی گبؤنِ بشتؤئی و اوشؤنه عمل نکونی، او نادون مرداکیِ مؤئنه که خوشِ خونه، ریگِ سر چاگوده. 27وختی بارون ببارسه و سیل راه دکته و باد بومَه و اونه خونه سر زور بارده، وَیرؤنَ بو و اونه ویرؤنی پیلّه بو!»
28هیطو که عیسی ایی گبؤنِ تمنَه گوده، مردوم اونه آموتنای ماتَ بؤئن، 29چونکه قدرت أمره مردومِ آموتی، نه اوشونه تورات معلمون مورسون.
Currently Selected:
متّای انجیل 7: EGB
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
@ 2024 Korpu Company
متّای انجیل 7
7
دیگرؤنِ قضاوت نکونین
1«قضاوت نکونین تا شمره قضاوت نکونن. 2هیطوکه دیگرؤنِ قضاوت کؤئنین، شمرم قضاوت کوئنن و هؤ عیاره اَمره که وزن کؤئنین، شیمه بِه وزن کوئنن. 3چرِء بیشپیلِ تی برأره چیشمِ میئن اینی، امّا از کُنده ای که تی چیشمِ میئن دئنیِ ، واخُوب نیی؟ 4چطو تینی تی برأره بوگوی، ”بِئس، بدار بیشپیله تی چیشمای بیرون بأرم،“ حال اونکه یکته کُنده تی چیشمِ میئن دئنی؟ 5ای ریاکار، اوّل کُنده تی چیشمای بیرون بأر، بازین بهتر تینی بَینی تا بیشپیله تی برأره چیشموناجی بیرون بأری.
6«اوچی مقدسِ، سگؤنِ هندین و شیمه مرواریدؤنِ خوکؤنِ ورجه تؤنداین، نبی که اوشونه دمجَن و وگردَن و شمره حمله بکونن.
بخوأین، وأموجین، بکّوین
7«بخوأین که شمره هَدءه بنه. وأموجین، که یابنین؛ بکّوین، که در، شیمه به وأگوده بنه. 8چونکه هر کس بخوای، بدست أبِنه و هر کس وأموجنه، یابنه و هر کس کوتنِئنه، در اونه بِه واگوده بنه. 9کو یکته از شمه اگه اونه ریکای نون بخوای، اونه سنگ هدئنه؟ 10یا اگه ماهی بخوای، اونه میلون هدِئنه؟ 11پس، شمه که شرور ایسّین، دؤنین که باید شیمه زاکؤنِ، خوروم چی أن هَدین، چقدر بیشتر شیمه پئر که آسمؤنِ میئن ایسأ، اوشؤنی که اونای بخوائن، خوروم چی أن هدئنه. 12پس مردومِ اَمره، هوطو کردکار بکونین که، خوانین شیمه اَمره بکونَن. ایی ایسّه تورات خلاصه و پیغمبرون بنویشتهأن.
زیندیگی راه
13«تنگ درای بشین دیرون، چونکه فالِ او در و سَهلِ او راه که هلاکَ بوئنِ به خَتم بنه. و اوشؤنی که او راهِ دیرون شنن، زیادن. 14امّا تنگِ او در و سختِ او راه که زیندگیِ خَتم بنه و اوشونی که اونه یابنن کم ایسَن.
دار و اونه بار
15«دوروُغی پیغمبرؤنَ جی دوری بکونین. اوشؤن گوسندون رخت میئن شیمه ورجه هنن، امّا باطین میئن درنده وَرگون مورسون ایسّن. 16اوشونِ ایشونِ بارای شنأسنین. مگه انگورِ، تیفاجی و انجیره هرزه واشَ جی چینَن؟ 17هینه واسه هرته خوروم دار خوروم بار دِئنه، امّا بدِدار، بدِ بار. 18خوروم دار منئه بد بار بأری و بد دارم منِئه خوروم بار بأری. 19هرته دار که خوروم بار ندای، ببِه بنه و آتشِ میئن باگده بنه. 20هینه واسه اوشونِ ایشونِ بارای شنأسنین.
21«نه اینکه هرکس که مه ’آقا، آقا‘ دوخُوئنی، آسمؤنِ پادشاهی میئن دیرون شنه، بلکه فقط اونی که می پئره خواسته ایسّه که آسمونِ میئن ایسا، بجا اَبِنه. 22او روز میئن خیلی‌ین مه گونن که: ”آقا، آقا، مگه تی ایسمِ اَمره نبوّت نؤدیم؟ مگه تی ایسمِ اَمره دیوؤنِ بیرون توندایم؟ مگه تی ایسمِ أمره خیلی معجزه أن نودیم؟“ 23امّا مو اوشونه رو راست گونم که ”هرگی شمره نشناختم می جَی دورَه بین، ای بدکارؤن!“
بلد معمار و نادون معمار
24«پس هر کس می ایی گبؤنِ بشتؤئی و اوشؤنِ عمل بکونی، هو عاقل مرداکیِ موئنه که، خوشه خونَه سنگِ سر چاگوده. 25وختی بارون ببارسه و سیل راه دکته و باد بومَه و او خونه سر زور بارده، خرابَ نوُبو. چونکه اونه پَی سنگِ رو هنّه بو. 26امّا هرکی می ایی گبؤنِ بشتؤئی و اوشؤنه عمل نکونی، او نادون مرداکیِ مؤئنه که خوشِ خونه، ریگِ سر چاگوده. 27وختی بارون ببارسه و سیل راه دکته و باد بومَه و اونه خونه سر زور بارده، وَیرؤنَ بو و اونه ویرؤنی پیلّه بو!»
28هیطو که عیسی ایی گبؤنِ تمنَه گوده، مردوم اونه آموتنای ماتَ بؤئن، 29چونکه قدرت أمره مردومِ آموتی، نه اوشونه تورات معلمون مورسون.
@ 2024 Korpu Company