آيات مشهورة من الكتاب المقدس منMARKA 13

شارك

Keima hming avângin mi zawng zawng huat in ni ang; nimahsela, a tâwp thlenga tuar peih apiang, chu mi ngei chu chhandamin a awm ang.

Fîmkhur ula, inring renga awmin ṭawngṭai rawh u; a hun chu in hre si lo va.

Tin, an hruai che ua, an mantîr hunah che u chuan, ‘Eng nge ka sawi ang?’ tiin ngaihtuah lâwk suh u; a hun takah chuan a hriattîr che u apiang, chu ngei chu sawi zâwk rawh u; a sawitu chu nangni in ni dâwn si lo va, Thlarau Thianghlim a ni zâwk ang.

Lei leh vân a ral ang a, ka thu erawh chu a ral lo vang.

Nimahsela, chumi ni leh a dâr thu chu Pa chauh lo chuan tu mân, vâna vântirhkohte pawhin, Fapa pawhin an hre lo.

Tin, indo thu leh indo thu thangte in hriat hunin mangang suh ang che u; chûng chu a lo thleng tûr rêng a ni; nimahsela, tâwpna chu a la ni rih lo vang.

Chutichuan, inring rengin awm rawh u; in neitupa lo haw hun tûr chu tlai lamah nge, zânah nge, ârkhuanah nge, zîngah nge a nih dâwn in hre si lo; chuti lo chuan, a lo haw phutin, muhîlin a rawn hmu hlauh dah ang che u. Tin, in hnêna ka sawi hi mi zawng zawng hnêna sawi ka ni. Inring rengin awm rawh u,” a ti ta a.

Hnam hrang leh hnam hrang an indo vang a, ram hrang leh ram hrang an indo vang a; hmun hrang hrangah lîrte a nghîng ang a, ṭâmte a tla ang; chûng chu nau vei ṭantirhna a ni.

Tin, Chanchin Ṭha hi hnam zawng zawng hnêna hril hmasak tûr a ni.

Mi tam tak, ‘Krista chu ka ni,’ tiin keima hming chhâlin an lo kal ang a, mi tam tak an tihder ang.

Nimahsela, fîmkhur rawh u; rorêltute an mantîr dâwn che u a; inkhâwmna inahte an vua ang che u a; keimah avângin hotute leh lalte hmaah anmahni hriattîrna tûrin in la ding bawk ang.

Krista derte leh zâwlnei derte an lo chhuak dâwn si a, chûng chuan chhinchhiahna leh thilmakte an ti ang, thei ang sela, thlante meuh pawh an tihder theih nân.

Nimahsela, chûng nia, chûng hrehawmna hnuah chuan, nî tih thimin a awm ang a, thla a êng tawh lo vang a, vân aṭangin arsite a lo tla ang a, vâna thiltihtheihna awmte chu tihnghîn a ni ang.