آيات مشهورة من الكتاب المقدس منUbwandilo 6

شارك

Po papo UNTWA alinkusụlụmanịa ukuti kali nampelaga gwakị umụ̄ndu pakị̄su, sịlikummbaba mụ̄nda.

Bo UNTWA āgịle ukuti, ubutulanōngwa bwa bāndu bubēle pa kị̄su, nukuti syosa inyịnogono sya mụ̄ndu mbị̄bị ndupu amasịku gōsa.

Lolị Nwaka jo alinkukaba ilịpyana nkyenị mụ NTWA.

Isị syo nōngwa sya kikolo kya Nwaka: Nwaka āli mụ̄ndu unngolofụ, unsịtakujobịgwamo ububị̄bị bumo kubāndu ba nkabalilo kāke, kangi alinkwenda na Kyala.

Buno buno UNTWA alinkujoba alinkuti: Nikubapyụtaga pa kị̄su abāndu aba mbapelịle, abāndu nịfinyamāna, kangi nifya būmị ifị fịkwendela ulwanda, na sịnjunị sya mụmpālānga, namanga nsụlụmēnịe ukuti kali nāpelaga fyakị.

Bo abāndu bāndịle ukubāla pakị̄su, po papo abalindwana, balinkupāpịgwa na bāndu bala bala. Abāna ba Kyala balinkwaga ukuti abāna ba bāndu abalindwana bala banụnụ ububūmbe; balinkubēga bamo ukuja bakasị bābo, balinkusalapo aba bābaganịle. Po papo Kyala alinkujoba alinkuti: Mbepo gwangu uju ịkupa ubūmị atịsakujaga bwịla mmụ̄ndu, namanga umwene mụ̄ndu gwa mmbili ugu gukufwa, ịkugonaga ifyinja imịa jimo na malōngo mabili ịtolo (120). Mmasịku gala gala, na mmasịku aga gākōngịle gilinkujako imịndu imịnywamụ fị̄jo imịsịsya igi bāpāpịle bo bēgịle abāna ba bāndu abalindwana. Gyo gyali mị̄ndu gya ịjolo igya maka, kangi gyali mị̄ndu imịfụmụke.

Po papo Nwaka alinkusịbōmba syosa ukukōnga bo mụmo Kyala alinndagilị̄le.

Po papo Kyala alinkummbūla Nwaka alinkuti. Nndụmwịle ukubapyụta bōsa abāndu, papo ikị̄su kyosa kị̄swịle ububị̄bị, panōngwa jābo po āngubapyụtila lumo ni kị̄su.

Ugwe usōngolege ingalaba jāko ija matapwa, amakafụ, aga mpịkị unngwịna; ubīkemo amalị̄nga nkati kangi ujikānde ujisị̄ndilile ujimyalikisye nu mpụlya nkati na pānja.

Bo ịkukikēta ikị̄su, alinkwaga kyonangike, namanga abāndu bōsa ulwendo lwabo ulubị̄bị lwakindilị̄le pakị̄su.

Kangi mụ ngalaba kwịsakwịngilaga ni fya būmị fyosa, uluko nu luko, fyo kwịsakwịngilaga nafyo fị̄bili fịbili ikinyāmbala nikikị̄kulu, kokuti fịsefịponege pamopēne nanụngwe.