آيات مشهورة من الكتاب المقدس منMATHAIIN 6

شارك

Tenchu a ram le ama ei anzikna arok mansa u ro hantin aniten hava ngai um na pe unti.

Hantin han nangtuka rang mandon u no ro asik chu nangtuka rang chu nangtukin mandon bo ni nikhata rang nikhat ahun.

“Hasik han kei na ti ni u zei, imo ne ning imo sa ning atia na nuk ruia le imo ansil rua atia taksa ruia andon u no ro, sak neka nuk le puan neka na tak hi lian mak mo?

Tenchu bor na zong tik lehan na tadan sungrila lut ro hatuka makot khar tan na Pa maruka ompu ha ama kom borzong ro hava han na Pa maruka amu han amara na pe inti.

Hantin han hiva ang hin borzong u ro: ‘Koini na Pa anvana mi Na raming anthiang lalchi om rase. Na ram hong tung rase Anvana min ei tho u anga. Phila min um tho rase.

Aviana rang khop sak nek na pe ro.

Koini ranga asia tho ngai nei madual anga Koini nei masial ngai um na madual ro.

Siatna lama na mansin no tan asia ata na mazok ro.’

“Asik chu mi masial na madual u ten na Pa vana min in um na madual unti.

Chung zuang va ngai tiang anhoi u ro sin um u mak at um u mak sasiaram manting u mak, hanum na Pa u vana min hangai ha sak apek. Nangni hi hangai neka lian u mak che mo?

“Phil chunga na nei u rang manting u no ro, hivan chu rik le ngerin asak hatuka hivan hin anrun khur achuia a maruk. Tenchu vana na rang u nei manting u ro, sovason rik le ngerin sak mak sova son anrun khur chuia maruk mak. Asik chu na nei omna taka na malung um om inti.

“Tuten puma anni suak chang thei mak asik chu angkhat adit inti angkhat mumak inti. Hano angkhat chunga a raisan inti angkhat ha tel no ni. Pathian le nei aninina asuak chang thei u no ta ni.

Hanle phaia chiak aviana om nangtuk moia nei tua thei hava ha Pathianin hantin han a manliang ten hanle o iamna tom ngai nangni ha, haneka na manliang nget u no ni mo?

Tenchu na pek tik le na chang kutin imo ei tho hava ha na voi kut ha man re no ro. Hantin han nei pek ha maruka ni rase, hava han na pa maruka amu han a mara na pe inti.

“Anreng u ro mi mu ranga a makung u na om anzik om tho u no ro. Na tho u ten na Pa vana mi kom na phamman u abui.

“Hatuka na ngoi u tik le hatik han phuazekam ngai anga mai zinga om u no ro, annguia asik chu ei ngoi u mi mu na ranga amai u ei manngui u, ataka kei na ti u ni zei hangai ha a phamman a mansua u zei. Tenchu nang na ngoi tik le, hatik han na lu sariak khua ro. Hatuka mai phia ro hanke min nei ngoi ei na mu nok rang tenchu na Pa maruka om han na mu inti hava han na Pa maruka amun amara na pe inti.