آيات مشهورة من الكتاب المقدس منMARKA 14

شارك

“Abba! (Ka Pa!) Engkim i ti thei a; he no hi ka hnên ata la sawn rawh; nimahsela, keia thu ni lovin, nangma thû thû ni zâwk rawh se,” a ti a.

Thlêmnaa in luh loh nân inring rengin ṭawngṭai rawh u. Thlarau zawngin a peih a, tisa erawh chu a chak lo a ni,” a ti a.

Tichuan, tihtak meuhvin ka hrilh a che u, khawvêl zawng zawngah, khawiah pawh Chanchin Ṭha an hrilna apiangah, he hmeichhe thiltih pawh hi amah hriat rengna tûrin an sawi ve zêl ang,” a ti a.

Tichuan, an hnênah, “Ka rilru a lungngai êm êm a, thihna khawp hial a ni; hetah hian awm ula, inring reng rawh u,” a ti a.

Tin, an ei laiin Isuan chhang a la a, mal a sâwmsak zawhin a phel a, an hnênah a pe a, “La rawh u; hei hi ka taksa a ni,” a ti a.

Tin, no a la a, lâwmthu a sawi zawhin an hnênah a pe a; tichuan, an zain an in ta ṭheuh va. Tin, ani chuan an hnênah, “Hei hi ka thisen, mi tam tak tâna chhuak tûr, thuthlunna chu a ni.

Tin, Isuan an hnênah, “In zain lungni lovin in la awm vek ang, ‘Berâm vêngtu chu ka vua ang a, berâmte chu an darh ang,’ tih ziak a ni si a.

Tho ula, i kal ang u; en teh u, mi mantîrtu tûr chu a lo hnaih tâk hi,” a ti a.

Tin, Isuan a hnênah, “Tihtak meuhvin ka hrilh a che, vawiinah, zânin la laah hian, âr vawi hnih a khuan hmain nangin vawi thum mi phat ang,” a ti a.