मती 28
28
यीसु जी उठयौ
(मरकुस 16:1–10; लूका 24:1–12; यूहन्ना 20:1–10)
1सब्त रै दिन रै पछै हपतै रै पैलै दिन तड़कै मरियम मगदलीनी अर वो दूजी मरियम कबर नै देखणै आई।
2अर एक बड़ों भूकम्प होयौ, क्यूंकै परभु रौ एक दूत सरग ऊं उतरियौ अर कबर रै खनै आयनै उणै भाठै नै आगौ सिरका दियौ, अर उण ऊपर बैठ गियौ। 3उणरौ रूप बिजळी सो अर उणरा गाभा हिम रै जैड़ा उजळा हा। 4उणरै भय ऊं पेरेदार कांपण लाग्या, अर मुड़दो जैड़ा हो गिया।
5सरगदूत लुगाईयां नै कयौ, “मत डरौ, म्हैं जांणूं की थै यीसु नै सौधौ हो जिकौ सूली माथै चढ़ायौ गियौ हो। 6वो एठै कोनीं है, पण आपरै वचन रै अनुसार जी उठयौ है। आ जगा देखौ, जठै परभु री लास राखी ही। 7अर हाथोहाथ जायनै यीसु रै चेलौ नै कैवौ की ‘मरयोड़ौ में ऊं जी उठयौ है, अर वो थोरै ऊं पैला गलील में जावैला, उठै उणरौ दरसण पाओला!’ देखौ, म्हैं थौरे ऊं कैह दियौ।”
8वे भय अर घणै आंणंद रै साथै कबर रै खनै ऊं जायनै उणरै चेलौ नै समाचार दैणै सारू दौड़ी गी। 9तद यीसु उणौनै मिळिया, अर कयौ, “नमस्कार”। यीसु रै खनै आन उणनै दण्डवत करन उणरै चरणौ ऊं लिपट गी। 10तो यीसु उणनै कयौ, “मत डरौ, म्हारै भाइयो ऊं जायनै कैवौ की गलील में जाता रै, उठै म्हारा दरसण करैला।”
पेरेदारो नै समाचार दिया
11वे जा ही री ही की कईक पेरेदार सैहर में आयनै सगळा हाल परधान याजकौ नै कैन सुणाया। 12तो परधान याजकौ नै बुढ़ियों रै साथै भेळा होयनै समति किनी अर सिपाईयो नै घणी चांदी देन कयौ, 13“ओ कैवणौ की, ‘रात रा म्हौ सो रिया हा, जद उणरा चेला आयनै छांनै ऊं ले गिया।’ 14अर जे आ बात हाकिम रै कांनै पड़ी तो म्हैं उणनै समझा दे हो अर थांनै जोखम ऊं बचा ले हो।” 15सिपाईयो रूपिया ले लिया अर ज्यौ ही कियो व्यौंही उणौनै सिखाया हा आहीज बात आज तांई यहूदियो में चालै है।
यीसु आपरै चेलौ नै अधिकार रै साथै भेजिया
(मरकुस 16:14–18; लूका 24:36–49; यूहन्ना 20:19–23; प्रेरितों रा कांम 1:6–8)
16 #
मत 26:32; मरकु 14:28 इग्यारैह चेला गलील में उण भाखर ऊपर गिया, जीणनै यीसु उणौनै बतायौ हो। 17उणौ यीसु रा दरसण करन परणाम करयौ, पण किणी-किणी नै वैम होयौ। 18यीसु उणौरै खनै आयनै कयौ, “सरग अर धरती रौ सगळौ अधिकार म्हनै दियौ गियौ है। 19#प्रेरि 1:8इण वास्तै थै जाओ, सैंग देसो रै लोगां नै चेला बणाओ, अर उणौ नै पिता पुत्र पवितर आतमा रै नाम ऊं बतिस्मो दो। 20अर उणौ नै सगळी बातां जे म्हैं थांनै आग्या दीनी है, मानणी सिखाओ, अर याद राखौ म्हैं जगत रै अनत तांई हमेसां थौरे साथै हूं।”
© NLCI CC BY-NC-ND 4.0
