آيات مشهورة من الكتاب المقدس منGenese 6

شارك

Ke Iehova ame ietra a gʼ ame hia but op at eang hmelen, ke e hmak ut hnyekon.

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Ke haba Noa ame wâ so hnyi hnyimakö Iehova.

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.

KE hnyi ûen ame hwân ka hu tavat ae se hia eang hmeledrany, ke adre hnokoâ lakudra je hlu, ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra. Ke Iehova ame ha, ka habe, Ame ca he bala hanuk ba ûö hwege me at, anyin a e thibi unyin: ke so bi haba bonginy je bong ame he ka khaca haded ke twente ta je huna. Haba hnyi je bong eling e hu je Nefilim eang hmelen, me hnyi je bong minya a biliny, waleji hnyi ûen ame o but ta je lakon Khong ka lakon tavat a ta je hlu, ke adre me hnokoâ lakudra: haba tavat eling waleji tavat ae hwege ehac, me tavat ae lung.

Haba Noa ame ânyâ helâe; e ame ânyâ hoton ta je ûnyi hia Khong ame hûna kâu.

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Tibet ju hobi köu aka ge utö a gofa; ke u me he ka ânyâ ta je hnyeule hnyin aka, ke u me he ka okeceâ eiö hnyin me hoton ge ouge.

Ke Khong ame wâ hmeledrany, ke wâ bi a ikiki thö; anyin a hia but tavat hia oikikiâ dedra eang hmelen.

Ke u ma he ka hom ka hnyin aka ûsa lo li ûnyi hnyi ta je meno hia thithö, me me tha möt möu; ûsa khaca baga me momo.