آيات مشهورة من الكتاب المقدس منAPUNG ANYIM 6

شارك

nungai khaiuniathso nou tiauta goumchi nai shan ta APAOU mong kiakü yangshi, naiuso apa mongkia.

Tilai APAOU nou khaiuniathso aphio angei goumchi nai sungkü naiuso ngüso mongpem mongsai yangtsün asaichi tsümeikü ep

Lüko Noa, APAOU niothapko atsüojinyang epsan.

Noa ainou nyimsantsün vetao- ling nungso: Noa asio khaiunia kihküla, naiuso apa vetaoko aphio tsüleptsün tsak noiküla, Noa Goa ko tsakei.

Küta APAOU nou ngiom, “Khaiuniathso sübao ngo sheithokü shan, thainian, achinkeitsün, maou nai jeikeitsün, waio nouso, ngo goumchi ainou moisemkü mowani-e; tiautenai ngüso shithosantsün thaiutha jümong kiakü yangsanji.”

Tilai khaiuniathso nou goumchi apemai shingkü khu, ngüso tü menyiuthso nouso chetlut. Goathso nousoüh khaiunia menyiuthso nouso aleng meikü epkü, ngüsoüh aiutsün chikü ngüsoüh tsammongnyiu theau lou. Nungaih APAOU nou ngiom, “Jü Onthso khaiunia da asaita tsünoi-e, tiautenai apa nyihlu noin, lüko lo nai yakü apa aakihlaiu pon 120 chiai tsükih-e.” Nungso ajekhaiu nai goumchi nai akongtinghoi noiküla, naiuso nungphi lüko tilai Goa thsoso khaiunia menyiuthso ko emküta ngüsoüh ngüso thso chetkiu; ngüso peta nai yakü lenghoi niansong eptsün khaiunia noiküla.

Noaüh Goa nou apa tü thoiluttsünli alum chhin.

Goa nou Noa tü ngiom, “Khaiuniathso athon ajekhaiu jükhako sungkü noin, tiautenai ngüsoüh goumchi pha poh-etsün nou meankü iula-i-iu, athaplu, ngo ngüso goumchi ko aikü mowani-e.”

Ni athaiutha Gofer pai nou kheng tsak lüshan, kheng mongai tsampai lüshan, küta amongai naiuso achiai tsanlep nou lülepjei.

Goa nou goumchi thaplunai, nung tsüsiokü nou miankü noiküla, tititenai khaiuniathso chikü nou apa saisile goumchi nai tsüsiokü iula-i.

Naiuso ni kheng nai aa thainian in pungkü nimeme ngüso niko aa kih-iau thaiutha, nialokü anap, ngüso apong si asang theau noin.