آيات مشهورة من الكتاب المقدس منJOHAN 6

شارك

BAWIPA Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

BAWIPA Jesuh naw, “Khanpughi ah ang yak hlü cu amät naw a tüih law ah akchang cu nami yum vai ah kyak ci nei” cine kyak na gui ci.

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

Simon Peter naw, “BAWIPA, a u ah om nak ah keimi kami hteh vai ang? Nang BAWIPA bäng naw vah angtäi ghin nak ah ng’thu cu na pyein ci.

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

Kei cu ghin nak m’htut ah ka kyak ci. Nami pughi pa gui cu

BAWIPA Jesuh naw m’htut cu la ne Khanpughi ah taigü netah, chang gui-am tei gui ci. Nga phi la ne tei gui ci. Chang avan naw ami phü ciah ei ci gui. Chang avan naw ei ne ami phü kawn ah BAWIPA Jesuh naw ang düihpüi gui-am, “Ami ei pawih gui käng theh-en khai ah m’dawn ne gim ba vä” cine kyak na gui ci.

Ang düihpüi gui cu, maing thum phli vai ung hleiko awn ami hteh kawn ah BAWIPA Jesuh cu tui khan ah ng’düi ne ana a vü sei hmu u netah, cäicat ne kyikyawk ci gui. BAWIPA Jesuh naw, “Kä kyikyawk vä, kei nei” cik ci.