मती 28
28
यीसु जी उठयौ
(मरकुस 16:1–10; लूका 24:1–12; यूहन्ना 20:1–10)
1सब्त रै दिन रै पछै हपतै रै पैलै दिन तड़कै मरियम मगदलीनी अर वो दूजी मरियम कबर नै देखणै आई।
2अर एक बड़ों भूकम्प होयौ, क्यूंकै परभु रौ एक दूत सरग ऊं उतरियौ अर कबर रै खनै आयनै उणै भाठै नै आगौ सिरका दियौ, अर उण ऊपर बैठ गियौ। 3उणरौ रूप बिजळी सो अर उणरा गाभा हिम रै जैड़ा उजळा हा। 4उणरै भय ऊं पेरेदार कांपण लाग्या, अर मुड़दो जैड़ा हो गिया।
5सरगदूत लुगाईयां नै कयौ, “मत डरौ, म्हैं जांणूं की थै यीसु नै सौधौ हो जिकौ सूली माथै चढ़ायौ गियौ हो। 6वो एठै कोनीं है, पण आपरै वचन रै अनुसार जी उठयौ है। आ जगा देखौ, जठै परभु री लास राखी ही। 7अर हाथोहाथ जायनै यीसु रै चेलौ नै कैवौ की ‘मरयोड़ौ में ऊं जी उठयौ है, अर वो थोरै ऊं पैला गलील में जावैला, उठै उणरौ दरसण पाओला!’ देखौ, म्हैं थौरे ऊं कैह दियौ।”
8वे भय अर घणै आंणंद रै साथै कबर रै खनै ऊं जायनै उणरै चेलौ नै समाचार दैणै सारू दौड़ी गी। 9तद यीसु उणौनै मिळिया, अर कयौ, “नमस्कार”। यीसु रै खनै आन उणनै दण्डवत करन उणरै चरणौ ऊं लिपट गी। 10तो यीसु उणनै कयौ, “मत डरौ, म्हारै भाइयो ऊं जायनै कैवौ की गलील में जाता रै, उठै म्हारा दरसण करैला।”
पेरेदारो नै समाचार दिया
11वे जा ही री ही की कईक पेरेदार सैहर में आयनै सगळा हाल परधान याजकौ नै कैन सुणाया। 12तो परधान याजकौ नै बुढ़ियों रै साथै भेळा होयनै समति किनी अर सिपाईयो नै घणी चांदी देन कयौ, 13“ओ कैवणौ की, ‘रात रा म्हौ सो रिया हा, जद उणरा चेला आयनै छांनै ऊं ले गिया।’ 14अर जे आ बात हाकिम रै कांनै पड़ी तो म्हैं उणनै समझा दे हो अर थांनै जोखम ऊं बचा ले हो।” 15सिपाईयो रूपिया ले लिया अर ज्यौ ही कियो व्यौंही उणौनै सिखाया हा आहीज बात आज तांई यहूदियो में चालै है।
यीसु आपरै चेलौ नै अधिकार रै साथै भेजिया
(मरकुस 16:14–18; लूका 24:36–49; यूहन्ना 20:19–23; प्रेरितों रा कांम 1:6–8)
16 #
मत 26:32; मरकु 14:28 इग्यारैह चेला गलील में उण भाखर ऊपर गिया, जीणनै यीसु उणौनै बतायौ हो। 17उणौ यीसु रा दरसण करन परणाम करयौ, पण किणी-किणी नै वैम होयौ। 18यीसु उणौरै खनै आयनै कयौ, “सरग अर धरती रौ सगळौ अधिकार म्हनै दियौ गियौ है। 19#प्रेरि 1:8इण वास्तै थै जाओ, सैंग देसो रै लोगां नै चेला बणाओ, अर उणौ नै पिता पुत्र पवितर आतमा रै नाम ऊं बतिस्मो दो। 20अर उणौ नै सगळी बातां जे म्हैं थांनै आग्या दीनी है, मानणी सिखाओ, अर याद राखौ म्हैं जगत रै अनत तांई हमेसां थौरे साथै हूं।”
© NLCI CC BY-NC-ND 4.0