آيات مشهورة من الكتاب المقدس منLUKA 12

شارك

Changah Htapa cu nangmi naw kä nami ngaih-tüh ah akhin ung gawk lawk khai kyasei, geing na ne, ngaih na ne nami om vai” ci ne m’cäi gui ci.

Cun ah kyasei, Khanpughi ah uknak kho cu akhtük bäih ah nami shui vai, cun ung shin gui cu ning pe gui khai.

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

A i ah kyasei ci ung nami khawhchaam ah om nak ah nami m’lung phi gawk thei ciah kyak ci.

Nangmi ung kaa a u naw ang’ä ai nak awn amät ah ghin nak cu ng’sau ba pi khai ah bi hning khai ang?

Cun kawn ah BAWIPA Jesuh naw, ang düihpüi gui-am, “Cun ah kia sei, a i ei ne ghin vai cine hnun ah hmawk ka kä nami ng’ä vai, a i sui ne om vai cine pumsa ah hmawk ah phi kä nami ng’ä vai.

Nami lumu ng’ma phi avan khei pyi ci nei, cun ah kya sei kä nami kyih vai, nangmi cu biit hta akda ah mä nami küikyang pi ci nei.

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

Kha gui cu teng gui vä, ngami cu m’shi kä geit ci gui, kä khäm tawng ci gui, im khei kä co ci gui, cun ung phi Khanpughi naw ngami cu tumbei gui ci.

Cun ah kya sei ‘A i ei awk vai’ cine kä nami ng’ä vai, (Khongyo yum ci gui phi angtäi sei acun ah ng’ä ci gui nei.)

Zum nak ken ciah chang gui! Tuhngawi ghing ne hnah ci a ngawi ung chawng sei mei maw a uih ah khu m’ghaw gui hngaw Khanpughi naw cun ah am sui m’sak gui ung, nangmi cu acun ah mä bä pi khai ah ning m’sui m’sak gui khai ah kä kya ne ang?

Küp phung ng’hmawng khai, m’yih phung ng’phleh khai nei.